spot_img
Homeຂ່າວການພັດທະນາຄວາມຄືບໜ້າການພັດທະນາ ລະບົບແຈ້ງພາສີປະຕູດຽວ

ຄວາມຄືບໜ້າການພັດທະນາ ລະບົບແຈ້ງພາສີປະຕູດຽວ

Published on

ກອງ​ປະຊຸມ​ປຶກສາ​ຫາລື ແລະ ຮັບ​ຟັງ​ລາຍ​ງານ​ຄວາມ​ຄືບ​ໜ້າ ການ​ພັດທະນາ​ລະບົບ​ແຈ້ງ​ພາສີປະຕູ​ດຽວ​ແຫ່ງ​ຊາດ ໄດ້​ຈັດ​ຂຶ້ນໃນ​ວັນ​ທີ 7 ສິງຫາ 2017 ທີ່​ກະຊວງ​ການ​ເງິນ ໂດຍ​ເປັນ​ປະທານຂອງ​ທ່ານ​ນາງ ທິບ​ພະ​ກອນ ຈັນທະ​ວົງສາ ຮອງ​ລັດຖະມົນຕີ​ກະຊວງ​ການ​ເງິນ ປະທານ​ຄະນະ​ຊີ້ນຳ​ວຽກ​ງານ​ພັດທະນາ​ລະບົບແຈ້ງ​ພາສີ​ປະຕູ​ດຽວ​ແຫ່ງ​ຊາດ ມີ​ທ່ານ ບຸນ​ປະເສີດ ສີ​ກຸນລະບຸດ ຮັກສາ​ການ​ຫົວໜ້າ​ກົມ​ພາສີ ຜູ້ອຳນວຍ​ການ​ບໍລິສັດ​ຮ່ວມ​ພັດ​ທະນາ​ລະບົບ​ແຈ້ງ​ພາສີ​ປະຕູ​ດຽວແຫ່ງ​ຊາດ (LNSW) ຜູ້​ຈັດການໂຄງການ (LNSW) ພ້ອມ​ດ້ວຍພະນັກງານ​ວິຊາ​ການ ແລະ ແຂກ​ຖືກ​ເຊີນ​ເຂົ້າ​ຮ່ວມ.

ກອງ​ປະຊຸມ​ໄດ້​ສະຫຼຸບ​ຕີ​ລາຄາ​ຄວາມ​ຄືບ​ໜ້າ ການ​ພັດທະນາລະບົບ​ແຈ້ງ​ພາສີ​ປະຕູ​ດຽວ ໃນ​ໄລຍະ​ຜ່ານ​ມາ ໂດຍ​ສະເພາະແມ່ນການ​ພັດທະນາ​ໂມ​ດູນ ການ​ອອກໃບ​ອະນຸຍາດ ຫຼື ໃບຢັ້ງຢືນ​ແບບເອ​ເລັກ​ໂຕຣ​ນິກໃຫ້​ແກ່​ພາກ​ລັດ ກ່ຽວ​ກັບ​ການ​ນຳ​ເຂົ້າ-ສົ່ງ​ອອກສິນຄ້າ ເຄື່ອງ​ຂອງ ນອກ​ນີ້ຍັງ​ໄດ້ກຳນົດ​ແຜນ​ວຽກ​ຍຸດ​ທະ​ສາດ ການ​ພັດທະນາ​ລະບົບ​ແຈ້ງ​ພາສີປະຕູ​ດຽວ ​ໃຫ້​ສາມາດ​ເຊື່ອມ​ໂຍງເຂົ້າ​ລະບົບ​ອາຊີ​ກູ​ດາ​ຂອງ​ອົງການ​ອູນ​ຕັກໄດ້​ຢ່າງ​ສົມບູນ ແລະ ເພື່ອ​ແນໃສ່​ອຳນວຍ​ຄວາມ​ສະດວກ​ໃຫ້​ແກ່​ທຸກ​ຂົງເຂດ ​ໃນ​ການ​ບໍລິການ​ແຈ້ງ​ພາສີ ເຊິ່ງ​ຈະ​ເຮັດໃຫ້​ລະບົບ​ແຈ້ງ​ພາສີ​ປະຕູ​ດຽວຂອງ​ລາວ ​ກ້າວ​ໄປ​ສູ່​ຄວາມ​ທັນສະໄໝ ແລະ ເປັນ​ເອກະ​ພາບ​ກັບບັນດາ​ສະມາຊິກ​ອາ​ຊຽນ.

