spot_img
Homeຂ່າວທ້ອງຖິ່ນຈະລາຈອນຫ້າມໜ່ວຍກູ້ໄພແລ່ນລົດໄວ ແລະ ເປີດສຽງຫວໍດັງ

ຈະລາຈອນຫ້າມໜ່ວຍກູ້ໄພແລ່ນລົດໄວ ແລະ ເປີດສຽງຫວໍດັງ

Published on

ໜັງສືພິມລາວພັດທະນາ ລາຍງານເມືອວັນທີ 6 ມີນາ 2017 ນີ້ວ່າ ຮອງຫົວໜ້າກົມຕຳຫລວດຈະລາຈອນ ກົມໃຫຍ່ຕຳຫລວດກະຊວງປ້ອງກັນຄວາມສະຫງົບ ໄດ້ໃຫ້ຮູ້ພາຍຫລັງສໍາເລັດກອງປະຊຸມຕີລາຄາການນໍາໃຊ້ແສງ, ສີ ແລະ ສຽງຫວໍຂອງບັນດາລົດທີ່ມີອະພິສິດ, ໂດຍສະເພາະແມ່ນລົດໂຮງໝໍ, ລົດໜ່ວຍກູ້ໄພຫ້າມໜ່ວຍກູ້ໄພແລ່ນລົດໄວ ແລະ ເປີດສຽງຫວໍດັງ ເພື່ອຫຼີກລ່ຽງອຸບັດຕິເຫດຊ້ຳຊ້ອນຕາມທ້ອງຖະໜົນ.

ທ່ານ ພັນໂທ ຄຳເຫລັກ ໄຊຍະສິດ ຮອງຫົວໜ້າກົມຕຳຫລວດຈະລາຈອນ ກົມໃຫຍ່ຕຳຫລວດກະຊວງປ້ອງກັນຄວາມສະຫງົບ ໄດ້ໃຫ້ຮູ້ພາຍຫລັງສໍາເລັດກອງປະຊຸມຕີລາຄາການນໍາໃຊ້ແສງ, ສີ ແລະ ສຽງຫວໍຂອງບັນດາລົດທີ່ມີອະພິສິດ, ໂດຍສະເພາະແມ່ນລົດໂຮງໝໍ, ລົດໜ່ວຍກູ້ໄພ ເມື່ອທ້າຍອາທິດຜ່ານມານີ້ວ່າ: ກອງປະຊຸມໄດ້ເປັນເອກະພາບກໍານົດໃຫ້ລົດໜ່ວຍກູ້ໄພຈໍານວນ 7 ພາກສ່ວນຫ້າມນຳໃຊ້ສຽງຫວໍລົດຂອງພາກສ່ວນອື່ນຢ່າງເດັດຂາດ, ຕ້ອງນຳໃຊ້ສຽງຫວໍຄືລົດນຳສົ່ງຄົນເຈັບຂອງໂຮງໝໍເທົ່ານັ້ນ ແລະ ຫ້າມເປີດສຽງຫວໍຕະຫລອດ 24 ຊົ່ວໂມງ, ໃຫ້ປິດສຽງຫວໍແຕ່ 18:00-6:00 ໂມງ (ກໍລະນີສຸກເສີນຮ້າຍແຮງແມ່ນອະນຸຍາດໃຫ້ເປີດໄດ້), ສ່ວນສັນຍານໄຟໝູນຫລັງລົດໃຫ້ນຳໃຊ້ສະເພາະສີຟ້າ, ຫ້າມແລ່ນລົດໄວເກີນຂອບເຂດເພື່ອຫລີກເວັ້ນບັນຫາການເກີດອຸປະຕິເຫດຕາມມາ ແລະ ປະຕິບັດຕາມກົດລະບຽບຈະລາຈອນທີ່ກຳນົດໄວ້ຢ່າງເຂັ້ມງວດ.

ທ່ານຮອງຫົວໜ້າກົມຕຳຫລວດຈະລາຈອນ ໃຫ້ຮູ້ວ່າ: “ການນໍານົດຫລາຍຂໍ້ຫ້າມຕໍ່ພາກສ່ວນດັ່ງກ່າວ,ຍ້ອນວ່າຜ່ານມາມີລົດກູ້ໄພຈໍານວນໜຶ່ງໄດ້ອຸປະຕິເຫດຍ້ອນຜູ້ຂັບຂີ່ໃຊ້ຄວາມໄວເກີນກຳນົດ, ດັ່ງກໍລະນີຄັ້ງວັນທີ 16 ເມສາ 2016 ເວລາ 15:00 ໂມງເກີດອຸປະຕິເຫດລົດກູ້ໄພຕຳກັບລົດໃຫຍ່ຢູ່ສີ່ແຍກໄຟອຳນາດສີໄຄ, ເມືອງສີໂຄດຕະບອງລົດກູ້ໄພຄັນດັ່ງກ່າວບໍ່ມີປ້າຍທະບຽນຂັບຂີ່ໂດຍທ້າວ ສຸກສາຄອນ ອາຍຸ 23 ປີນັກສຶກສາ ບ້ານ ວັດໄຕ ເມືອງ ສີໂຄດຕະບອງ, ຄັ້ງວັນທີ 10 ກຸມພາ 2017 ເວລາ 13:30 ໂມງເກີດອຸປະຕິເຫດລົດຈັກຕຳກັບລົດກູ້ໄພຢູ່ຖະໜົນກຳ ແພງເມືອງຕໍ່ໜ້າໂຮງໝໍເສດຖາເມືອງສີສັດຕະນາກ ລົດກູ້ໄພໝາຍເລກທະບຽນ ກສ 1623 ຂັບຂີ່ໂດຍທ້າຍ ອະນຸຄົງ ອາຍຸ 33 ປີ ນັກທຸລະກິດ, ບ້ານ ໜອງໄຮ ເມືອງ ຫາດຊາຍຟອງ ແລະ ຄັ້ງວັນທີ 12 ກຸມພາ 2017 ເວລາ 20:30 ໂມງລົດກູ້ໄພຕໍາລົດໃຫຍ່ຢູ່ 4 ແຍກໄຟອຳນາດໂພນສະອາດເມືອງໄຊເສດຖາ, ລົດກູ້ໄພບໍ່ມີໝາຍເລກທະບຽນຂັບຂີ່ໂດຍທ້າວ ອານຸວັດ ນັກຮຽນຢູ່ບ້ານໜອງດ້ວງເມືອງສີໂຄດຕະບອງ”.

