ໜ້າທຳອິດ Tags ເຮືອບິນ

ໂຄດ​ຄໍາ​ສັ່ງ: ເຮືອບິນ

ເຮືອບິນເຮັດຝົນທຽມຂອງໄທຕົກ ເສຍຊີວິດຢ່າງໜ້ອຍ 2 ລາຍ

ເຫດດ່ວນ!! ເມື່ອເວລາປະມານ 10:10 ນາທີຂອງວັນທີ 24 ກັນຍາ 2019 ເກີດອຸບັດເຫດເຮືອບິນເຮັດຝົນທຽມປະສົບອຸບັດເຫດຢູ່ບໍລິເວນວັດຫຼວງຕາມະຫາບົວ ແຂວງການຈະນະບູຣີ ປະເທດໄທ ເບື້ອງຕົ້ນພົບມີຜູ້ເສຍຊີວິດ 2 ລາຍ ສ່ວນລາຍລະອຽດແມ່ນຢູ່ໃນລະຫວ່າງສືບສວນ-ສອບສວນຂອງເຈົ້າໜ້າທີ່.

ເຮືອບິນຂະໜາດນ້ອຍຕົກໃນຮອນດູຣັສ ເສຍຊີວິດ 5 ລາຍ

ຊາວການາດາ 4 ຄົນ ແລະ ນັກບິນອາເມຣິກາ 1 ຄົນ ເສຍຊີວິດຫຼັງເກີດອຸບັດເຫດເຮືອບິນນ້ອຍຕົກໃນທະເລນອກແຄມຝັ່ງເກາະດອນຣົວຕັນໃນຮອນດູຣັສຂະນະເດີນທາງທ່ອງທ່ຽວພັກຜ່ອນ. ສຳນັກຂ່າວຕ່າງປະເທດລາຍງານຈາກປະເທດຮອນດູຣັສເມື່ອວັນທີ 19 ພຶດສະພາຜ່ານມາວ່າ ພົບເຮືອບິນຂະໜາດນ້ອຍລຳໜ່ຶງປະສົບອຸບັດເຫດຕົກໃນທະເລນອກແຄມຝັ່ງເກາະດອນຣົວຕັນ ຊຶ່ງຈຸດທີ່ພົກຊາກເຮືອບິນຢູ່ໃກ້ກັບເມືອງດິກຊັນ ໂຄຟ ພາຍຫຼັງທີ່ເຮືອບິນລຳດັ່ງກ່າວບິນຂຶ້ນຈາກສະໜາມບິນເທິງເກາະດອນຣົວຕັນໄດ້ພຽງບໍ່ເທົ່າໃດນາທີເທົ່ານັ້ນ. ເຫດການດັ່ງກ່າວເຮັດໃຫ້ມີຜູ້ເສຍຊີວິດ 5 ລາຍ ໂດຍເຈົ້າໜ້າທີ່ກູ້ໄພພົບສົບຜູ້ເສຍຊີວິດຊຶ່ງເປັນຊາວການາດາ 4 ລາຍ ນັກນັກບິນຊາວອາເມຣິກາ 1 ລາຍ ສ່ວນສາເຫດຂອງເຫດການດັ່ງກ່າວ ແລະ...

ບິນຜິດເສັ້ນທາງພາຜູ້ໂດຍສານໄປຜິດປະເທດ

ວັນທີ 26 ມີນາ 2019 ສຳນັກຂ່າວຕ່າງປະເທດລາຍງານວ່າ ເຮືອບິນໂດຍສານຖ້ຽວບິນ BA3271 ຂອງສາຍການບິນບຣິຕິຊ ແອຣ໌ເວ ອອກເດີນທາງຈາກສະໜາມບິນລອນດອນຊີຕີ້ ໃນເຊົ້າວັນຈັນທີ 25 ມີນາ 2019 ໂດຍເຮືອບິນລຳນີ້ມີກຳນົດປາຍທາງທີ່ເມືອງ ດຸສເຊລດໍ ປະເທດເຢຍລະມັນ ແຕ່ເຮືອບິນນີ້ກັບເດີນທາງໄປລົງຈອດທີ່ເມືອງ ເອດິນບະຣະຂອງ ສະກອດແລນ. ທັງນີ້,​ ຜູ້ໂດຍສານໃນເຮືອບິນລຳດັ່ງກ່າວເລີ່ມສັງເກດເຫັນຄວາມຜິດປົກກະຕິ ເມື່ອເຮືອບິນລົງຈອດຣັນເວ ແລະ ເບິ່ງອອກຜ່ານປ່ອງຢ້ຽມຂອງເຮືອບິນເຫັນປ້າຍ...

