spot_img
Homeເກາະຕິດກິລາຊີເກມຊີເກມຄັ້ງທີ28ສິງກະໂປສົ່ງນັກກິລາເຂົ້າແຂ່ງຂັນຫຼາຍທີ່ສຸດໃນປະຫວັດສາດ

ຊີເກມຄັ້ງທີ28ສິງກະໂປສົ່ງນັກກິລາເຂົ້າແຂ່ງຂັນຫຼາຍທີ່ສຸດໃນປະຫວັດສາດ

Published on

11350546_856598294377818_7284155057348432949_n

ການແຂ່ງຂັນກິລາ ຊີເກມ ຄັ້ງທີ 28 ຈະຈັດຂຶ້ນລະຫວ່າງວັນທີ 5-16 ມິຖຸນາ 2015 ທີ່ປະເທດສິງກະໂປ ໂດຍມີຄະນະນຳ, ຄູເຝິກ ແລະ ນັກກິລາ ທີ່ມາຈາກ 11 ປະເທດ ຄື: ສິງກະໂປ ເຈົ້າພາບ, ມາເລເຊຍ, ອິນໂດເນເຊຍ, ຟີລິບປິນ, ບຣູໄນ, ຕີມໍ ເລສເຕ, ກຳປູເຈຍ, ຫວຽດນາມ, ລາວ , ໄທ ແລະ ມຽນມາ ຈຳນວນ 7 ພັນກວ່າຄົນເຂົ້າຮ່ວມຊີງໄຊໃນຈຳນວນ 36 ປະເພດກິລາ.
ທັງນີ້, ສະຫະພັນກິລາແຕ່ລະປະເພດຂອງສິງກາໂປ ສະເໜີສົ່ງນັກກິລາເຂົ້າຮ່ວມການແຂ່ງຂັນທັງໝົດ 1.234 ຄົນ ເຊິ່ງເປັນເລກງາມ ແຕ່ຄະນະກຳມະການໂອລິມປິກ ໄດ້ພິຈາລະນາ ແລະ ລົງມະຕິເປັນເອກະພາບ ຫຼຸດນັກກິລາລົງເຫຼືອພຽງ 748 ຄົນ ປະກອບດ້ວຍນັກກິລາຊາຍ 399 ຄົນ ແລະ ນັກກິລາຍິງ 349 ຄົນ ກຳນົດແຂ່ງຂັນຄົບ 30 ປະເພດກິລາ. ເປັນຄັ້ງທຳອິດທີ່ ສິງກະໂປ ສົ່ງນັກກິລາເຂົ້າຮ່ວມແຂ່ງຂັນ ຊີເກມ ຫຼາຍທີ່ສຸດ ຫຼັງຈາກທີ່ເຄີຍສົ່ງນັກກິລາ 483 ຄົນ ເຂົ້າຮ່ວມການແຂ່ງຂັນ ຊີເກມ ຄັ້ງທີ 17 ເມື່ອປີ 1993 ທີ່ສິງກະໂປ ເປັນເຈົ້າພາບຄັ້ງຫຼ້າສຸດ ເມື່ອ 22 ປີກ່ອນ.
ສຳລັບ ສິງກະໂປ ເຈົ້າພາບ ຕັ້ງເປົ້າໃຫ້ໄດ້ຢ່າງໜ້ອຍ 50 ຫຼຽນຄຳ ເຊິ່ງເປັນຜົນງານທີ່ທັບນັກກິລາສິງກະໂປ ເຄີຍເຮັດໄດ້ ໃນຊີເກມ 1993 ຖ້າຫາກໄດ້ຕາມຄວາມຄາດຫວັງ ກໍ່ຈະເປັນການສະເຫຼີມສະຫຼອງວັນເອກະລາດຄົບຮອບ 50 ປີ ຂອງປະເທດສິງກະໂປໄປພ້ອມໆກັນ.
ໂດຍຈຳນວນນັກກິລາຂອງສິງກະໂປ ທີ່ສົ່ງເຂົ້າແຂ່ງຂັນ 36 ປະເພດ ໃນ ສິງກະໂປ ເກມ ຄັ້ງທີ 28 ມີດັ່ງນີ້:
ກິລາທາງນ້ຳ 75 ຄົນ (ລອຍນ້ຳ 29, ໂດດນ້ຳ 8, ລະບຳໃຕ້ນ້ຳ 12, ໂປໂລນ້ຳ 26), ຍິງທະນູ 16 ຄົນ, ແລ່ນ-ລານ 73 ຄົນ, ແບດມິນຕັນ 20 ຄົນ, ບານບ້ວງ 24 ຄົນ, ບິລລຽດ-ສະນຸກເກີ 11 ຄົນ, ໂບລິງ 12 ຄົນ, ມວຍສາກົນສະໝັກຫຼິ້ນ 10 ຄົນ, ເຮືອແຄນູ (ພາຍ 2 ຄົນ) 19 ຄົນ, ລົດຖີບ 8 ຄົນ, ຂີ່ມ້າ 8 ຄົນ, ຟັນດາບ 24 ຄົນ, ຟຼບອລ 20 ຄົນ, ກ໊ອຟ 7 ຄົນ, ຍິມນາສຕິກ 20 ຄົນ (ຍິມນາສຕິກສິນ 12, ຍິມນາສຕະກລີລາ 8), ຮອກກີ 36 ຄົນ, ຢູໂດ 10 ຄົນ, ເນັດບອລ 12 ຄົນ, ປັນຈັກສີລັດ 13 ຄົນ, ເປຕັງ 9 ຄົນ, ເຮືອພາບ 26 ຄົນ, ຮັກບີ 7 ຄົນ 24 ຄົນ, ເຮືອໃບ 32 ຄົນ, ກະຕໍ້ 19 ຄົນ, ຍິງປືນ 29 ຄົນ, ຊອຟບອລ 34 ຄົນ, ສະວອຊ 8 ຄົນ, ປິ່ງປ່ອງ 10 ຄົນ, ເທຄວັນໂດ 8 ຄົນ, ເທັນນິສ 9 ຄົນ, ເຮືອພາຍ 28 ຄົນ, ໄຄຣກິລາ 4 ຄົນ, ບານສົ່ງ 24 ຄົນ, ສະກີນ້ຳ 9 ຄົນ, ວູຊູ 17 ຄົນ ແລະ ບານເຕິ 20 ຄົນ.

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...