ໜ້າທຳອິດ Tags ເກົາຫຼີເໜືອ

ໂຄດ​ຄໍາ​ສັ່ງ: ເກົາຫຼີເໜືອ

ຍີ່ປຸ່ນຕິດຕັ້ງລະບົບຍິງຂີປະນາວຸດຕ້ານສັດຕູທີ່ເກາະຮັອກໄກໂດ

ເມື່ອວັນທີ 19 ກັນຍາ 2017 ເອພີລາຍງານວ່າ ທາງການຍີ່ປຸ່ນເຄື່ອນຍ້າຍອຸປະກອນຕິດຕັ້ງລະບົບຂີປະນາວຸດ ລະ ຫັດ ແພດ-3 ຫຼື Patriot Advanced Capability-3 ທີ່ເກາະຮັອກໄກໂດ ທາງພາກເໜືອຂອງປະເທດແລ້ວ ເພື່ອກຽມຮັບມືກັບເກົາຫຼີເໜືອເຊິ່ງອາດຈະມີການທົດສອບຂີປະນາວຸດຂ້າມທະວີບອີກ ດັ່ງນັ້ນການຕິດຕັ້ງຂີປະນາວຸດຍິງສະກັດກັ້ນຈິ່ງເປັນສິ່ງສຳຄັນຫຼາຍເພື່ອປົກປ້ອງພົນລະເມືອງຂອງຕົນ ສຳລັບແພດ-3 ໄດ້ເຄື່ອນຕົວອອກຈາກຖານທີ່ໝັ້ນໃນເມືອງ ຍາກຸໂມະ ໄປທີ່ຖານຮາໂກະດາເຕະ ທີ່ເກາະຮັອກໄກໂດ ມີໄລຍະການໄກກວ່າ 20 ກິໂລແມັດ...

ສະຫະລັດ ສະເໜີ ຢູເອັນຢຶດຊັບສິນຜູ່ນຳເກົາຫຼີເໜືອ

ສຳນັກຂ່າວຕ່າງປະເທດລາຍງານຈາກນະຄອນຫຼວງ ນິວຢອກ ປະເທດສະຫະລັດອາເມລິກາ ເມື່ອວັນທີ 6 ກັນຍາ 2017 ວ່າ ເອກອັກຄະຣາຊທູດສະຫະລັດປະຈຳສະຫະປະຊາຊາດ (ຢູເອັນ) ສະເໜີຮ່າງມາດຕະການຂວ້ຳບາດເກົາຫຼີເໜືອຄັ້ງໃໝ່ເຂົ້າສູ່ການພິຈາລະນາຂອງຄະນະມົນຕີຄວາມໝັ້ນຄົງແຫ່ງສະຫະປະຊາຊາດ (ຢູເອັນເອສຊີ) ເພື່ອລົງ ໂທດ ທີ່ລັດຖະບານປຽງຢາງທົດສອບລະເບີດນິວເຄຣຍຄັ້ງທີ 6 ເຊິ່ງເປັນຄັ້ງທີ່ລະເບີດມີອານຸພາບຮຸນແຮງທີ່ສຸດ ເມື່ອວັນອາທິດທີ່ຜ່ານມາ ໂດຍຄາດວ່າຈະມີການປະຊຸມລົງມະຕິໃນວັນຈັນທີ 11 ກັນຍານີ້ ຂະນະດຽວກັນແຜນການຂວ້ຳບາດທີ່ສະຫະລັດສະເໜີເຊິ່ງມີຄວາມຍາວ 13 ໜ້າ ຍັງຮວມເຖິງການຈຳກັດການສົ່ງ...

