spot_img
Homeຂ່າວທ້ອງຖິ່ນຊີ້ແຈງ ເລື່ອງສະພາບການ ຄົວແບ້ໃນໂຮງໝໍສະໜາມ ແຂວງສະຫວັນນະເຂດ

ຊີ້ແຈງ ເລື່ອງສະພາບການ ຄົວແບ້ໃນໂຮງໝໍສະໜາມ ແຂວງສະຫວັນນະເຂດ

Published on

ອີງຕາມການສຳພາດຂອງ ປອ. ດຣ ຕຽງຄຳ ປ້ອງວົງສາ ຮອງຫົວໜ້າພະແນກສາທາລະນະສຸກ ແຂວງສະຫວັນນະເຂດ ຫົວໜ້າກອງເລຂາ ຄະນະສະເພາະກິດ ຕ້ານພະຍາດໂຄວິດ-19 ປະຈຳແຂວງສະຫວັນນະເຂດ ຈາກລາຍການຄລິນິກທັນເຫດການ ໃຫ້ຮູ້ວ່າ: ເລື່ອງການຄົວແບ້ ໃນໂຮງໝໍສະໜາມ ແຂວງສະຫວັນນະເຂດ ແມ່ນຄວາມຈິງ.

ທ່ານ ປອ. ດຣ ຕຽງຄຳ ປ້ອງວົງສາ ໄດ້ໃຫ່ສພຳາດວ່າ: ໃນຄືນວັນທີ່ເກີດເຫດ ໄດ້ເຫັນພາບຂອງຜູ້ກ່ຽວເອງທີ່ໄດ້ຖ່າຍ ການຄົວແບ້ ແຕ່ແບ້ນັ້ນແມ່ນໄດ້ທຳການຄົວ ແລະ ສຳແຫຼະໂພນ ມາແຕ່ນອກແລ້ວ ແລະ ສົ່ງຊີ້ນສ່ວນເປັນໂຕເຂົ້າມາພາຍໃນສູນປິ່ນປົວ, ໝາຍຄວາມວ່າບໍ່ແມ່ນຄົນເຈັບເປັນຜູ້ຂ້າເອງ ແຕ່ແມ່ນຄອບຄົວພີ່ນ້ອງ ຂອງຄົນເຈັບເອົາມາສົ່ງໃຫ້ຄົວກິນ ຢູ່ສູນປິ່ນປົວ. ເຊິ່ງຕອນນັ້ນ ແມ່ນຄໍ່າ ແລະ ຝົນຕົກແນ່ ແພດຂອງເຮົາກໍໄດ້ເຫັນ ແລະຫ້າມຢູ່ ແຕ່ພັດລົງມືແລ້ວ ເລີຍເຮັດກິນຕໍ່ ແລະ ຜູ້ປ່ວຍກໍຕອບວ່າ ມື້ນີ້, ຮູ້ສຶກວ່າລີ້ນກັບມາຮັບຮູ້ລົດຊາດດີຂື້ນ ແລະ ຢາກກິນແນວແຊບໆແນ່ ກໍເລີຍຄົວກິນເອງ ທັງໆທີ່ພວກເຮົາກໍບໍ່ໄດ້ມີການແນະນຳໃຫ້ປະຕິບັດໃນລັກສະນະດັ່ງກ່າວນີ້.

ຕໍ່ກັບບັນຫາດັ່ງກ່າວຫຼັງຈາກທີ່ເຮົາໄດ້ຮັບຮູ້ແລ້ວ ຕື່ນເຊົ້າຂື້ນມາທາງທີມງານຂອງພວກເຮົາ ກໍມີການປຶກສາກັນ ແລະ ມີການຈັດຮູບແບບຕ່າງໆທັງໝົດ ວາງກົດລະບຽບໃຫ້ບັນດາຜູ້ທີ່ກຳລັງຮັບການປິ່ນປົວໃນສູນກັກກັນນັ້ນ ໂດຍສະເພາະຄື:

  1. ໃຫ້ທຳການອອກລຳກາຍກິລາ (ຫ້າມບໍ່ໃຫ້ຫຼີ້ນກິລາປະເພດເຕະບານໃນສະໜາມ)ໃຫ້ອອກກຳລັງກາຍ ແບບຕາກແດດ ແລ່ນ ຍ່າງ

2. ການແຕ່ງຢູ່ຄົວກິນ ແນ່ນອນແລ້ວ ພວກເຮົາຢ້ານມີຄວາມສ່ຽງເພາະວ່າສູນຂອງພວກເຮົາ ບໍ່ໄດ້ເປັນສູນທີ່ສ້າງຂື້ນມາເພື່ອປິ່ນປົວໂຄວິດ ແຕ່ແມ່ນໂຮງໝໍສະໜາມ ພວກເຮົາກໍຢ້ານການລະບາດຂອງພະຍາດອື່ນໆ ຖ້າຫາກວ່າຮັກສາອານາໄມບໍ່ໄດ້.

