ໜ້າທຳອິດ Tags ເກົາຫຼີເໜືອ

ໂຄດ​ຄໍາ​ສັ່ງ: ເກົາຫຼີເໜືອ

ເກົາຫຼີເໜືອທົດສອບ “ອາວຸດນຳວິຖີທາງຍຸດທະວິຖີຮຸ່ນໃໝ່”

ລັດຖະບານເກົາຫຼີເໜືອ ອ້າງຄວາມສຳເລັດໃນການທົດສອບປະສິດທິພາບຂອງ "ອາວຸດນຳວິຖີທາງຍຸດທະວິທີ" ຮຸ່ນໃໝ່ຫຼ້າສຸດ ທີ່ສາມາດຕິດຕັ້ງຫົວຮົບໄດ້ ໃນຊ່ວງໄລຍະທີ່ຄວາມສຳພັນກັບສະຫະລັດກັບມາເຄັ່ງຕຶງອີກຄັ້ງ ຫຼັງຈາກທີ່ມີການພົບປະຫາລືກັນທີ່ນະຄອນຫຼວງຮ່າໂນ້ຍ ປະເທດຫວຽດນາມ ໃນທ້າຍເດືອນ ກຸມພາ 2019 ທີ່ຜ່ານມາ ແຕ່ຢຸດຕິກ່ອນກຳນົດ ແລະ ບໍ່ມີຂໍ້ສະຫຼຸບ. ສຳນັກຂ່າວຕ່າງປະເທດລາຍງານຈາກນະຄອນຫຼວງໂຊລ ປະເທດເກົາຫຼີໃຕ້ ເມື່ອວັນທີ 18 ເມສາ 2019 ວ່າ ສຳນັກຂ່າວກາງເກົາຫຼີເໜືອ ໄດ້ລາຍງານວ່າ ທ່ານ...

ເກົາຫຼີເໜືອຈະບໍ່ຍອມເຈລະຈາກັບລັດຖະບານສະຫະລັດອີກແລ້ວ

ສຳນັກຂ່າວຕ່າງປະເທດລາຍງານຈາກນະຄອນຫຼວງຮ່າໂນ້ຍ ປະເທດຫວຽດນາມ ເມື່ອວັນທີ 1 ມີນາ 2019 ທີ່ຜ່ານມາວ່າ ທ່ານ ນາງ ໂຊ ຊອນ ຮີ ລັດຖະມົນຕີກະຊວງການຕ່າງປະເທດເກົາຫຼີເໜືອກ່າວວ່າ ຈາກທ່າທີຂອງທ່ານ ຄິມ ຈອງ ອຶນ ຜູ້ນຳສູງສຸດຂອງປະເທດ "ໝົດອາລົມ" ໃນການເຈລະຈາກັບສະຫະລັດ ເນື່ອງຈາກ "ເປັນເລື່ອງຍາກທີ່ຈະເຂົ້າໃຈ". ຄຳກ່າວຂອງທ່ານ ນາງ ໂຊ...

ເກົາຫຼີເໜືອ ອາດປ່ຽນແນວທາງປະຕິບັດຫາກຍັງຖືກສະຫະລັດຂວໍ້າບາດ

ສຳນັກຂ່າວຕ່າງປະເທດລາຍງານເມື່ອວັນທີ 1 ມັງກອນ 2019 ວ່າ ທ່າມ ຄິມ ຈອງ ອຶນ ຜູ້ນຳສູງສຸດຂອງເກົາຫຼີເໜືອກ່າວໃນວັນຂຶ້ນປີໃໝ່ເຊິ່ງອອກອາກາດຜ່ານທາງສະຖານີໂທລະພາບຂອງລັດຖະບານເກົາຫຼີເໜືອວ່າ "ຫາກສະຫະລັດຍັງບໍ່ແກ້ໄຂຕາມຄຳສັນຍາທີ່ໃຫ້ໄວ້ຕໍ່ໜ້າທັງໂລກ ແລະ ຢືນຢັນທີ່ຈະໃຊ້ມາດຕະການຂວໍ້າບາດ ແລະ ການກົດດັນສາທະລະນະລັດຂອງເກົາຫຼີເໜືອ ເຮົາອາດບໍ່ມີທາງເລືອກອື່ນ ແຕ່ຕ້ອງພິຈາລະນາແນວທາງໃໝ່ເພື່ອປົກປ້ອງອະທິປະໄຕ ແລະ ຜົນປະໂຫຍດຂອງເຮົາ". ຄຳກ່າວຂອງທ່ານ ຄິມ ຈອງ ອຶນ ຄືການປະຊຸມສຸດຍອດຂອງເຂົາກັບປະທານາທິບໍດີ ໂດນັລ...

