ທ່ານ ສຈ ດຣ ພອນເທບ ພົນເສນຍາ ປະທານກຳມາທິການວັດທະນະ ທຳ-ສັງຄົມສະພາແຫ່ງຊາດ ໄດ້ຖະແຫຼງຂ່າວ ຕໍ່ສື່ມວນຊົນ ໃນວັນທີ 9 ພຶດສະພາ ກ່ຽວກັບຄວາມພ້ອມການຈັດກອງປະຊຸມລັດ ຖະສະພາອາຊຽນ ເພື່ອຕ້ານໄພຄຸກ ຄາມ ຂອງຢາເສບຕິດ ວ່າ: ລາວມີຄວາມພ້ອມຢ່າງສົມບູນທີ່ຈະຈັດກອງປະ ຊຸມດັ່ງ ກ່າວ ຊຶ່ງຈະມີຂື້ນໃນວັນທີ 13 ຫາ 16 ພຶດສະ ພານີ້ ຢູ່ໂຮງແຮມ ແລນມາກ ແມ່ ຂອງລີເວີ ໄຊ ນະຄອນຫຼວງວຽງຈັນ, ກອງປະຊຸມຄະນະກຳມະການຄົ້ນ ຄ້ວາຫາ ຄວາມຈິງ ຂອງສະມັດຊາລະຫວ່າງ ຊາດອາຊຽນເພື່ອຕ້ານກັບໄພຄຸກຄາມຂອງຢາເສບຕິດ(AIFOM) ແມ່ນພາກສ່ວນໜຶ່ງ ຂອງກອງປະຊຸມສະມັດຊາລັດຖະສະພາລະຫວ່າງຊາດອາຊຽນ.
ຍ້ອນບັນຫາການແຜ່ລະບາດຂອງຢາເສບຕິດໃນອາຊຽນຂະຫຍາຍເປັນວົງ ກວ້າງ ແລະ ການແກ້ໄຂບັນຫາຢເສບຕິດແມ່ນ ມີຄວາມຫຍຸ້ງຍາກ ດັ່ງນັ້ນ ຈຶ່ງຊຸກຍູ້ໃຫ້ ອົງການໄອໂປ(ປ່ຽນເປັນໄອປາ ໃນ ປັດຈຸບັນ) ຄິດຄົ້ນວິທີແກ້ໄຂໂດຍໄດ້ສ້າງ ຄະນະ ກຳມະການຄົ້ນ ຄ້ວາຫາຄວາມຈິງ ຂອງສະມັດຊາລະຫວ່າງຊາດອາຊຽນ ເພື່ອຕ້ານກັບໄພຄຸກຄາມຂອງຢາເສບຕິດ(AI FOCOM) ຂື້ນ ເພື່ອລົງເລີກບັນຫາຢາເສບຕິດ ແລະ ເຮັດໜ້າທີ່ສະໜັບສະ ໜູນເປົ້າໝາຍສ້າງອາຊຽນ ໃຫ້ເປັນເຂດ ປອດຢາເສບຕິດພາຍໃນປີ 2015.
ທ່ານ ສຈ ດຣ ພອນເທບ ພົນເສນາ ກ່າວວ່າ: ກອງປະຊຸມ AI FOCOM ຈະຈັດຂື້ນຢ່າງໜ້ອຍ ໜຶ່ງຄັ້ງຕໍ່ປີ ແລະ ຈະຈັດຂື້ນ ຢູ່ປະເທດທີ່ເປັນເຈົ້າພາບ ຊຶ່ງໃນປີນີ້ ລາວ ຈະເປັນເຈົ້າພາບຈັດກອງປະຊຸມໃຫຍ່ສະມັດຊາລັດຖະສະພາ ລະ ຫວ່າງ ຊາດອາ ຊຽນ (AIPA) ຄັ້ງທີ 35, ດັ່ງນັ້ນ ສະພາແຫ່ງຊາດ ກໍຈະໄດ້ຮັບເປັນເຈົ້າພາບຈັດກອງປະຊຸມ AIFO COM ຄັ້ງທີ 11, ຊຶ່ງຄັ້ງນີ້ ເປັນເທື່ອທີ 2 ທີ່ສະພາແຫ່ງຊາດລາວເປັນເຈົ້າພາບຈັດກອງປະຊຸມດັ່ງກ່າວ ໂດຍຄັ້ງທຳອິດ ແມ່ນຈັດຂື້ນ ໃນປີ 2005 ທີ່ແຂວງ ຫຼວງພະບາງ, ປະກອບດ້ວຍ 10 ປະເທດສະມາຊິກເຂົ້າຮ່ວມຄື: ບຣູໄນ ດາລູສະລາມ, ກຳປູເຈຍ, ລາວ, ມຽນມາ, ມາເລເຊຍ, ອິນໂດເນເຊຍ, ຟີລິບປິນ, ສິງກະໂປ, ໄທ ແລະ ສສ. ຫວຽດນາມ. ສຳລັບຄັ້ງທີສອງນີ້ ຄາດ ວ່າຈະຈັດຂື້ນທີ່ນະຄອນຫຼວງວຽງຈັນ, ໂດຍຈະມີຜູ້ແທນເຂົ້າຮ່ວມ 40 ກ່ວາທ່ານ, ພາຍໃຕ້ຫົວຂໍ້ “ເພີ່ມທະວີການຮ່ວມມື ລັດຖະສະພາເພື່ອສ້າງປະຊາຄົມອາຊຽນໃຫ້ປອດຢາເສບຕິດ”.