ເກົາຫຼີເໜືອສຳເລັດໃນການທົດສອບລະເບີດນິວເຄຣຍໄຮໂດຣເຈນ ຫຼື ເອຊ-ບອມ

ຄຳຖະແຫຼງຄວາມສຳເລັດໃນການທົດສອບລະເບີດນິວເຄຣຍໄຮໂດຣເຈນ ຫຼື ເອຊ-ບອມ ສຳລັບຕິດຕັ້ງທີ່ຫົວຮົບຂີປະນາວຸດຂອງເກົາຫຼີເໜືອ ໃນວັນທີ 3 ກັນຍາ 2017 ເປັນອີກຄັ້ງທີ່ສ້າງກະແສຄວາມຕົກຕະລຶງໃຫ້ກັບປະຊາຄົມໂລກ ເພາະນີ້ເປັນການທົດສອບອາວຸດນິວເຄຣຍໃຕ້ດິນຄັ້ງທີ 6 ຂອງເກົາຫຼີເໜືອ ເຖິງແມ່ນວ່າຈະຖືກມາດຕະການລົງ ໂທດຈາກສະຫະປະຊາຊາດທຸກທິດທາງແລ້ວກໍ່ຕາມ ລະເບີດນິວເຄຣຍທົ່ວໄປ ຫຼື ເອ-ບອມ ນັ້ນໃຊ້ຫຼັກການ "ແຕກຕົວ" ຫຼື ຟິຊຊັ່ນ ຂອງອະຕອມແຮ່ໂລຫະໜັກເຊັ່ນ: ຢູເຣນຽນ 235 ເຮັດໃຫ້ປົດປ່ອຍພະລັງງານຄວາມຮ້ອນມະຫາສານ      

ເດນນິສ ໂຣແມນ ເດີນທາງມາຢ້ຽມຢາມເກົາຫຼີເໜືອຕາມຄຳເຊີນ

ເດນນິສ ໂຣແມນ ນັກກິລາບານບ້ວງທີ່ມີສື່ສຽງໂດ່ງດັງ ເຊິ່ງເປັນພຽງຊາວອາເມລິກາຄົນດຽວທີ່ສາມາດເຂົ້າໃກ້ ທ່ານ ຄິມຈອງ ອືນ ຜູ້ນໍາສູງສຸດຂອງສາທາລະນະລັດ ປະຊາຊົນ ປະຊາທິປະໄຕ ເກົາຫລີເໜືອ. ອາທິດຜ່ານມານີ້ ທ່ານ ຄິມຈອງ ອືນ ໄດ້ເຊີນ ທ່ານ ເດນນິສ ເດີນທາງມາຢ້ຽມຢາມ ສາທາລະນະລັດ ປະຊາຊົນ ປະຊາທິປະໄຕ ເກົາຫລີເໜືອຢ່າງເປັນທາງການຕາມຄຳເຊີນ ໂດຍສ້າງຄວາມປະຫລາດໃຈໃຫ້ຊາວໂລກຕ້ອງຕົກຕະລຶງ. ...

ເກົາຫຼີໃຕ້ສະເໜີເປັນເຈົ້າພາບຮ່ວມບານໂລກ 2030

ສຳນັກຂ່າວເອພີລາຍງານຈາກນະຄອນຫຼວງໂຊລ ປະເທດເກົາຫຼີໃຕ້ ເມື່ອວັນທີ 12 ມິຖຸນາ 2017ວ່າ ຖະແຫລງການຂອງທຳນຽບຂາວປະທານາທິບໍດີແຫ່ງເກົາຫຼີໃຕ້ ລະບຸວ່າ ປະທານາທິບໍດີ ມຸນ ແຈ-ອິນ ແຫ່ງເກົາຫຼີໃຕ້ໄດ້ສະເໜີຕົວໃນການເປັນເຈົ້າພາບຈັດການແຂ່ງຂັນບານໂລກ 2030 ກັບປະເທດຄູ່ປໍລະປັກຢ່າງເກົາຫຼີເໜືອ ຮວມເຖິງປະເທດເພື່ອນບ້ານອື່ນໆຢູ່ໃນເຂດພາກພື້ນອາຊີຕະເວັນອອກສຽງເໜືອ ໃນລະຫວ່າງການຮ່ວມຫາລືກັບທ່ານ ຈິອານນີ ອິນຟານຕິໂນ ປະທານສະຫະພັນບານເຕະນານາຊາດ (ຟີຟ່າ) ທີ່ທຳນຽບຂາວປະທານາທິບໍດີເກົາຫຼີໃຕ້ໃນນະຄອນຫຼວງໂຊລ ເມື່ອວັນຈັນທີ 12 ມິຖຸນາ...