ທ່ານຮອງຫົວໜ້າຕໍາຫລວດ ກ່າວວ່າ: ການປະຕິບັດໜ້າທີ່ຂອງໜ່ວຍກູ້ໄພເພື່ອຮັບໃຊ້ສັງຄົມໃນໄລຍະຜ່ານມາແມ່ນມີຜົນງານທີ່ໜ້າຍົກຍ້ອງຊົມເຊີຍ, ໂດຍສະເພາະສາມາດນຳສົ່ງຄົນເຈັບໄປເຖິງໂຮງໝໍໄດ້ທັນເວລາ,ປອດໄພ ແລະ ສາມາດກອບກູ້ເອົາຊີວິດຂອງຜູ້ປະສົບອຸປະຕິເຫດຕາມທ້ອງຖະໜົນ ແລະ ກໍລະນີອື່ນໆ ແລະ ສັງຄົມໃຫ້ການສະໜັບສະໜູນໃນດ້ານວັດຖຸປັດໃຈຊ່ວຍເຫລືອເປັນຢ່າງດີ. ແຕ່ເພື່ອໃຫ້ສອດຄ່ອງຕາມລະບຽບຫລັກການ ແລະ ທັງໃຫ້ຮັບປະກັນຄວາມປອດໄພໃນວຽກງານດັ່ງກ່າວໃນຕໍ່ໜ້າ, ຈຶ່ງມີຄວາມຈໍາເປັນກໍານົດລະບຽບ ແລະ ເຝິກອົບ ຮົມດ້ານການຂັບຂີ່ປອດໄພໃຫ້ບັນດານັກຂັບຂີ່ຂອງໜ່ວຍກູ້ໄພ ເພື່ອໃຫ້ມີຄວາມຮູ້ເລິກເຊິ່ງກ່ຽວກັບກົດລະບຽບຈະລາຈອນຫລາຍຂຶ້ນ, ກໍຄືຮັບປະກັນໃຫ້ລົດກູ້ໄພທີ່ຮັບສົ່ງຄົນເຈັບໄປໂຮງໝໍດ້ວຍຄວາມປອດໄພ.

ບົດຄວາມຫຼ້າສຸດ

ລາວ-ສ.ເກົາຫຼີ ລົງນາມຮ່ວມມື ເພື່ອດໍາເນີນໂຄງການສ້າງສູນພັດທະນາບຸກຄະລາກອນທາງດ້ານດິຈິຕອນ ມູນຄ່າ 9.9 ລ້ານໂດລາ

ລາວ-ສ.ເກົາຫຼີ ລົງນາມບົດບັນທຶກການຮ່ວມມື (Record of Discussion-ROD) ເພື່ອດໍາເນີນໂຄງການສ້າງສູນພັດທະນາບຸກຄະລາກອນທາງດ້ານດິຈິຕອນ ກະຊວງເຕັກໂນໂລຊີ ແລະ ການສື່ສານ (ກຕສ) ຮ່ວມກັບ ອົງການຮ່ວມມືສາກົນ ສ.ເກົາຫຼີ (KOICA) ໄດ້ຈັດພິທີລົງນາມບົດບັນທຶກການຮ່ວມມື...

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...

ສະຫາຍນາງ ວຽງທອງ ສີພັນດອນ ໄດ້ຮັບເລືອກເປັນເລຂາຄະນະບໍລິຫານງານພັກ ສປສສ

ຂໍສະແດງຄວາມຊົມເຊີຍ ສະຫາຍນາງ ວຽງທອງ ສີພັນດອນ ໄດ້ຮັບເລືອກຕັ້ງເປັນເລຂາຄະນະບໍລິຫານງານພັກສານປະຊາຊົນສູງສຸດ (ສປສສ) ກອງປະຊຸມໃຫຍ່ສະມາຊິກພັກ ຄັ້ງທີ V ອົງຄະນະພັກສານປະຊາຊົນສູງສຸດ ປິດລົງດ້ວຍຜົນສຳ ເລັດຢ່າງຈົບງາມໃນວັນທີ 11 ກັນຍານີ້ ທີ່ນະຄອນຫຼວງວຽງຈັນ...

ຖືກກັກໂຕແລ້ວ ຈາກກໍລະນີແພດທຳຮ້າຍຮ່າງກາຍຄົນເຈັບ ຢູ່ຫວຽດນາມ ພົບເຄື່ອງມືບໍ່ໄດ້ມາດຕະຖານ ແລະ ບໍ່ມີໃບອະນຸຍາດ

ໃນວັນທີ 11 ກັນຍາ 2025 ທີ່ຜ່ານມາ, ເຈົ້າໜ້າທີ່ຕຳຫຼວດນະຄອນໂຮຈິມິນ ປະເທດຫວຽດນາມ ໄດ້ຈັບກຸມ ນາງ ຫວຽນ ຖິ ຕ່ວນ ຈິງ (Nguyen...