ທີ່ມາ http://laophatthananews.blogspot.com/2014/05/blog-post_5163.html
——————————————————————————-
ຂ່າວດຽວກັນ
ຂ່າວ: ໂອຫຼົດ
ສປປ ລາວ ຈະເປັນເຈົ້າພາບຈັດກອງປະຊຸມຄັ້ງທີ 11 ຂອງຄະນະກຳມະການຄົ້ນຄວ້າຫາຄວາມຈິງຂອງສະມັດຊາລັດຖະສະພາລະຫວ່າງຊາດອາຊຽນ ເພື່ອຕ້ານກັບໄພຄຸກຄາມຢາເສບຕິດ (AIFOCOM) ພາຍໃຕ້ຫົວຂໍ້ “ເພີ່ມທະວີການຮ່ວມມືລັດຖະສະພາ ເພື່ອສ້າງປະຊາຄົມອາຊຽນໃຫ້ປອດຢາເສບຕິດ” ຊຶ່ງກອງປະຊຸມດັ່ງກ່າວຈະໄດ້ຈັດຂຶ້ນໃນລະຫວ່າງວັນທີ1216 ພຶດສະພາ 2014 ທີ່ໂຮງໂຮມແລນມາກແມ່ຂອງຣີເວີໄຊ ນະຄອນຫຼວງວຽງຈັນ ແລະ ຄາດຈະມີຜູ້ເຂົ້າຮ່ວມປະມານ 70 ທ່ານ.
ທ່ານ ສຈ.ດຣ.ພອນເທບ ພົນເສນາ ປະທານກຳມາທິການວັດທະນະທຳສັງຄົມສະພາແຫ່ງຊາດໄດ້ຖະແຫຼງຂ່າວຕໍ່ສື່ມວນຊົນໃນຕອນແລງຂອງວັນທີ 9 ພຶດສະພາ 2014 ທີ່ສະພາແຫ່ງຊາດຮູ້ວ່າ: ກອງປະຊຸມຄະນະກຳມະການຄົ້ນຄວ້າຫາຄວາມຈິງຂອງສະມັດຊາລັດຖະສະພາລະຫວ່າງຊາດອາຊຽນເພື່ອຕ້ານກັບໄພຄຸກຄາມຢາເສບຕິດ (AIFOCOM) ຄັ້ງທີ 11 ທີ່ລາວຈະເປັນເຈົ້າພາບແມ່ນພາກສ່ວນໜຶ່ງຂອງກອງປະຊຸມສະມັດຊາລັດຖະສະພາລະຫວ່າງຊາດອາຊຽນຍ້ອນບັນຫາການແຜ່ລະບາດຂອງຢາເສບຕິດໃນອາຊຽນຂະຫຍາຍເຂດກວ້າງຂວາງ ແລະ ການແກ້ໄຂແມ່ນພົບຄວາມຫຍຸ້ງຍາກສັບສົນ ດັ່ງນັ້ນ ຈິ່ງຊຸກຍູ້ໃຫ້ອົງການໄອໂປ (ປະຈຸບັນປ່ຽນເປັນໄອປາ) ຄົ້ນຄິດວິທີແກ້ໄຂໂດຍໄດ້ສ້າງຕັ້ງ AIFOCOM ຂຶ້ນເພື່ອລົງເລິກບັນຫາຢາເສບຕິດພາຍໃຕ້ຫົວຂໍ້ “ເພີ່ມທະວີການຮ່ວມມືລັດຖະສະພາເພື່ອສ້າງປະຊາຄົມອາຊຽນໃຫ້ປອດຢາເສບຕິດ ” .
