spot_img
Homeຂ່າວການພັດທະນາທະນາຄານແຫ່ງ ສປປ ລາວ ຫາລືວຽກງານບັນຊີ - ການເງິນ

ທະນາຄານແຫ່ງ ສປປ ລາວ ຫາລືວຽກງານບັນຊີ – ການເງິນ

Published on

SKLS2939

ໃນວັນທີ 25 ກັນຍານີ້, ທີ່ທະນາຄານແຫ່ງ ສປປ ລາວ ໄດ້ມີກອງປະຊຸມປຶກສາຫາລືວຽກງານບັນຊີ-ການເງິນຂອງທະນາຄານແຫ່ງ ສປປ ລາວ ໂດຍການເປັນປະທານຂອງ ທ່ານ ສອນໄຊ ສິດພະໄຊ ຮອງຜູ້ວ່າການທະນາ ຄານແຫ່ງ ສປປ ລາວ, ມີບັນດາຫົວໜ້າກົມ- ທຽບເທົ່າກົມ, ຫົວໜ້າທະນາຄານແຫ່ງ ສປປ ລາວ ປະຈຳພາກເໜືອ, ພາກກາງ, ພາກໃຕ້ເຂົ້າຮ່ວມເພື່ອປຶກສາຫາລືການປັບປຸງ ແລະ ພັດ ທະນາວຽກງານບັນຊີຂອງທະນາຄານແຫ່ງ ສປປ ລາວ ໃຫ້ມີຄວາມເຂັ້ມແຂງສາມາດເປັນເຄື່ອງມືຮັບໃຊ້ການຄຸ້ມຄອງມະຫາພາກທາງດ້ານເງິນຕາ, ວຽກງານຄຸ້ມຄອງ ການເງິນ ແລະ ການຕິດຕາມ- ກວດກາ. ທ່ານຫົວໜ້າກົມບັນຊີ- ການເງິນໄດ້ສະຫລຸບລາຍງານສະພາບລວມກ່ຽວກັບການປະຕິບັດວຽກງານບັນຊີ-ການເງິນ, ໃນໄລຍະຜ່ານມາກົມບັນຊີ-ການເງິນທະນາຄານແຫ່ງ ສປປ ລາວ ປະຕິບັດໜ້າທີ່ໃນການຄຸ້ມຄອງວຽກງານບັນຊີ ໂດຍອອກຂໍ້ກຳນົດບົດແນະນຳຕ່າງໆໃຫ້ສອດຄ່ອງຕາມກົດໝາຍວ່າດ້ວຍການບັນຊີ ແລະ ລະບຽບການກ່ຽວຂ້ອງ, ເປັນຜູ້ຕິດຕາມການຈັດຕັ້ງປະຕິບັດວຽກງານບັນຊີ-ການເງິນຂອງບັນດາກົມ, ສາຂາ ແລະ ຫົວໜ່ວຍບັນຊີທີ່ຂຶ້ນກັບທະນາຄານແຫ່ງ ສປປ ລາວ. ພ້ອມດຽວກັນກໍເຮັດໜ້າທີ່ ສັງລວມຂໍ້ມູນການບັນຊີ ແລະ ເອກະສານລາຍງານຖານະການເງິນຂອງທົ່ວລະບົບທະນາຄານແຫ່ງ ສປປ ລາວ.

ທ່ານ ສອນໄຊ ສິດພະໄຊ ເນັ້ນໃຫ້ແຕ່ລະພາກສ່ວນເອົາໃຈໃສ່ແກ້ໄຂຂໍ້ຄົງຄ້າງທີ່ຕິດພັນກັບລະ ບຽບຫລັກການ ແລະ ມາດຕະ ຖານທາງດ້ານບັນຊີ ແລະ ການ ລາຍງານການເງິນເພີ່ມທະວີການຄຸ້ມຄອງການເງິນໃຫ້ສືບຕໍ່ມີຄວາມເຂັ້ມແຂງໜັກແໜ້ນ, ຮັບປະກັນໃຫ້ທະນາຄານແຫ່ງ ສປປ ລາວ ສາມາດປະຕິບັດບົດບາດໃນການຄຸ້ມຄອງ ແລະ ຮັກ ສາສະຖຽນລະພາບເງິນຕາແຫ່ງຊາດ ແລະ ຄຸ້ມ ຄອງທະນາຄານທຸລະກິດ ແລະ ສະຖາບັນການເງິນໃຫ້ມີຄວາມເຂັ້ມ ແຂງ ແລະ ໝັ້ນຄົງ.