ເຮືອບິນກອງທັບມຽນມາ ພ້ອມຜູ້ໂດຍສານ 116 ຄົນ ຕົກທະເລ

ອີງຕາມຂ່າວຕ່າງປະເທດລາຍງານມື້ນີ້ ວັນທີ 7 ມິຖຸນາ 2017 ລາຍງານວ່າ ເຮືອບິນກອງທັບອາກາດມຽນມາ ພ້ອມຜູ້ໂດຍສານ 116 ຊີວິດ ປະສົບອຸບັດເຫດຕົກທະເລອັນດາມັນ ຍັງບໍ່ຮູ້ຊະຕາກຳ. ໃນເວລາປະມານ 13:35 ຂອງມື້ນີ້ ເຮືອບິນຂອງກອງທັບອາກາດມຽນມາ ພ້ອມດ້ວຍຜູ້ໂດຍສານແລະຈຸບິນລວມ 116 ຄົນ ເຊິ່ງສ່ວນຫຼາຍແມ່ນທະຫານ ໄດ້ຫາຍໄປຈາກຫໍບັງຄັບການບິນແລະຈໍເຣດ້າຢ່າງກະທັນຫັນ ໃນເຂດພາກຕາເວັນຕົກຂອງລັດທະວາຍ ໃນຂະນະທີ່ເຈົ້າໜ້າທີ່ກອງທັບໄດ້ລະດົມກັນຄົ້ນຫາຢ່າງຮີບດ່ວນ. ສື່ທ້ອງຖິ້ນມຽນມາລາຍງານວ່າ ເຮືອບິນທະຫານລຳນີ້ໄດ້ທະຍານຂຶ້ນຈາກ ເມືອງມະຣິດ...

7 ເລື່ອງຂອງພະນັກງານຕ້ອນຮັບເທິງເຮືອບິນ ທີ່ອາດເຮັດໃຫ້ທ່ານແປກໃຈ

ພະນັກງານຕ້ອນຮັບເທິງເຮືອບິນເປັນອາຊີບໃນຝັນຂອງຫຼາຍໆຄົນ ເພາະໄດ້ໄປທ່ອງທ່ຽວ, ຊື້ເຄື່ອງ, ເລາະຊິມອາຫານຢູ່ຫຼາຍໆປະເທດ ໂດຍບໍ່ຕ້ອງເສຍຄ່າເດິນທາງ ແລະຍັງໄດ້ແຕ່ງໂຕຈົບງາມ ຈົນສະກົດສາຍຕາທຸກຄູ່ ທຸກຄັ້ງທີ່ລາກກະເປົາຍ່າງຜ່ານຝຸງຊົນໃນເດິ່ນບິນ. ອາຊີບທີ່ເປັນຕາອິດສານີ້ ບໍ່ແມ່ນວ່າຈະຫຼູຫຼາສວຍງາມ, ສະດວກສະບາຍ ຄືດັ່ງທີ່ເຮົາຄິດສະເໝີໄປ. ກວ່າຈະໄດ້ເປັນພະນັກງານຈຸຫ້ອງໂດຍສານ ກໍຕ້ອງໄດ້ຜ່ານການເຝິກຝົນທີ່ລະອຽດ ແລະເຂັ້ມງວດ ໃນຫຼາຍດ້ານ ເພື່ອກຽມພ້ອມແກ້ໄຂສະຖານະການຕ່າງໆ ທີ່ຈະເກີດຂຶ້ນໃນເຮືອບິນ, ເຂົາຕ້ອງເປັນທັງໝໍ, ຊ່າງແປງຈັກ, ຜູ້ຊ່ວຍນັກບິນ ແລະທູດວັດທະນະທຳ. ສິ່ງທີ່ທ່ານຈະໄດ້ອ່ານຕໍ່ໄປນີ້ແມ່ນ 7 ສິ່ງທີ່ທ່ານອາດຈະຍັງບໍ່ຮູ້ ກ່ຽວກັບພະນັກງານຈຸຫ້ອງໂດຍສານຂອງສາຍການບິນລາວ: ...

