ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.
ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ) ປະກາດລາຍຊື່ນັກກິລາຮຸ່ນອາຍຸບໍ່ເກີນ 23 ປີ ເຂົ້າຮ່ວມ ການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ ພາຍໃຕ້ການຄຸມທີມຂອງ ທ່ານ ຮາ ຮອກ ຈູນ (HA HYEOKJUN) ຄູຝຶກ ທີມຊາດລາວ ສັນຊາດ ສ.ເກົາຫລີ ໄດ້ປະກາດລາຍຊື່ນັກກິລາ 23 ຄົນລຸ່ມນີ້:
ຜູ້ຮັກສາປະຕູ: 1. ກົບ ໂລກພະທິບ ຈາກ ສະໂມສອນ ເອສະຣາ, 2. ສຸລິສັກ ໝັ້ນປະເສີດ ຈາກ ສະໂມສອນ ຈໍາປາສັກ, 3. ສຸລິສັກ ສຸວັນຄຳ ຈາກ ສະໂມສອນ ຈັນທະບູລີ.
ກອງຫຼັງ: 4. ອານັນຕະຊາ ສີພົງພັນ ຈາກ ສະໂມສອນ ເອສະຣາ, 5. ໄຊຍະສຸກ ແກ້ວວິສອນ ຈາກ ສະໂມສອນ ເອສະຣ, 6. ສະເຫຼີມໄຊ ພົມມະວົງ ຈາກ ສະໂມສອນ ເອສະຣາ, 7. ອຸ່ນ ເພັດວົງສາ ຈາກ ສະໂມສອນ ເອສະຣາ, 8. ອາລິຍະກອນ ຟອງສະຫວັນ ຈາກ ສະໂມສອນ ເອສະຣາ, 9. ເພັດດາວັນ ສົມສະນິດ ຈາກ ສະໂມສອນ ມາດສເຕີ້, 10. ຈິດຕະກອນ ວັນນະຈອນ ຈາກ ສະໂມສອນ ຫຼວງພະບາງ, 11. ພູຫຼວງ ວິນນະວົງ ຈາກ ສະໂມສອນ ຈຳປາສັກ.
ກອງກາງ: 12. ສາຍຝົນ ແກ້ວຫານາມ ຈາກ ສະໂມສອນ ເອສະຣາ, 13. ຈັນທະວີໄຊ ຂຸນທຸມພອນ ຈາກ ສະໂມສອນ ເອສະຣາ, 14. ຄຳປານ ດວງວິໄລ ຈາກ ສະໂມສອນ ມາດສເຕີ້, 15. ບຸນແພງ ໄຊສົມບັດ ຈາກ ສະໂມສອນ ຫຼວງພະບາງ, 16. ພຸດທະຈັກ ວົງສິລິ ຈາກ ສະໂມສອນ ຈັນທະບູລີ, 17. ດາຫມົດ ທອງຄຳສະຫວັດ ຈາກ ສະໂມສອນ Thanh Hoa FC ປະເທດຫວຽດນາມ, 18. ຄອນສະຫວັນ ແກ້ວຫນູຈັນ ຈາກ ສະໂມສອນ Rome City Instiute ປະເທດອີຕາລີ.
ກອງຫນ້າ: 19. ປີ້ເຕີ້ ພັນທະວົງ ຈາກ ສະໂມສອນ ເອສະຣາ, 20. ພູສົມບູນ ປັນຍາວົງ ຈາກ ສະໂມສອນ ກອງທັບ, 21. ສົມຫວັງ ຈູມມະລີ ຈາກ ສະໂມສອນ ມັດສະດ້າ ຈີບີ, 22. ອາວິໄລ ສີພາຫວັນ ຈາກ ສະໂມສອນ ພີເອັມ ເຊກອງ, 23. ທະນູສັກ ນັນທະວົງດວງສີ ຈາກ ສະໂມສອນ ເອສະຣາ.
ສຳລັບການແຂ່ງຂັນບານເຕະ ຊາຍຊີງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ASEAN U-23 Mandiri Cup 2025 ແມ່ນຈະຈັດຂຶ້ນຢູ່ທີ່ ນະຄອນຫຼວງ ຈາກາຕາ ປະເທດອິນໂດເນເຊຍ ລະຫວ່າງວັນທີ 15-29 ກໍລະກົດ 2025 ມີ 10 ປະເທດເຂົ້າຮ່ວມ ການແຂ່ງຂັນ ໂດຍໄດ້ແບ່ງອອກເປັນ 3 ກຸ່ມ, ກຸ່ມ 4 ທີມ 1 ກຸ່ມ ແລະ ກຸ່ມ 3 ທີມ 2 ກຸ່ມ ມີດັ່ງນີ້: ກຸ່ມ ເອ: ອິນໂດເນເຊຍ (ເຈົ້າພາບ), ມາເລເຊຍ, ຟີລິບປິນ ແລະ ບຣູໄນ, ກຸ່ມ ບີ: ຫວຽດນາມ, ກຳປູເຈຍ ແລະ ລາວ, ກຸ່ມ ຊີ: ໄທ, ມຽນມາ ແລະ ຕີມໍ ເລສເຕ
ລະບຽບການແຂ່ງຂັນ ແມ່ນຈະແຂ່ງຂັນແບບພົບກັນຫມົດໃນກຸ່ມ ແລະ ຫາທີມທີ່ເປັນແຊ້ມກຸ່ມ ພ້ອມດ້ວຍຮອງແຊ້ມກຸ່ມທີ່ມີຄະແນນດີທີ່ສຸດໃນ 3 ກຸ່ມ ຜ່ານເຂົ້າສູ່ຮອບຮອງຊະນະເລີດ.
ຕາຕະລາງ ການແຂ່ງຂັນຂອງ ທີມຊາດລາວ: ວັນທີ 16/07/2025 ເວລາ 17:00 ກຳປູເຈຍ ພົບ ລາວ ແຂ່ງຂັນຢູ່ທີ່ສະຫນາມກິລາ Patriot Stadium ແລະ ວັນທີ 19/07/2025 ເວລາ 17:00 ລາວ ພົບ ຫວຽດນາມ ແຂ່ງຂັນຢູ່ທີ່ສະຫນາມກິລາ Patriot Stadium.
ແຫຼ່ງຂ່າວ: ສຕລ