ເກົາຫຼີເໜືອຂູ່ຈະກັບມາທົດສອບນິວເຄຣຍອີກຄັ້ງຖ້າສະຫະລັດບໍ່ຢຸດການຄວ້ຳບາດ

ຄັ້ງທຳອິດທີ່ລັດຖະບານປຽງຢາງຂູ່ຈະກັບໄປທົດສອບອາວຸດນິວເຄຍອີກຄັ້ງ ແລະ ຈະເດີນໜ້າພັດທະນາໂຄງການອື່ນໆ ຖ້າສະຫະລັດຍັງບໍ່ຢຸດຄວ້ຳບາດທາງເສດຖະກິດຢ່າງເຂັ້ມງວດຕໍ່ເກົາຫຼີເໜືອ. ສຳນັກຂ່າວຕ່າງປະເທດລາຍງານເມື່ອວັນທີ 4 ພະຈິກ 2018 ວ່າ ກະຊວງການຕ່າງປະເທດເກົາຫຼີເໜືອໄດ້ອອກຖະແຫຼງການໃນແລງຂອງວັນທີ 2 ພະຈິກ 2018ທີ່ຜ່ານມາ ລະບຸວ່າ ເກົາຫຼີເໜືອຈະກັບໄປໃຊ້ນະໂຍບາຍ "ພະຍອງຈິນ" ເຊິ່ງເປັນນະໂຍບາຍຂອງການພັດທະນາຄວບຄູ່ກັນໄປລະຫວ່າງຄວາມສາມາດດ້ານນິວເຄຣຍກັບການພັດທະນາເສດຖະກິດຂອງປະເທດ ຫາກສະຫະລັດອາເມລິກາບໍ່ຍອມປ່ຽນແປງທ່າທີທີ່ມີຢູ່ຕໍ່ເກົາຫຼີເໜືອໃນປັດຈຸບັນ. "ຄຳວ່າພະຍອງຈິນອາດຈະກັບຄືນມາອີກຄັ້ງ ແລະ ອາດມີການທົບທວນກັນຢ່າງຈິງຈັງກ່ຽວກັບການປ່ຽນແປງທີ່ຈະເກີດຂຶ້ນ"  ຄຳຖະແຫຼງການທີ່ສຳນັກຂ່າວ KCNA ຂອງເກົາຫຼີເໜືອນຳອອກມາເຜີຍແຜ່ລະບຸ ແລະ ຍັງກ່າວວ່າ...

ລັດຖະມົນຕີກະຊວງການຕ່າງປະເທດສິງກະໂປຢຽມຢາມເກົາຫຼີເໜືອ

ສຳນັກຂ່າວຕ່າງປະເທດລາຍງານຈາກປະເທດ ສິງກະໂປ ເມື່ອວັນທີ 7 ມິຖຸນາ 2018 ວ່າກະຊວງການຕ່າງປະເທດສິງກະໂປອອກຖະແຫຼງການເມື່ອວັນພຸດວ່າ ທ່ານ ວິວຽນ ບາລາກຣິຊນັນ ລັດຖະມົນຕີກະຊວງການຕ່າງປະເທດ ຈະເດີນທາງໄປຢຽມຢາມນະຄອນປຽງຢາງລະຫວ່າງວັນທີ 7-8 ມິຖຸນາ 2018ນີ້ ຢ່າງໃດກໍ່ຕາມ ລັດຖະບານສິງກະໂປບໍ່ໄດ້ໃຫ້ລາຍລະອຽດກ່ຽວກັບພາລະກິດຂອງທ່ານ ບາລາກຣິຊນັນໃນຄັ້ງນີ້ ໂດຍລະບຸພຽງວ່າ ຈະມີການເຂົ້າພົບທ່ານ ຄິມຍອງນັມ ປະທານສະພາປະຊາຊົນສູງສຸດຂອງເກົາຫຼີເໜືອພ້ອມ ແລະ ກ່ອນການເດີນທາງໄປນະຄອນປຽງຢາງ...