ຈີນ-ຣັສເຊຍ ຈັບມືກັນສ້າງເຮືອບິນໂດຍສານ

ສຳນັກຂ່າວເອຟພີຈາກນະຄອນຊຽງໄຮ້ ປະເທດຈີນ ເມື່ອວັນທີ 22 ພຶດສະພາ ວ່າ ຜູ້ບໍລິຫານຂອງບໍລິສັດ ຄອມເມີຊຽວ ແອຣຄຣາຟ ຄຣອບເຣຊັ່ນ ອັອບ ໄຊນ່າ ຫຼື ໂຄແມດ ຂອງລັເຖະບານຈີນ ແລະ ບໍລິສັດ ຢູໄນເຕັດ ແອຣ ຄຣາຟ ຄຣອບເຣຊັ່ນ ຫຼື ຢູເອຊີ ຂອງຣັສເຊຍ...

ຈອງຈັກຄັນໄວ້ຂີ່ໄປໜອງພະຍາບໍ

“ແອໂຣໂມບິນ” ລົດບິນໄດ້ເປີດໂຕມາຕັ້ງແຕ່ປີ 2014 ຕົກເປັນຂ່າວຫຼາຍເທື່ອ ເພາະແຮງດຶງດູດຈາກການປະສົມປະສານລະຫວ່າງລົດສີ່ລໍ້ທີ່ໃຊ້ຂັບໄປມາໄດ້ ກັບເຮືອບິນນ້ອຍທີ່ສາມາດໄປຕໍ່ໄດ້ອີກ ເຖິງແມ່ນວ່າຈະບໍ່ມີທາງໃຫ້ແລ່ນແລ້ວກໍຕາມ ຫຼັງສຸດ ບໍລິສັດຈາກປະເທດສະໂລວະເກຍແຫ່ງນີ້ກໍກາຍເປັນຂ່າວອີກ ເທືື່ອນີ້ເນື່ອງຈາກການກຽມຜະລິດມັນອອກມາຂາຍເປັນສິນຄ້າແທ້ໆ. ຈູຣາດ ວາຊູລິກ ຜູ້ກໍ່ຕັ້ງແລະເປັນປະທານເຈົ້າໜ້າທີ່ບໍລິຫານຂອງບໍລິສັດ ອອກຖະແຫຼງການວ່າ "ແອໂຣໂມບິນ" ທີ່ພັດທະນາມາເລື້ອຍໆ ຈົນເຖິງລຸ້ນຫຼ້າສຸດນີ້ ກຽມເປີດໃຫ້ "ຈອງລ່ວງຫນ້າ" ໄດ້ແລ້ວພາຍໃນປີນີ້ ແລະແມ່ນວ່າຈະບໍ່ມີການຕັ້ງລາຄາຂາຍຂຶ້ນມາ ແຕ່ແອໂຣໂມບິນລຸ້ນໃໝ່ເຊິ່ງຍັງບໍ່ມີການເປີດໂຕຢູ່ໃສ ກຽມເຜີຍໂສມເປັນເທື່ອທຳອິດໃຫ້ໄດ້ກວດສອບຄຸນສົມບັດຢ່າງລະອຽດໃນງານ "ທັອບ ມາເຄວດ ໂມນາໂກ"...

ສາຍການບິນປາກິສຖານ ຂາຍປີ້ຍົນໃຫ້ຜູ້ໂດຍສານເກີນບ່ອນນັ່ງ

ເວັບໄຊ ຂ່າວ ມະຕິຊົນ ລາຍງານເມື່ອວັນທີ 25 ກຸມພານີ້ວ່າ ສານດານບິນປາກິສຖານ ອິນເຕີເນຊັ່ນແນລ ແອຣໄລນ໌ ຫຼື ພີໄອເອອອກມາຍອມຮັບວ່າ ໄດ້ວຂາຍຕົວໃຫ້ຜູ້ໂດຍສານ 7 ຄົນໃນທ້ຽວບິນທີ່ເດີນທາງຈາກເມືອງກາຣາຈີ ຂອງປາກິສຖານ ໄປທີ່ເມືອງ ເມດີນາຂອງ ຊາອຸດິອາຣະເບຍ ເມື່ອວັນທີ 20 ມັງກອນ 2017 ທີ່ຜ່ານມາ ເຮືອບິນໂບອິ້ງ 777...

