spot_img
Homeຂ່າວພາຍ​ໃນU-12 ລາວ ຖືກຕ້ອນຮັບຢ່າງອົບອຸ່ນ! ຫຼັງຄວ້າແຊັ້ມ ຊຸຊິງລິງ ຄັບ 2018 ມາຄອງ

U-12 ລາວ ຖືກຕ້ອນຮັບຢ່າງອົບອຸ່ນ! ຫຼັງຄວ້າແຊັ້ມ ຊຸຊິງລິງ ຄັບ 2018 ມາຄອງ

Published on

ສະຫະພັນບານເຕະແຫ່ງຊາດລາວ ລາຍງານວ່າ ໃນຕອນຄໍ່າຂອງວັນທີ 18 ສິງຫາ​ 2018​ ຢູ່ທີ່ສະຫນາມບິນສາກົນວັດໄຕ ຄະນະນຳ,​ຄະນະຄູຝືກ, ທີມບານເຕະເຍົາວະຊົນລາວ ຮຸ່ນອາຍຸບໍ່ເກີນ 12 ປີ ຂອງໂຮງຮຽນກຽດຕິສັກນາໆຊາດ ແລະ ລັອບສະເຕດ້ຽມ ຕົວແທນຈາກປະເທດລາວ ເຂົ້າຮ່ວມການແຂ່ງຂັນບານເຕະເຍົາວະຊົນມິດຕະພາບ ຈີນ-ອາຊຽນ ລາຍການ Soong Ching Ling Cup ປະຈຳປີ 2018 ໃນລະຫວ່າງວັນທີ 11-16 ສິງຫາ 2018 ທີ່ນະຄອນຫລວງປັກກິ່ງ ສປ ຈີນ​.

ການແຂ່ງຂັນຄັ້ງນີ້ ມີ 8 ທີມເຂົ້າຮ່ວມຄື: ທີມບານເຕະເຍົາວະຊົນຈາກ ສປ ຈີນ (ປະເທດເຈົ້າພາບ), ໄທ, ກຳປູເຈຍ, ຟີລິບປິນ, ອິນໂດເນເຊຍ, ມຽນມາ, ຫວຽດນາມ ແລະ ສປປ ລາວ.

ຜົນການແຂ່ງຂັນຂອງນັກເຕະເຍົາວະຊົນລາວ ນັດທີ 1 ຊະນະ ໄທ 1-0, ນັດທີ 2 ຊະນະ ຫວຽດນາມ 20-0 ແລະ ນັດທີ 3 ສະເໝີ ມຽນມາ 1-1; ຈົບຮອບທີ 1 ລາວເຂົ້າຮອບເປັນທີ 1 ຂອງກຸ່ມ, ມີ 7 ຄະແນນ, ໄທ ເປັນທີ 2 ມີ 6 ຄະແນນ ທັງສອງທີມຜ່ານເຂົ້າຮອບທີ 2 ຫລື ຮອບຮອງຊະນະເລີດ ໂດຍລາວ ພົບກັບ ຈີນເຈົ້າພາບ ແລະ ໄທ ພົບກັບ ຟີລິບປິນ ແລະ ຜົນການແຂ່ງຂັນປະກົດວ່າ: ລາວ ຊະນະຈີນເຈົ້າພາບ 3-1 ໄປຊິງກັບໄທທີ່ຊະນະຟິລິບປິນ 2-1.

ແລະ ໃນຮອບຊິງຊະນະເລີດ ເປັນການພົບກັນລະຫວ່າງ ນັກເຕະເຍົາວະຊົນລາວ ພົບກັບ ນັກເຕະເຍົາວະຊົນໄທ ເຊິ່ງເກມການແຂ່ງຂັນ ທີມລາວຄອງເກມໄດ້ເໜືອກວ່າຈິ່ງເອົາຊະນະໄທໄປ 2-1 ປະຕູ ເຮັດໃຫ້ນັກເຕະເຍົາວະຊົນລາວຄວ້າແຊັ້ມລາຍການ Soong Ching Ling Cup 2018 ມາຄອງເປັນຄັ້ງທີ 2 ຕໍ່ຈາກປີ 2016 ແລະ ທີມເຍົາວະຊົນລາວຍັງໄດ້ຮັບອີກ 2 ລາງວັນຄື: ນັກເຕະດີເດັ່ນ ແລະ ຜູ້ຮັກສາປະຕູດີເດັ່ນ.

https://www.facebook.com/LaoFF/videos/1952045774818362/

 

ແຫລ່ງຂ່າວ: ສະຫະພັນບານເຕະແຫ່ງຊາດລາວ Lao Football Federation

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...