ເກົາຫຼີເໜືອບໍ່ຍອມໃຫ້ນັກຂ່າວເກົາຫຼີໃຕ້ເຂົ້າຮ່ວມໃນການຮື້ຖອນ ແລະ ທຳລາຍສິ່ງປຸກສ້າງໃນນິຄົມນິວເຄຣຍ

ສຳນັກຂ່າງຕ່າງປະເທດລາຍງານຈາກນະຄອນຫຼວງປັກກິ່ງ ປະເທດຈີນ ເມື່ອວັນທີ 22 ພຶດສະພາ ວ່າ ກຸ່ມຜູ້ສື່ຂ່າວຕ່າງຊາດປະມານ 20 ຄົນ ເຊິ່ງມີທັງຜູ້ສື່ຂ່າວຈາກສະຫະລັດ, ຈີນ ແລະ ຣັດເຊຍ ຮວມຕົວກັນທີ່ສະໜາມບິນນານາຊາດນະຄອນຫຼວງປັກກິ່ງ ເພື່ອໂດຍສານທ້ຽວບິນໄປທີ່ນະຄອນຫຼວງປຽງຢາງ ເພື່ອຮ່ວມສັງເກດການການຮື້ຖອນ ແລະ ທຳລາຍສິ່ງປຸກສ້າງໃນນິຄົມນິວເຄຣຍປຸງກະເຍ -ຣີ ໃນພາກຕະເວັນອອກສຽງເໜືອຂອງເກົາຫຼີເໜືອ ທີ່ຕາມກຳນົດຈະມີຂຶ້ນໃນລະຫວ່າງວັນທີ 23-25 ພຶດສະພານີ້. ໂດຍສຳນັກຂ່າວຕ່າງປະເທດທີ່ໄດ້ຮັບອະນຖຍາດຈາກລັດຖະບານປຽງຢາງໄດ້ແກ່...

ເກົາຫຼີໃຕ້ເລັ່ງເຮັດສົນທິສັນຍາສັນຕິພາບກັບເກົາຫຼີເໜືອ

ລັດຖະບານໂຊລກຳລັງພິຈາລະນາແນວທາງເປັນໄປໄດ້ ແລະ ເໝາະສົມນການປັບປ່ຽນຂໍ້ຕົກລົງຢຸດຍິງສະໄໝສົງຄາມເກົາຫຼີ ໃຫ້ກາຍເປັນສົນທິສັນຍາສັນຕິພາບກັບລັດຖະບານປຽງຢາງ ສຳນັກຂ່າວຕ່າງປະເທດລາຍງານຈາກນະຄອນຫຼວງໂຊລ ປະເທດເກົາຫຼີໃຕ້ ເມື່ອວັນທີ 18 ເມສາ 2018 ວ່າ ທ່ານ ຊອງ ອວີຍອງ ທີ່ປຶກສາດ້ານຄວາມໝັ້ນຄົງແຫ່ງຊາດຂອງລັດຖະບານເກົາຫຼີໃຕ້ ກ່າວເມື່ອວັນພຸດ ວ່າ ລັດຖະບານໂຊລ ແລະ ພັນທະມິດຮວມເຖິງສະຫະລັດກຳລັງພິຈາລະນາແນວທາງຄວາມເປັນໄປໄດ້ຕາມກອບຂອງວິທີການທູດ ເພື່ອນຳໄປສູ່ການປົດອາວຸດນິວເຄຣຍຂອງລັດຖະບານປຽງຢາງ "ແບບຖາວອນ" ແລະ ເພື່ອສ້າງອານາຄົດທີ່ດີຂຶ້ນໃຫ້ກັບຊາວເກົາຫຼີເໜືອ ໂດຍໃນເບື້ອງຕົ້ນຈະຕ້ອງມີການຫາລືທັງໃນການປະຊຸມສຸດຍອດລະຫວ່າງຜູ້ນຳເກົາຫຼີເໜືອກັບເກົາຫຼີໃຕ້...

ເກົາຫຼີເໜືອຍອມເຈລະຈາ 3 ເສົ້າ ລະຫວ່າງເກົາຫຼີໃຕ້ ກັບ ສະຫະລັດອາເມລິກາ

ປະທານາທິບໍດີ ມູນ ແຈ-ອິນ ແຫ່ງເກົາຫຼີໃຕ້ ຖະແຫຼງເມື່ອວັນທີ 21 ມີນາ 2018ວ່າ ເປັນໄປໄດ້ວ່າຈະມີການເຈລະຈາ 3 ເສົ້າ ລະຫວ່າງ ເກົາຫຼີເໜືອ, ເກົາຫຼີໃຕ້ ແລະ ສະຫະລັດອາເມລິກາ ເຊິ່ງຄວນມຸ່ງເນັ້ນສັນຕິພາບ ແລະ ຢຸດຕິໄພຄຸກຄາມຈາກນິວເຄຣຍທີ່ແຫຼມເກົາຫຼີ ທ່າທີດັ່ງກ່າວໄດ້ມີຂຶ້ນຂະນະທີ່ມີການວິ່ງເຕັ້ນທາງການທູດທັງໃນອາຊີ ຢຸໂຣບ ສະຫະລັດ ເພື່ອຈັດການເຈລະຈາລະຫວ່າງທ່ານ ມູນ ແຈ...