ເຮືອບິນໂດຍສານບໍ່ມີຄົນຂັບ ຈະເປີດໃຫ້ບໍລິການອີກບໍ່ພໍເທົ່າໃດປີຕໍ່ໜ້າ

ບີເອອີ ບໍລິສັດ ດ້ານກາລາໂຫມສັນຊາດອັງກິດ ປະສົບຄວາມສຳເລັດໃນການທົດສອບເຮືອບິນຕົ້ນແບບໂດຍສານບໍ່ມີຄົນຂັບມາແລ້ວຫຼາຍຮອບ ໂດຍເຮືອບິນນີ້ບິນດ້ວຍລະບົບຄອມພິວເຕີ້ ແລະ ມີມະນຸດຄອຍສັງເກດການປະຕິບັດການຕ່າງໆ ຈາກຫ້ອງຄວບຄຸມພື້ນດິນ ເຊິ່ງຄາດວ່າເຮືອບິນໂດຍສານບໍ່ມີຄົນຈະເປີດໃຫ້ບໍລິການໃນອີກບໍ່ພໍເທົ່າໃດປີຕໍ່ໜ້ານີ້. ທາງບີເອອີໄດ້ປັບປ່ຽນເຮືອບິນໂດຍສານຂະໜາດ 16 ບ່ອນນັ່ງ ເປັນເຮືອບິນທ້ຽວທົດສອບ ໂດຍທີ່ເຈັດສ໌ຕຣີມ 31 ບໍ່ມີນັກບິນ ແຕ່ຖືກຄວບຄຸມດ້ວຍກ້ອງອິນຟຣາເຣດ ທີ່ຮຽກວ່າ "ອິເລັກໂທຣນິກອາຍ" ແລະ ມີກ້ອງອື່ນໆອີກ 8 ຕົວຖືກຕິດຕັ້ງໄວ້ບໍລິເວນພື້ນທ້ອງເຮືອບິນ ອຸປະກອນຕ່າງໆເຫຼົ່ານີ້ຈະຊ່ວຍຫາຣັນເວຊົ່ວຄາວທີ່ເໝາະສົມ ໃນກໍລະນີທີ່ຈຳເປັນຕ້ອງລົງຈອດສຸກເສີນ ແລະ...

ເຮືອບິນໂດຍສານຕົກທີ່ໂກລົມບີ ນັກເຕະສະໂມສອນດັງເບຣຊິນເຕັມລຳ

ເກີດເຫດເຮືອບິນໂດຍສານຕົກ ໃນປະເທດໂກລົມບີ ນັກເຕະສະໂມສອນດັງເບຣຊິນນັ່ງເຕັມລຳ ຍັງບໍ່ຮູ້ຊະຕາກຳ ແຕ່ມີລາຍງານຜູ້ລອດຊີວິດ. ສຳນັກຂ່າວຕ່າງປະເທດລາຍງານວ່າ ເກີດເຫດເຮືອບິນຕົກໃນປະເທດໂກລົມບີ ໂດຍເທິງເຮືອບິນລຳດັ່ງກ່າວມີນັກກິລາເຕະບານສະມາຄົມຊາເປໂຄເອນເຊ່ຂອງເບຣຊິນ ເບື້ອງຕົ້ນມີລາຍງານຜູ້ເສຍຊີວິດແລະລອດຊີວິດຈາກເຫດດັ່ງກ່າວແລ້ວ ເຈົ້າໜ້າທີ່ກູ້ໄພທ້ອງຖິ່ນໄດ້ນຳສົ່ງໂຮງໝໍ. ຕາມລາຍງານລະບຸວ່າ ເຮືອບິນລຳດັ່ງກ່າວມີຜູ້ໂດຍສານລວມ 81 ຄົນ ໃນນັ້ນມີຈຸບິນ 9 ຄົນ ໂດຍຜູ້ໂດຍສານສ່ວນຫຼາຍເປັນພະນັກງານແລະນັກເຕະບານຈາກສະມາຄົມບານເຕະຊາເປໂຄເອນເຊ່ຂອງເບຣຊິນ ເຮືອບິນຢູ່ໃນລະຫວ່າງການບິນໄປຍັງສະໜາມບິນນານາຊາດໂຈເຊ ມາເຣຍ ກໍໂດວາ ປະເທດໂກລົມບີ ມີໂປຣແກຣມການແຂ່ງຂັນທີ່ສະໜາມກິລາໃນເມືອງເມເດຍິນໃນວັນພຸດ ວັນທີ 30 ພະຈິກ 2016...

