spot_img
Homeຂ່າວເຫດການເງິນປອມລະບາດແຮງ ທຫລ ສືບຕໍ່ເຜີຍແຜ່ວິທີສັງເກດ

ເງິນປອມລະບາດແຮງ ທຫລ ສືບຕໍ່ເຜີຍແຜ່ວິທີສັງເກດ

Published on

ໃນວັນທີ 7 ທັນວາ 2016 ຜ່ານມາ ຢູ່ຫ້ອງປະຊຸມທະນາຄານແຫ່ງ ສປປ ລາວ ພາກກາງ ແຂວງສະຫວັນນະເຂດ ໄດ້ມີກອງປະຊຸມຫົວຂໍ້ “ທະນາບັດປອມ (ເງິນກີບ)” ເຂົ້າຮ່ວມມີ ທ່ານ ສີວິໄລ ພົມມະຈັກ ຫົວໜ້າເງິນຕາແຫ່ງ ສປປ ລາວ, ຫົວໜ້າຫ້ອງວ່າການປົກຄອງແຂວງ, ຕຳຫຼວດເສດຖະກິດ ແລະພາກສ່ວນອື່ນໆທີ່ກ່ຽວຂ້ອງ

ທ່ານ ສີວິໄລ ພົມມະຈັກ ໄດ້ເວົ້າວ່າ: ໃນສາມແຂວງພາກກາງ (ບໍລິຄຳໄຊ, ຄຳມ່ວນ ແລະສະຫວັນນະເຂດ) ມີຊາຍແດນຕິດກັບຕ່າງປະເທດ, ບາງເມືອງ ແລະບາງບ້ານກໍຢູ່ຫ່າງໄກສອກຫຼີກ, ເຮັດໃຫ້ປະຊາຊົນບໍ່ເຂົ້າເຖິງການບໍລິການຂອງທະນາຄານ, ການຕິດຕາມຂໍ້ມູນ-ຂ່າວສານທາງດ້ານເງິນຕາບໍ່ປົກກະຕິ ເຮັດໃຫ້ປະຊາຊົນບໍ່ຮູ້ກ່ຽວກັບທະນາບັດປອມ ກຸ່ມຄົນບໍ່ດີຈຶ່ງສວຍໂອກາດເອົາເງິນປອມໄປຈ່າຍໄດ້ງ່າຍ, ສຳລັບເງິນປອມ ສ່ວນຫຼາຍແມ່ນໃບ 50.000 ກີບ ທີ່ກໍາແຜ່ຫຼາຍໃນປັດຈຸບັນ, ໃນກອງປະຊຸມກໍໄດ້ອະທິບາຍກ່ຽວກັບວິທີເບິ່ງ ແລະສັງເກດເງິນກີບແທ້, ເງິນກີບປອມໃນຮູບແບບການສຳຜັດ, ຈັບບາຍ, ສ່ອງໃສ່ແສງສະຫວ່າງ,​ ພິກອ່ຽງ ແລະສ່ອງຜ່ານແສງ UV ຫຼືຜ່ານເຄື່ອງຈັກ ກວດເງິນປອມ

ສຳລັບຜູ້ທີ່ເຮັດຜິດໃນການປອມແປງເງິນກີບ, ເງິນຕ່າງປະເທດ ຈະໄດ້ລົງໂທດຕັດອິດສະລະພາບ ແຕ່ 5 ປີ-15 ປີ ແລະຈະຖືກປັບໃໝແຕ່ 10-150 ລ້ານກີບ, ໃນກໍລະນີຜູ້ກະທຳຜິດຫາກໄດ້ປອມແປງ ຫຼື ໄດ້ນຳເອົາເງິນປອມເຂົ້າມາໂດຍມີການຈັດຕັ້ງ ຫຼື ຢ່າງຫຼວງຫຼາຍຈະຖືກລົງໂທດ ຕັດອິດສະຫຼະພາບແຕ່ 10-20 ປີ ແລະຈະຖືກປັບໃໝແຕ່ 20-300 ລ້ານກີບ.

ທ່ານ ສີວິໄລ ພົມມະຈັກ ກ່າວຕື່ມວ່າ ສຳສັບສະຖານທີ່ລະວັງເງິນປອມທີ່ມັກເກີດຂຶ້ນໄດ້ງ່າຍ ປະກອບມີສະຖານທີ່ຄ້າຂາຍເຊົ້າ-ແລງບ່ອນມືດ ຫຼື ສະຖານທີ່ມີ ແສງສະຫວ່າງໜ້ອຍສັງເກດເຫັນເງິນໄດ້ຍາກ, ເວລາຊື້-ຂາຍດີມີລູກຄ້າເຕັມຮ້ານຮັບເງິນໂດຍບໍ່ມີເວລາສັງເກດ ແລະກວດກາ, ໃຊ້ເງິນມູນຄ່າສູງຊື້ສິນຄ້າລາຄາຕ່ຳ ແລະສະແດງທ່າທີຮ້ອນຮົນ, ຊື້ສິນຄ້າແບບເໝົາໝົດບໍ່ຕໍ່ລອງລາຄາ ແລະຊຳລະເງິນໂດຍນຳເອົາເງິນປອມສອດໃສ່ເງິນແທ້.

ຂ່າວ: ເສດຖະກິດ-ສັງຄົມ

ບົດຄວາມຫຼ້າສຸດ

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...

ໂຄງການ ASEAN SOAR Together ໄດ້ຮ່ວມແບ່ງປັນເລື່ອງລາວຄວາມສໍາເລັດຂອງ MSME ດິຈິຕ້ອນ ທີ່ງານ ABIS 2025

ສະເຫຼີມສະຫຼອງຜົນສໍາເລັດຂອງການຫັນສູ່ດິຈິຕ້ອນຂອງ MSME ໃນທົ່ວອາຊຽນ ຜ່ານໂຄງການ ASEAN SOAR Together ກົວລາ ລໍາເປີ, 31 ຕຸລາ 2025 – ມູນນິທິ ອາຊຽນ...

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...