ເກົາຫຼີເໜືອທົດລອງລະບົບຂີປະນາວຸດ ຕໍ່ຕ້ານສັດຕູທາງອາກາດລຸ້ນໃໝ່ໄດ້ສຳເລັດ

ວັນທີ 28 ພຶດສະພາ 2017 ມື້ນີ້ ສຳນັກຂ່າວທາງການຂອງເກົາຫຼີເໜືອ KCNA ລາຍງານວ່າ ເກົາຫຼີເໜືອໄດ້ທົດລອງລະບົບຂີປະນາວຸດຕໍ່ຕ້ານທາງອາກາດລຸ້ນໃໝ່ ແລະຜົນການທົດລອງແມ່ນປະສົບຜົນສຳເລັດເປັນຢ່າງດີ ແຕ່ສຳນັກຂ່າວດັ່ງກ່າວກໍບໍ່ໄດ້ແຈ້ງວັນແລະເວລາການທົດລອງລະບົບຂີປະນາວຸດນີ້ໃນວັນແລະເວລາໃດກັນແທ້. ລາຍງານລະບຸວ່າ ທ່ານ ກິມຈອງອືນ ຜູ້ນຳເກົາຫຼີເໜືອໄດ້ເຂົ້າຮ່ວມບັນຊາການທົດລອງໃນຄັ້ງນີ້ພ້ອມ ແລະໄດ້ສັ່ງໃຫ້ມະຫາວິທະຍາໄລວິທະຍາສາດປ້ອງກັນປະເທດ ຜູ້ຄິດຄົ້ນແລະຜະລິດລະບົບດັ່ງກ່າວ ຈົ່ງຜະລິດໃຫ້ຫຼາຍໆ ແລະຕິດຕັ້ງໄວ້ໃຫ້ທົ່ວປະເທດເກົາຫຼີເໜືອ ເພື່ອວ່າຈະໄດ້ຈັດການກັບສັດຕູທີ່ບັງອາດລ່ວງລໍ້າເກົາຫຼີເໜືອໄດ້ທັນການທຸກເວລາ.

ຜູ້ນຳກົາຫຼີໃຕ້ຄົນໃໝ່ເລີ່ມຕໍ່ສາຍໂທລະສັບຫາຜູ້ນຳຈີນ, ຍີ່ປຸ່ນ, ສະຫະລັດ ເພື່ອປຶກສາເລື່ອງເກົາຫຼີເໜືອ

ສຳນັກຂ່າວເອເອຟພີລາຍງານວ່າ ທ່ານ ມຸນ ແຈອິນ ປະທານາທິບໍດີເກົາຫຼີໃຕ້ຄົນໃໝ່ ຄໍ່ສາຍໂທລະສັບສົນທະນາກັບຜູ້ນຳຍີ່ປຸ່ນ ແລະ ຈີນເມື່ອວັນພະຫັດ (11/05/2017) ພາຍຫຼັງທີ່ເຂົາໄດ້ຮັບຕຳແໜ່ງພຽງບໍ່ເທົ່າໃດຊົ່ວໂມງກໍ່ໄດ້ໂທລະສັບຫາລືກັບປະທານາທິບໍດີ ໂດນັລ ທຣັມ ແຫ່ງສະຫະລັດອາເມລິກາ ໃນການກຳນົດແນວທາງທີ່ຈະດຳເນີນຄວາມສຳພັນກັບເກົາຫຼີເໜືອ ສຳນັກງານຂອງທ່ານ ມຸນ ເປີດເຜີຍວ່າ ໃນການປຶກສາຫາລືຂອງປະທານາທິບໍດີ ມຸນ ກັບ ປະທານາທິບໍດີ ສີ ຈິ້ນຜິງ ຜູ້ນຳທັງສອງຕ່າງເຫັນພ້ອມກັນວ່າການປົດນິວເຄຣຍໃນແຫຼມມະຫາສະໝຸດເກົາຫຼີຖືເປັນເປົ້າໝາຍຮ່ວມກັນທັງສອງປະເທດ ໂດຍທ່ານມຸນຍັງຮ້ອງຂໍໃຫ້ມີການເຈລະຈາໄປພ້ອມກັບການຂວ້ຳບາດ...