ທ່ານ ສຈ.ດຣ. ພອນເທບ ພົນເສນາ ກ່າວຕື່ມວ່າ: ຈາກບົດລາຍງານ ແລະ ມະຕິກອງປະຊຸມ AIFOCOM ໃນແຕ່ລະຄັ້ງໄດ້ນຳສະເໜີກອງປະຊຸມໃຫຍ່ໄອປາປະຈຳປີພິຈາລະນາ ຊຶ່ງຜົນຈາກການຄົ້ນຄວ້າ ແລະ ຂໍ້ສະເໜີດັ່ງກ່າວໄດ້ຮັບການຜັນຂະຫຍາຍເປັນມະຕິຂໍ້ຕົກລົງເພື່ອຊ່ວຍສະໜັບສະໜູນມາດຕະການຂອງລັດຖະບານໃນການກຳຈັດບັນຫາຢາເສບຕິດ, ນອກຈາກນັ້ນຄະນະກຳມະການ AIFOCOM ຍັງຊຸກຍູ້ໃຫ້ແຕ່ລະປະເທດສະມາຊິກມີມາດຕະການດ້ານກົດໝາຍ ໂດຍຜ່ານລະບົບນິຕິກຳເປັນເອກະພາບ ຫຼື ໃກ້ຄຽງເພື່ອເຮັດໃຫ້ການ ຕ້ານຢາເສບຕິດໃນອາຊຽນມີປະສິດທິຜົນກວ່າເກົ່າ.
ການຈັດກອງປະຊຸມໃນຄັ້ງນີ້ຄາດຄະເນຜົນຈະໄດ້ຮັບຄື: ສ້າງໃຫ້ເປັນຈຸດເຊື່ອມຕໍ່ລະຫວ່າງລັດຖະສະພາບັນດາປະເທດອາຊຽນເພື່ອດຳເນີນການຮ່ວມມືກັນຕ້ານຢາເສບຕິດ ພ້ອມທັງເປັນການສ້າງໃຫ້ມີເວທີພົບປະສົນທະນາ, ປຶກສາຫາລື ແລະ ແລກປ່ຽນຄຳຄິດຄຳເຫັນຊຶ່ງກັນ ແລະ ກັນ ເພື່ອເຮັດໃຫ້ອາຊຽນປອດຢາເສບຕິດພາຍໃນປີ 2015 ແລະ ແນໃສ່ຊຸກຍູ້ຄວາມເຂົ້າອົກເຂົ້າໃຈຊຶ່ງກັນ ແລະ ກັນ ລະຫວ່າງລັດຖະສະພາບັນດາ ະເທດສະມາຊິກກໍຄືເພື່ອນຳເອົາທັດສະນະທີ່ເປັນເອກະພາບຕໍ່ບັນຫາຕ່າງໆນຳສະເໜີຕໍ່ລັດຖະບານນຳໄປຈັດຕັ້ງ ປະຕິບັດ.
ຢ່າງໃດກໍຕາມ ກອງປະຊຸມ AIFOCOM ຄັ້ງທຳອິດແມ່ນຈັດຂຶ້ນທີ່ຮ່າໂນ້ຍ ສສ ຫວຽດນາມ ໃນປີ 2002 ແລະ ຄັ້ງຕໍ່ໆມາຈັດຂຶ້ນແຕ່ລະປະເທດທີ່ເປັນສະມາຊິກ AIFOCOM ຊຶ່ງປະກອບດ້ວຍ 10 ປະເທດຄື: ບຣູໄນດາຣູຊາລາມ, ກຳປູເຈຍ, ສປປ ລາວ, ມຽນມາ, ມາເລເຊຍ, ອິນໂດເນເຊຍ, ຟີລິບປິນ, ສິງກະໂປ, ໄທ ແລະ ສສ ຫວຽດນາມ ຊຶ່ງ ສປປ ລາວ ກໍໄດ້ຮັບກຽດເປັນເຈົ້າພາບຈັດກອງປະຊຸມດັ່ງກ່າວຖືເປັນຄັ້ງທີ 2 ແລ້ວ.
ທີ່ມາ http://www.sedthakid.la/khao/18777.spc