spot_img
Homeຂ່າວການພັດທະນາເປີດຫ້ອງກວດກາຄຸນນະພາບນ້ຳມັນເຊື້ອໄຟ ຢູ່ດ່ານສາກົນວັງເຕົ່າ-ຊ່ອງເມັກ

ເປີດຫ້ອງກວດກາຄຸນນະພາບນ້ຳມັນເຊື້ອໄຟ ຢູ່ດ່ານສາກົນວັງເຕົ່າ-ຊ່ອງເມັກ

Published on

ວັງເຕົ່າ-ຊ່ອງເມັກ ເປັນອີກດ່ານສາກົນໜຶ່ງ ລະຫວ່າງ ສປປ ລາວ ແລະ ຣາຊະອານາຈັກໄທ ຫ່າງຈາກເມືອງປາກເຊໄປປະມານ 42 ກິໂລແມັດ. ເປັນຈຸດຜ່ານແດນ ແລະ ລໍາລຽງສິນຄ້າເຂົ້າ-ອອກລະຫວ່າງ ລາວ-ໄທ ແລະ ໜຶ່ງໃນນັ້ນກໍແມ່ນການນຳເຂົ້ານໍ້າມັນເຊື້ອໄຟເປັນຈໍານວນຫຼວງຫຼາຍໃນແຕ່ລະມື້. ສະນັ້ນ ເພື່ອຮັບປະກັນທາງດ້ານຄຸນນະພາບຂອງນໍ້າມັນເຊື້ອໄຟດັ່ງກ່າວຖືກຕ້ອງຕາມມາດຕະຖານສາກົນ ທັງເປັນການປົກປ້ອງຜູ້ນໍາເຂົ້ານໍ້າມັນເຊື້ອໄຟ ແລະ ຜູ້ຊົມໃຊ້.

ດັ່ງນັ້ນ ວັນທີ 28 ຕຸລາ 2016ນີ້, ຂະແໜງການກ່ຽວຂ້ອງ ແລະ ທ້ອງຖິ່ນ ໄດ້ຈັດພິທີເປີດຫ້ອງກວດກາຄຸນນະພາບນໍ້າມັນເຊື້ອໄຟປະຈໍາດ່ານດັ່ງກ່າວ ໂດຍການໃຫ້ກຽດເຂົ້າຮ່ວມຂອງທ່ານ ບຸນຖອງ ດີວີໄຊ ເຈົ້າແຂວງຈໍາປາສັກ, ທ່ານ ບໍ່ວຽງຄໍາ ວົງດາລາ ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ, ທັງເປັນປະທານສະພາວິທະຍາສາດແຫ່ງຊາດ.

ໃນໂອກາດນີ້, ຜູ້ຮັກສາການຫົວໜ້າກົມມາດຕະຖານ ແລະ ວັດແທກ ລາຍງານໃຫ້ຮູ້ວ່າ: ເມື່ອມີການນໍາເຂົ້ານໍ້າມັນເຊື້ອໄຟ ກໍຈະຕ້ອງໄດ້ມີການກວດກາຄຸນນະພາບຢູ່ຫ້ອງທົດລອງປະຈໍາດ່ານ; ເມື່ອເຫັນວ່ານໍ້າມັນເຊື້ອໄຟທີ່ນໍາເຂົ້າມີຄວາມຖືກຕ້ອງຕາມມາດຕະຖານສາກົນແລ້ວຈຶ່ງຈະອອກໃບຢັ້ງຢືນຄວາມຖືກຕ້ອງຂອງຄຸນນະພາບ. ຫຼັງຈາກນັ້ນ ຈຶ່ງຈະອະນຸຍາດນຳເຂົ້າຖືກຕ້ອງຕາມລະບຽບການ ແລະ ນອກຈາກກວດກາປະຈໍາດ່ານນໍາເຂົ້າແລ້ວ, ຂະແໜງກ່ຽວຂ້ອງຍັງຈະໄດ້ດໍາເນີນການກວດກາຄຸນນະພາບນໍ້າມັນເຊື້ອໄຟຢູ່ຕາມແຕ່ລະສາງເກັບນໍ້າມັນ, ຕາມແຕ່ລະປໍ້າຈຳໜ່າຍແຕ່ລະໄລຍະອີກດ້ວຍ. ພ້ອມນັ້ນ ຍັງມີລົດກວດຄຸນນະພາບນໍ້າມັນເຊື້ອໄຟເຄື່ອນທີ່ໄວ້ບໍລິການຕາມການຮຽກຮ້ອງຕ້ອງການຂອງປະຊາຊົນນໍາອີກ. ຖ້າພົບເຫັນບັນຫານໍ້າມັນທີ່ບໍ່ໄດ້ມາດຕະຖານແມ່ນສາມາດໂທສາຍດ່ວນໄດ້ທີໝາຍເລກ 1513 ໄດ້ທຸກເວລາ.

ຂ່າວ: ລາວພັດທະນາ

ບົດຄວາມຫຼ້າສຸດ

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...

ໄລຍະ 3 ເດືອນ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ສາມາດດຶງດູດການລົງທຶນໄດ້ 1 ຕື້ກວ່າໂດລາ

ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ປະທານຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ໄດ້ລົງຊີ້ນຳວຽກງານ ຫ້ອງການ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ. ໃນຕອນເຊົ້າຂອງ ວັນທີ 13...

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...