ຄວາມເຄັ່ງຕຶງໃນແຫຼມເກົາຫຼີ ອາດເປັນພຽງຂໍ້ອ້າງໃນການຕັ້ງ ລະບົບຕໍ່ຕ້ານຂີປະນາວຸດ

ສະພາບຄວາມເຄັ່ງຕຶງໃນເຂດແຫຼມເກົາຫຼີມີຂຶ້ນທຸກປີ ໂດຍສະເພາະແມ່ນໄລຍະຊ້ອມຮົບຮ່ວມກັນ ລະຫວ່າງສະຫະລັດກັບເກົາຫຼີໃຕ້ ພິເສດໃນປີນີ້ ພາຍໃຕ້ການນຳຂອງ ປະທານາທິບໍດີ ທຣໍ້າ ຂອງສະຫະລັດ ໄດ້ເຮັດໃຫ້ສະພາບການໃນແຫຼມເກົາຫຼີຮ້ອນແຮງກວ່າຊູ່ປີ. ນັກວິເຄາະສ່ວນຫຼາຍຕີລາຄາວ່າ ສະພາບຄວາມເຄັ່ງຕຶງໃນແຫຼມເກົາຫຼີເກີດຂຶ້ນຍ້ອນ 2 ສາເຫດ ຄື ຍ້ອນການຊ້ອມຮົບຮ່ວມກັນລະຫວ່າງ ສະຫະລັດ-ເກົາຫຼີໃຕ້-ຍີ່ປຸ່ນ ແລະ ຍ້ອນການພັດທະນາອາວຸດນິວເຄລຍຂອງເກົາຫຼີເໜືອ ແຕ່ຖ້າເຮົາເບິ່ງໃນມຸມທີ່ຕ່າງກັນແລ້ວນັ້ນ ຈະເຮັດໃຫ້ເຫັນເຫດຂອງຂອງທາງສອງຝ່າຍ. ສະຫະລັດ ອັນມີເກົາຫຼີໃຕ້ເປັນຕົວແທນ ຍາມໃດກໍບໍ່ລົດລະຄວາມພະຍາຍາມທີ່ຈະ ຂົ່ມຂູ່ແລະກົດດັນທາງທະຫານຕໍ່ເກົາຫຼີເໜືອ ເຊິ່ງສະແດງອອກໃນການສ້າງຂ່າວໃຫ້ເປັນຄືວ່າອຳນາດການປົກຄອງເກົາຫຼີເໜືອໂຫດຮ້າຍປ່າເຖື່ອນ ພ້ອມທັງມີການຊ້ອມຮົບຮ່ວມກັນຢ່າງເປັນປະຈຳໃນບໍລິເວນດັ່ງກ່າວ...

“ທຣັມ” ຕໍ່ສາຍຫາ “ດູແຕຣ໌ເຕ” ເຊີນໄປທຳນຽບຂາວຫາລືເລື່ອງເກົາຫຼີເໜືອ

ສຳນັກຂ່າວເອຟພີ ແລະ ຣອຍເຕີລາຍງານ ເມື່ອວັນທີ 29 ເມສາ 2017 ວ່າ ທຳນຽບປະທານາທິບໍດີສະຫະລັດອາເມລິກາ ຖະແຫລງການວ່າ ປະທານາທິບໍດີ ໂດນັລ ທຣັມ ແຫ່ງສະຫະລັດ ໄດ້ເຊີນ ປະທານາທິບໍດີ ໂຣດຣິໂກ ດູແຕຣ໌ເຕ ແຫ່ງຟິລິບປິນ ເດີນທາງໄປທີ່ທຳນຽບຂາວ ເພື່ອຫາລືກ່ຽວກັບໄພຄຸກຄາມຈາກປະເທດເກົາຫຼີເໜືອ ຖະແຫຼງການໄດ້ລະວ່າ ທຣັມ ໄດ້ສົນທະນາກັບຜູ້ນຳຟິລິບປິນຜ່ານທາງໂທລະສັບ ເຊິ່ງເປັນການສົນທະນາກັນຢ່າງເປັນມິດ...