ປັດຈຸບັນ​ການ​ພັດທະນາ​ລະບົບແຈ້ງ​ພາສີ​ປະຕູ​ດຽວ ໄດ້​ສຳເລັດການ​ພັດທະນາ​ຕົ້ນ​ແບບ​ຂອງ​ລະບົບ ແລະ ໄດ້​ດຳເນີນ​ການ​ທົດລອງ​ນຳ​ໃຊ້​ລະບົບ ​ເພື່ອ​ອອກ​ໃບອະນຸຍາດ​ນຳ​ເຂົ້າ​ພາຫະນະ​ທົ່ວໄປ​ ພາຍ​ໃຕ້​ການ​ຄຸ້ມ​ຄອງ​ຂອງ​ກົມການ​ນຳ​ເຂົ້າ-ສົ່ງ​ອອກ ກະຊວງອຸດສາຫະກຳ ແລະ ການ​ຄ້າ ເຊິ່ງ​ເຫັນ​ວ່າ​ສາມາດ​ນຳ​ໃຊ້​ໄດ້ໂດຍ​ພື້ນຖານ ການ​ອອກ​ໃບ​ອະນຸຍາດ​ດັ່ງກ່າວ​ ແມ່ນ​ອີງ​ຕາມ​ແຈ້ງການ​ຂອງ​ກະຊວງ​ອຸດ​ສະຫະ​ກຳ ແລະ ການ​ຄ້າ ວ່າ​ດ້ວຍ​ລາຍການ​ສິນຄ້າ​ທີ່​ຕ້ອງ​ຂໍອະນຸຍາດ ນຳ​ເຂົ້າ ຫຼື ສົ່ງ​ອອກ ແບບ​ອັດ​ຕະໂນ​ມັດ ແລະ ແບບ​ບໍ່​ອັດ​ຕະ​ໂນມັດ ສະບັບ​ເລກ​ທີ 0076/​ອຄ.​ກຂອ ລົງ​ວັນ​ທີ 13 ມັງກອນ 2012.

ພາຍຫຼັງ​ສຳເລັດ​ການ​ທົດລອງ​ນຳ​ໃຊ້ ​ຈະ​ຂະຫຍາຍ​ການ​ນຳໃຊ້​ລະບົບ​ດັ່ງກ່າວ ​ໄປ​ສູ່​ຂະແໜງການ​ທີ່​ຕິດ​ພັນ​ກັບ​ການ​ອອກ​ໃບອະນຸຍາດ​ນຳ​ເຂົ້າ​ພາຫະນະ ໂດຍສະເພາະແມ່ນ​ກົມ​ຂົນສົ່ງ ກະຊວງ​ໂຍທາ​ທິ​ການ ແລະ ຂົນສົ່ງ ເພື່ອ​ອອກ​ໃບ​ອະນຸຍາດ​ດ້ານ​ເຕັກນິກ​ນຳ​ເຂົ້າ​ພາຫະນະ​ກົນ​ຈັກ ແລະ ຂຶ້ນ​ທະບຽນ​ຢູ່​ລາວ ແລະ ຂະແໜງການ​ທີ່​ກ່ຽວຂ້ອງ​ກັບການ​ອອກ​ໃບ​ອະນຸຍາດ​ນຳ​ເຂົ້າອື່ນໆ ເຊັ່ນ: ກົມ​ອາຫານ ແລະ ຢາ ກະຊວງ​ສາທາລະນະ​ສຸກ ກົມປູກຝັງ ກົມ​ລ້ຽງສັດ ແລະ ການ ປະມົງ ກະຊວງ​ກະສິກຳ ແລະ ປ່າໄມ້ ເປັນຕົ້ນ.

 

ແຫລ່ງຂ່າວ:​ ໜັງສືພິມວຽງຈັນໃໝ່

ບົດຄວາມຫຼ້າສຸດ

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...

ກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ

ນາຍົກລັດຖະມົນຕີ ເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ ໃນວັນທີ 26 ຕຸລາ 2025 ທີ່ກົວລາລໍາເປີ ປະເທດ ມາເລເຊຍ, ທ່ານ ສອນໄຊ...

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...