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ເຫດເຮລິຄອບເຕີ ຕົກລົງແມ່ນໍ້າຮັດສັນ ນະຄອນນິວຢອກ ສະຫະລັດອາເມລິກາ ເສຍຊີວິດ 6 ຄົນ

ເສຍຊີວິດໝົດລຳ! ເຫດເຮລິຄອບເຕີ ຕົກລົງແມ່ນໍ້າຮັດສັນ ນະຄອນນິວຢອກ ສະຫະລັດອາເມລິກາ ເສຍຊີວິດ 6 ຄົນ ສຳນັກຂ່າວຕ່າງປະເທດລາຍງານໃນຊ່ວງບາຍຂອງວັນທີ 10 ເມສາ 2025 ກີດເຫດເຮລິຄອບເຕີລຳໜຶ່ງປະສົບອຸບັດເຫດຄົກລົງໃນແມ່ນໍ້າຮັດສັນ ບໍລິເວນທ່າເຮືອ 40...

ພິທີມອບ​-ຮັບໂຄງການກໍ່ສ້າງ,​ ປັບປຸງ,​ ສ້ອມແປງ ອາຄານຫໍພິພິທະພັນແຂວງຈຳປາສັກ ມູນຄ່າ 15 ຕື້ດົງ

ພິທີມອບ​-ຮັບໂຄງການກໍ່ສ້າງ,​ ປັບປຸງ,​ ສ້ອມແປງ ອາຄານຫໍພິພິທະພັນແຂວງຈຳປາສັກ. ວັນທີ 11 ເມສາ 2025,​ ໄດ້ມີພິທີມອບ​-ຮັບໂຄງການກໍ່ສ້າງ,​ ປັບປຸງ,​ ສ້ອມແປງ ອາຄານຫໍພິພິທະພັນແຂວງຈຳປາສັກ ແຕ່ກ່ອນແມ່ນອາຄານຫ້ອງການພະແນກການຕ່າງປະເທດແຂວງ ຫຼື​ ອາຄານເກົ່າຫ້ອງວ່າການແຂວງ.​...

ບໍລິສັດ ສິດທິໂລຈິດສຕິກ ລາວ ຈຳກັດ ຮ່ວມມືກັບ ກຸ່ມບໍລິສັດ YCH ເດີນຫນ້າຮ່ວມມືກັນໃນການຂົນສົ່ງສິນຄ້າກະສິກໍາຂ້າມແດນຫຼາຍຮູບແບບ

ບໍລິສັດ ສິດທິໂລຈິດສຕິກ ລາວ ຈຳກັດ ຮ່ວມມືກັບ ກຸ່ມບໍລິສັດ YCH ເດີນຫນ້າຮ່ວມມືກັນໃນການຂົນສົ່ງສິນຄ້າກະສິກໍາຂ້າມແດນຫຼາຍຮູບແບບ ເພື່ອເສີມສ້າງຄວາມເຊື່ອມໂຍງຂອງພູມິພາກອາຊຽນ ບໍລິສັດ ສິດທິໂລຈິດສຕິກ ລາວ ຈຳກັດ ແລະ ກຸ່ມບໍລິສັດ...

ກຸ່ມບໍລິສັດ ພອນສັກ ລົງທຶນ 4 ຕື້ໂດລາ ສ້າງໂຮງງານໄຟຟ້າພະລັງງານຄວາມຮ້ອນຖ່ານຫີນຂະຫນາດໃຫຍ່ຢູ່ແຂວງເຊກອງ

ກຸ່ມບໍລິສັດ ພອນສັກ ລົງທຶນ 4 ຕື້ໂດລາ ສ້າງໂຮງງານໄຟຟ້າພະລັງງານຄວາມຮ້ອນຖ່ານຫີນຂະຫນາດໃຫຍ່ຢູ່ແຂວງເຊກອງ ສົ່ງອອກກຳປູເຈຍ. ໃນວັນທີ 2 ເມສາ 2025 ໄດ້ຈັດພິທີວາງສິລາລຶກຢ່າງເປັນທາງການ ສຳລັບໂຄງການໄຟຟ້າພະລັງງານຄວາມຮ້ອນຖ່ານຫີນທີ່ເມືອງກະລືມ, ແຂວງເຊກອງ ພາກໃຕ້ຂອງ...