ຍອດຜູ້ເສຍຊີວິດຈາກເຫດການນ້ຳຖ້ວມກະທັນຫັນໃນລັດເທັກຊັດ ເພີ່ມຂຶ້ນຢ່າງນ້ອຍ 109 ຄົນ ແລະ ເຈົ້າໜ້າທີ່ກຳລັງເລັ່ງດຳເນີນການຄົ້ນຫາຜູ້ສູນຫາຍອີກ 160 ຄົນ.
ສຳນັກຂ່າວຕ່າງປະເທດລາຍງານ: ຍອດຜູ້ເສຍຊີວິດຈາກເຫດການນ້ຳຖ້ວມໃນລັດເທັກຊັດ ສ.ອາເມລິກາ ຕັ້ງແຕ່ວັນທີ 4 ກໍລະກົດ 2025 ຜ່ານມາ, ສ້າງຄວາມເສຍຫາຍຢ່າງຫຼວງຫຼາຍ ເຊິ່ງມີຍອດຜູ້ເສຍຊີວິດຈາກເຫດການດັ່ງກ່າວເພີ່ມຂຶ້ນຢ່າງນ້ອຍ 109 ຄົນ ແລະ ມີຜູ້ສູນຫາຍຈຳນວນ 160 ຄົນ ຂະນະທີ່ເຈົ້າໜ້າທີ່ກຳລັງເລັ່ງຄົ້ນຫາຜູ້ສູນຫາຍຢ່າງຕໍ່ເນື່ອງ ທ່າມກາງຄວາມກັງວົນວ່າຈະເກີດນ້ຳຖ້ວມຊໍ້ຳອີກ.
ເຫດການນ້ຳຖ້ວມຄັ້ງນີ້ເກີດຂຶ້ນຈາກສະພາບບຝົນຕົກໜັກຕິດຕໍ່ກັນຫຼາຍມື້ຈົນເຮັດໃຫ້ແມ່ນ້ຳກົວດາລູບທີ່ຢູ່ເຂດໃກ້ຄຽງລົ້ນອອກ ແລະ ໄຫຼເຂົ້າຖ້ວມພຶ້ນທີ່ຢ່າງໄວວາ ຈົນເປັນເຫດເກີດນ້ຳຖ້ວມກະທັນຫັນ, ທາງດ້ານ ນາຍອຳເພີ ຂອງເຂດເຄີເຄົາຕີ້ (Kerr County) ເຊິ່ງເປັນຈຸດສູນກາງຂອງເຂດນ້ຳຖ້ວມໃນຄັ້ງນີ້ເປັີເຜີຍໃນວັນອາທິດ (6 ກໍລະກົດ 2025) ນີ້ວ່າ: ຈຳນວນຜູ້ເສຍຊີວິດສະເພາະໃນເຄີເຄົາຕີ້ ມີປະມານ 68 ຄົນ ລວມເຖິງເດັກນ້ອຍຈຳນວນ 28 ຄົ, ຂະນະທີ່ຜູ້ວ່າການໃນລັດເທັກຊັດໄດ້ຖະແຫຼງໃນວັນດຽວກັນວ່າ: ມີຜູ້ເສຍຊີວິດເພີ່ມຂຶ້ນອີກກວ່າ 10 ຄົນ ໃນພຶ້ນທີ່ອື່ນຂອງລັດເທັກຊັດ ແລະ ຍັງມີຜູ້ສູນຫາຍອີກ 41 ຄົນ.
ສຳລັບເຫດການອຸທົກກະໄພໃນຄັ້ງນີ້ ນັບເປັນເຫດອຸທົກກະໄພຮຸນແຮງລະດັບ 4 ໃນປະຫວັດສາດຂອງສະຫະລັດ, ທາງດ້ານ ທ່ານ ໂດນັລ ທຣຳ ຜູ້ນຳສະຫະລັດໄດ້ສະແດງຄວາມເສຍໃຈຕໍ່ຄອບຄົວຜູ້ເສຍຊີວິດ ແລະ ຈະໄດ້ລົງພຶ້ນທີ່ປະສົບໄພໃນວັນທີ 11 ກໍລະກົດ 2025 ນີ້ ແລະ ຢືນຢັນວ່າລັດຖະບານກາງໄດ້ຕິດຕາມ ແລະ ປະສານງານຢ່າງໃກ້ຊິດກັບຜູ້ວ່າການລັດເທັກຊັດແລ້ວ.
ແຫຼ່ງຂ່າວ: ກຸງເທບທຸະກິດ