ເຮືອບິນປາກີສະຖານ ແອຣ໌ລາຍ ລົງຈອດສຸກເສີນທັນທີ ຍ້ອນສ້ວມຕັນ!

ສຳນັກຂ່າວຕ່າງປະເທດ ລາຍງານໃນວັນທີ 21 ພະຈິກຜ່ານມານີ້ວ່າ ເຮືອບິນຂອງສາຍການບິນ ປາກີສະຖານ ແອຣ໌ລາຍ ຖ້ຽວບິນ PK-798 ຊຶ່ງເດີນທາງອອກຈາກ ນະຄອນໂຕໂຣນໂຕ ປະເທດການາດາ ໂດຍມີຈຸດໝາຍປາຍທາງທີ່ເມືອງລາຮໍ ປະເທດປາກີສະຖານ ໄດ້ປ່ຽນເສັ້ນທາງບິນ ແລະ ລົງຈອດສຸກເສີນ ທີ່ເມືອງແມນເຊສເຕີ້ ປະເທດອັງກິດ ເນື່ອງຈາກເກີດບັນຫາສ້ວມຕັນເທິງເຮືອບິນ. ການຊີ້ແຈງຢ່າງເປັນທາງການຂອງ ສາຍການບິນ ປາກີສະຖານ ແອຣ໌ລາຍ ຜ່ານທາງທະວິດເຕີ້ ໄດ້ລະບຸວ່າ...

ຜູ້ໂດຍສານລະທຶກ! ງູຂຽວໃຫຍ່ເລືອອອ ເທິງເຮືອບິນແມັກຊິໂກ ກັບຕັນຕ້ອງລົງຈອດກ່ອນກຳນົດ! (ເບິ່ງຄລິບ)

ສຳນັກຂ່າວຕ່າງປະເທດ ລາຍງານໃນວັນທີ 7 ພະຈິກຜ່ານມານີ້ວ່າ ຜູ້ໂດຍສານສາຍການບິນ ແອຣ໌ໂຣແມັກຊິໂກ ພາກັນແຕກຕື່ນ ພາຍຫລັງພົບເຫັນງູເລືອອອກມາ ຈາກຊັ້ນເກັບມ້ຽນເຄື່ອງເທິງເພດານເຮືອບິນ ຊຶ່ງມີຄວາມຍາວປະມານ 1.5 ແມັດ ຈົນເຮັດໃຫ້ກັບຕັນເຮືອບິນ ຕັດສິນໃຈຂໍລົງຈອດກ່ອນຄິວ ເພື່ອໃຫ້ເຈົ້າໜ້າທີ່ອະນຸລັກສັດ ເຂົ້າຄວບຄຸມສະຖານະການ. ຈາກຄລິບວີດີໂອທີ່ມີການເຜີຍແຜ່ເຫັນວ່າ ງູສີຂຽວໂຕດັ່ງກ່າວ ໄດ້ຂົດຢູ່ດ້ານລຸ່ມຂອງຫລອດໄຟ ດ້ານເທິງຫົວບ່ອນນັ່ງຜູ້ໂດຍສານ ຊຶ່ງເປັນຖ້ຽວບິນ 230 ຂອງສາຍການບິນ ແອຣ໌ໂຣແມັກຊິກໂກ ກຳລັງເດີນທາງຈາກເມືອງທໍເຣອອນ...