ລັດຖະບານຍີ່ປຸ່ນວາງແຜນອົບພະຍົບພົນລະເມືອງອອກຈາກເກົາຫຼີໃຕ້

ໜັງສືພິມ ໂຢມິອຸຣິຂອງຍີ່ປຸ່ນລາຍງານວ່າ ລັດຖະບານຍີ່ປຸ່ນກຳລັງພິຈາລະນາເລື່ອງການວາງແຜນອົບພະຍົບປະຊາຊົນຍີ່ປຸ່ນອອກມາຈາກປະເທດເກົາຫຼີໃຕ້ ເພື່ອຮັບມືກັບສະຖານະການໃນເກົາຫຼີໃຕ້ກ່ອນຈະເຖິງຈຸດວິກິດຈົນເຖິງຂັ້ນສັ່ງປິດສະໜາມບິນ ອັນເປັນຜົນຈາກໄພຄຸກຄາມດ້ານນິວເຄຣຍຂອງເກົາຫຼີເໜືອ  ໜັງສືພິມ ໂຢມິອຸຣິລາຍງານໂດຍອ້າງແຫຼ່ງຂ່າວໃນລັດຖະບານວ່າ ທາງການຍີ່ປຸ່ນກຳລັງພິຈາລະນາອົບພະຍົບຊາວຍີ່ປຸ່ນຜ່ານທາງເມືອງປູຊານ ທາງພາກໃຕ້ຂອງເກົາຫຼີໃຕ້ ໂດຍຈະໃຊ້ເຮືອກອງທັບຍີ່ປຸ່ນ ແລະ ສະຫະລັດເປັນພາຫະນະລຳລຽງ ເພື່ອເຄື່ອນຍ້າຍປະຊາຊົນໄປທີ່ເກາະສືຊິມະຂອງຍີ່ປຸ່ນທີ່ຫ່າງຈາກເມືອງປູຊານປະມານ 50 ກມ ຄວາມເຄື່ອນໄຫວດັ່ງກ່າວມີຂຶ້ນ ຫຼັງບໍ່ດົນມານີ້ ທ່ານ ທາໂຣ່ ໂຄໂນະ ລັດຖະມົນຕີວ່າການກະຊວງການຕ່າງປະເທດຍີ່ປຸ່ນ ກຽມຮຽກຮ້ອງຄວາມຮ່ວມມືຈາກນານາຊາດໃນການໃຊ້ມາດຕະການກົດດັນເກົາຫຼີເໜືອຫຼາຍຂຶ້ນ ເພື່ອໃຫ້ເກົາຫຼີເໜືອຍົກເລີກໂຄງການພັດທະນາອາວຸດນິວເຄຣຍ ໃນການປະຊຸມທີ່ເຢຍລະມັນທີ່ຈະເລີ່ມຂຶ້ນໃນເດືອນໜ້າ

“ຜູ້ນຳເກົາຫຼີເໜືອ” ຂູ່! ປະເທດທີ່ເຫັນດີກັບການຂວ້ຳບາດກຽມຮັບຜົນກະທົບທີ່ຈະຕາມມາຢ່າງເຖິງທີ່ສຸດ 

ເມື່ອວັນທີ 24 ທັນວາ 2017 ຈາກກໍລະນີທີ່ຄະນະລັດຖະມົນຕີຄວາມໝັ້ນຄົງແຫ່ງສະຫະປະຊາຊາດ ຫຼື ຢູເອັນເອສຊີ ໄດ້ລົງມະຕິຂວ້ຳບາດຮອບໃໝ່ ຫຼັງຈາກທີ່ເກົາຫຼີໃຕ້ໄດ້ເຮັດການທົດສອບຂີປະນາວຸດຂ້າມທະວີບຄັ້ງຫຼ້າສຸດ ເມື່ອວັນທີ 29 ພະຈິກ ທີ່ຜ່ານມາ ໂດຍການຂວ້ຳບາດໃນເທື່ອນີ້ກວມລວມໄປຮອດການສົ່ງອອກນ້ຳມັນໄປທີ່ເກົາຫຼີເໜືອ ເຊິ່ງຈະມີການຈຳກັດການສົ່ງອອກຜະລິດ ຕະພັນປິໂຕຣລຽມທີ່ຜ່ານມາໄວ້ທີ່ 500,000 ບາຣຣອນຕໍ່ປີ ຕາມມະຕິສະຫະປະຊາຊາດສະບັບໃໝ່ ຫຼ້າສຸດສຳນັກຂ່າວກາງຂອງເກົາຫຼີເໜືອ ໄດ້ອອກເຜີຍແຜ່ຖະແຫຼງການ ຂອງກະຊວງການຕ່າງປະເທດເກົາຫຼີເໜືອວ່າ ສະຫະລັດອາເມລິກາເກີດຢ້ານກົວຕໍ່ໂຄງການພັດທະນາ ແລະ ທົດສອບນິວເຄຣຍຂອງເກົາຫຼີເໜືອ...