ຕໍ່ບັນຫາດັ່ງກ່າວ ເຮົາກໍໄດ້ເອີ້ນແພດໝໍ ເຈົ້າໜ້າທີ່ ປກສ ທີ່ຍາມສູນປິ່ນປົວມາຮັບຮູ້ບັນຫາທັງໝົດ ວາງລະບຽບນໍາກັນ ໄດ້ແກ່ເຈົ້າໜ້າທີ່ ໃຫ້ຄວາມເຂັ້ມງວດໃນການຕິດຕາມ.

ຜູ້ທີ່ຄົວແບ້ແມ່ນຄົນເຈັບ ສ່ວນຜູ້ທີ່ໂພສກໍແມ່ນໝູ່ຂອງເຂົາເຈົ້າເອງ ເພາະພວກເຮົາກໍຮັບຮູ້ບັນຫານີ້ຜ່ານເຟສບຸກ. ຕື່ນເຊົ້າມາຈຶ່ງໄດ້ລົງໄປແກ້ໄຂ ເພື່ອບໍ່ໃຫ້ມີເກີດຂື້ນອີກໃນຊຸດຕໍ່ໄປ, ຢືນຢັ້ງໃນພາບບໍ່ມີເຈົ້າໜ້າທີ່ແຕ່ຢ່າງໃດ ມີພຽງຄົນເຈັບເປັນຜູ້ເຮັດເອງ ໂດຍບໍ່ມີໃຜແນະນຳໃຫ້ເຂົາເຈົ້າເຮັດ.

ຫຼັງຈາກເກີດເຫດທາງສູນກໍໄດ້ເອີ້ນບັນດາຄົນເຈັບທີ່ປິ່ນປົວ ແລະ ໄດ້ອະທິບາຍລະບຽບການປິ່ນປົວ ການຮັກສາໂຕແນວໃດ ອັນໃດຄວນ ບໍ່ຄວນ ອັນໃດອະນຸຍາດ ບໍ່ອະນຸຍາດ ຢ່າງຊັດເຈນ, ນອກຈາກຄົນເຈັບເຮົາກໍຍັງໄດ້ລົມກັບແພດ ເຈົ້າໜ້າທີ່ ປກສ ໃຫ້ເອົາໃຈໃສ່ ການປະຕິບັດຕົນຂອງຄົນເຈັບໃຫ້ຖືກຕາມທາງການແພດໃນການປິ່ນປົວ ເຈົ້າໜ້າທີ່ ປກສ ກໍຕ້ອງຍາມ ຄືການແຕ່ງຢູ່ຄົວກິນຄືແນວນີ້ ແພດຢູ່ສູນກໍຕ້ອງໄດ້ບອກ ແລະ ເອີ້ນມາ ວາງລະບຽບ ໃຫ້ເຂົາເຈົ້າເຂົ້າໃຈ ເພື່ອບໍ່ໃຫ້ເກີດຂື້ນອີກຕໍ່ໄປ ສຳລັບຄວາມຜິດພາດທີ່ຜ່ານມານັ້ນ ຄົນເຈັບກໍຂໍໂທດໃນສິ່ງທີ່ເຮັດໄປ.

ບົດຄວາມຫຼ້າສຸດ

ພິທີເປີດງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025 ຢ່າງເປັນທາງການ

ເປີດຂຶ້ນຢ່າງເປັນທາງການແລ້ວ ງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025. ມະຫະກຳກິລາ ແຫ່ງຊາດ ຄັ້ງທີ XII ຫຼື ນະຄອນຫຼວງວຽງຈັນເກມ ທີ່ນະຄອນຫຼວງວຽງຈັນ ເປັນເຈົ້າພາບ ໄດ້ເປີດຂຶ້ນຢ່າງເປັນທາງການ...

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...

ໂຄງການ ASEAN SOAR Together ໄດ້ຮ່ວມແບ່ງປັນເລື່ອງລາວຄວາມສໍາເລັດຂອງ MSME ດິຈິຕ້ອນ ທີ່ງານ ABIS 2025

ສະເຫຼີມສະຫຼອງຜົນສໍາເລັດຂອງການຫັນສູ່ດິຈິຕ້ອນຂອງ MSME ໃນທົ່ວອາຊຽນ ຜ່ານໂຄງການ ASEAN SOAR Together ກົວລາ ລໍາເປີ, 31 ຕຸລາ 2025 – ມູນນິທິ ອາຊຽນ...