“ສີ ຈິ້ນຜິງ” ຂໍຮ້ອງ “ທຣັມ” ໃຫ້ໃຊ້ຄວາມອົດທົນກັບເກົາຫຼີເໜືອ

ສຳນັກເອເອຟພີລາຍງານວ່າ ປະທານາທິບໍດີ ສີ ຈິ້ນຜິງ  ຮຽກຮ້ອງໃຫ້ "ໃຊ້ຄວາມອົດທົນ" ໃນເລື່ອງຂອງເກົາຫຼີເໜືອ ໃນລະຫວ່າງການສົນທະນາທາງໂທລະສັບກັບປະທານາທິບໍດີ ໂດນັລ ທຣັມ ຂອງສະຫະລັດອາເມລິກາ ເມື່ອວັນທີ 24 ເມສາ 2017 ກ່ອນໜ້າທີ່ເຮືອບັນທຸກເຮືອຮົບຂະໜາດໃຫຍ່ຂອງສະຫະລັດອາເມລິກາຈະເດີນທາງມາຮອດມະຫາສະໝຸດເກົາຫຼີ ການສົນທະນາໃນເທື່ອນີ້ມີຂຶ້ນທ່າມກາງຄວາມກັງວົນຫຼາຍຂຶ້ນເລື່ອຍໆ ວ່າເກົາຫຼີເໜືອຈະທົດສອບມິສໄຊ ຫຼື ນິວເຄຣຍຮອບໃໝ່ ໃນໂອກາດຄົຍຮອບ 85 ປີການກໍ່ຕັ້ງກອງທັບປະຊາຊົນເກົາຫຼີໃນວັນທີ 25 ເມສາ...

ສະຫະລັດ-ຍີ່ປຸ່ນ! ຮ່ວມຊ້ອມຮົບທາງທະເລສະແດງຄວາມຮ່ວມສູ້ກັບໄພຄຸກຄາມຈາກເກົາຫຼີເໜືອ

ເວັບໄຊຂ່າວ ມະຕິຊົນ ອອກໄລນ ລົງຂ່າວເມື່ອວັນທີ 24 ເມສາ 2017 ນີ້ວ່າ ສຳນັກຂ່າວເອຟພີ ແລະ ຣອຍເຕີລາຍງານວ່າ ກອງກຳລັງປ້ອງກັນຕົນເອງທາງທະເລ (ເອັມເອສດີເອຟ) ຂອງຍີ່ປຸ່ນຖະແຫລງການເມື່ອວັນທີ 23 ເມສາ 2017 ລະບຸວ່າ ເຮືອພິຄາດ 2 ລຳ ຂອງເອັມເອສດີເອຟ ໄດ້ເຂົ້າສົມທົບກັບກອງເຮືອໂຈມຕີຄາຣ ວິນສັນ...

“ປູຕິນ” ບໍ່ຢູ່ຊື່ໆ ສົ່ງທັບຣັດເຊຍໄປຕັ້ງຕິດຊາຍແດນເກົາຫຼີເໜືອ

ເວັບໄຊ ຂ່າວສົດ ລາຍງານເມື່ອວັນທີ 21 ເມສາ 2017 ທີ່ຜ່ານມາວ່າ ຢາຮູນິວສ໌ ລາຍງານວ່າ ປະທານາທິບໍດີ ວາລາດິເມຍ ປູຕິນ ຜູ້ນຳຣັດເຊຍ ສັ່ງໃຫ້ກອງທັບນຳກຳລັງເຂົ້າຕິດຊາຍແດນທີ່ຕິດເກົາຫຼີເໜືອ ເພື່ອຮັບມືກັບການອົບພະຍົບຂອງຜູ້ຄົນທີ່ຈະໜີຕາຍຂ້າມຊາຍແດນເຂົ້າມາຣັດເຊຍ ຫາກເກີດການໂຈມຕີເກົາຫຼີເໜືອໃນຊ່ວງໄລຍະທີ່ມີຄວາມຂັດແຍ້ງຍັງຄົງເຄັ່ງຕຶງ ເຖິງແມ່ນວ່າກອງເຮືອພິຄາດຂອງກອງທັບສະຫະລັດອາເມລິກາຈະປ່ຽນທິດທາງຈາກເກົາຫຼີເໜືອໄປມະຫາສະໝຸດອິນເດຍແລ້ວກໍ່ຕາມ. ຂະນະທີ່ຫຼາຍຝ່າຍວິຕົກກັງວົນວ່າການເຄືອນໄຫວດັ່ງກ່າວເປັນສັນຍານຊີ້ເຖິງສະຖານະການທີ່ບໍ່ດີ  ເພາະທາງການຈີນຫາກໍ່ສົ່ງກຳລັງ 150,000 ຄົນ ໄປປະຈຳການໃນພື້ນທີ່ຊາຍແດນເບື້ອງທີ່ຕິດກັບເກົາຫຼີເໜືອ. https://youtu.be/TsHw8q77B50 ວິດີໂອຈາກ: Ольга Доманова
error: Content is protected !!