ເກົາຫຼີເໜືອກຽມຍິງຂີປະນາວຸດຂ້າມທະວີບຄັ້ງໃໝ່

ສຳນັກຂ່າວຣອຍເຕີລາຍງານຈາກນະຄອນຫຼວງ ມອສໂກ ປະເທດຣັດເຊຍ ເມື່ອວັນທີ 7 ຕຸລາ 2017ວ່າ ສຳນັກຂ່າວອາຣໄອຂອງຣັດເຊຍລາຍງານເມື່ອວັນສຸກທີ່ຜ່ານມາວ່າ ທ່ານ ອັນຕວນ ໂມໂຣຊອຟ ສະມາຊິກສະພາຂອງຣັດເຊຍ ແລະ ສະມາຊິກຄະນະກຳມະທິການການຕ່າງປະເທດ ລັດສະພາຣັດເຊຍ ເປີດເຜີຍພາຍຫຼັງເດີນທາງກັບມາຈາກການຢຽມຢາມນະຄອນຫຼວງປຽງຢາງຂອງເກົາຫຼີເໜືອ ເມື່ອວັນທີ 2-6 ຕຸລາ 2017 ທີ່ຜ່ານມາພ້ອມກັບເພື່ອນສະມາຊິກສະພາລ່າງອີກ 2 ທ່ານວ່າ ເກົາຫຼີເໜືອກຽມທົດລອງການຍິງຂີປະນາວຸດພິໄສໄກຄັ້ງໃໝ່...

ສະຫະລັດສົ່ງເຮືອບິນຮົບເຂົ້າໃກ້ຊາຍແດນເກົາຫຼີເໜືອ ສົ່ງສັນຍານພ້ອມທຸກເວລາ

ເອພີລາຍງານວັນທີ 23 ກັນຍາ 2017 ວ່າ ສະພາບການເຄັ່ງຮ້ອນໃນແຫຼມເກົາຫຼີເໜືອບໍ່ມີທ່າທາງຈະເບົາລົງ ເມື່ອກະຊວງປ້ອງກັນປະເທດສະຫະລັດອາເມລິກາ ຫຼື ເພນດາກອນ ແຈ້ງວ່າ ຝູງເຮືອບິນຖິ້ມລະເບີດພ້ອມເຮືອບິນຮົບຄຸ້ມກັນຂອງກອງທັບສະຫະລັດໄດ້ບິນເຂົ້າໄປໃກ້ຝັ່ງຕະເວັນອອກຂອງເກົາຫຼີເໜືອຫຼາຍທີ່ສຸດ ແລະ ເຂົ້າເຂດປອດທະຫານຂຶນໄປທາງເໜືອຫຼາຍທີ່ສຸດເທົ່າທີ່ເຄີຍມີມາ ເພື່ອສະແດງໃຫ້ເຫັນວ່າປະທານາທິບໍດີ ໂດນັລ ທຣັມ ເອົາແທ້ໃນການຈັດການພຶດຕິກຳທີ່ບໍ່ຮູ້ຈັກຄິດຂອງເກົາຫຼີເໜືອ ການປະເຊີນໜ້າກັນລະຫວ່າງສະຫະລັດ ກັບ ເກົາຫຼີເໜືອມີຄວາມເຄັ່ງຮ້ອນຂຶ້ນຫຼາຍ ເມື່ອຜູ່ນຳສອງປະເທດເປີດເສິກຮຸນແຮງໃສ່ກັນທາງວາຈາ ຈົນເຮັດໃຫ້ລັດຖະບານຣັດເຊຍ ແລະ ລັດຖະບານຈີນເຂົ້າມາຮຽກຮ້ອງໃຫ້ລະງັບຢຸດຕິກ່ອນສະພາບການຈະບານປາຍໄປຫຼາຍກວ່ານີ້  
Message Us
Loading...
error: Content is protected !!