spot_img
Homeຂ່າວພາຍ​ໃນຮື້ຖອນປ້າຍໂຄສະນາບໍ່ຖືກຕ້ອງ ຕາມເສັ້ນທາງໄກສອນພົມວິຫານ

ຮື້ຖອນປ້າຍໂຄສະນາບໍ່ຖືກຕ້ອງ ຕາມເສັ້ນທາງໄກສອນພົມວິຫານ

Published on

ເມື່ອບໍ່ດົນມານີ້, ພະແນກໂຍທາທິການ ແລະ ຂົນສົ່ງນະຄອນຫຼວງວຽງຈັນ ຮ່ວມກັບຄະນະຈັດສັນນະຄອນຫຼວງ ແລະ ເມືອງ, ຫ້ອງການໂຍທາທິການ ແລະ ຂົນສົ່ງ, ອຸດສະຫະກໍາການຄ້າ, ຊັບສິນ, ຖະແຫຼງຂ່າວ ວັດທະນະທາ ແລະ ທ່ອງທ່ຽວ, ເຈົ້າໜ້າທີ່ກຸ່ມ, ໄຟຟ້າ ແລະ ເຈົ້າໜ້າທີ່ຕໍາຫຼວດຈະລາຈອນ ເມືອງໄຊທານີ ນໍາໂດຍ ທ່ານ ປອ. ສົມໃຈຫວັງ ເດດອຸດົມ ຮອງຫົວໜ້າພະແນກໂຍທາທິການ ແລະ ຂົນສົ່ງ ນະຄອນຫຼວງວຽງຈັນ ພ້ອມດ້ວຍ ຄະນະລົງເຄື່ອນໄຫວການຮື້ຖອນ ເທີບ-ເຫງີບ ແລະ ປ້າຍໂຄສະນາຕ່າງໆ ຢູ່ເສັ້ນຖະໜົນໄກສອນ ພົມວິຫານ ນັບແຕ່ 4 ແຍກໄຟອໍານາດບ້ານໂພນສະອາດ ຫາ ເຂດວົງວຽນດອນໜູນ.

May be an image of 2 people and text

ທ່ານ ທ່ານ ປອ. ສົມໃຈຫວັງ ເດດອຸດົມ ຮອງຫົວໜ້າພະແນກ ໂຍທາທິການ ແລະ ຂນສົ່ງນະຄອນຫຼວງວຽງຈັນ ໃຫ້ສໍາພາດວ່າ: ການລົງເຄື່ອນໄຫວ ຕັດປ້າຍ, ຍົກຍ້າຍປ້າຍ, ຮື້ຖອນປ້າຍ ແລະ ເທີບ-ເຫງີບໃນຄັ້ງນີ້ແມ່ນປະຕິບັດຕາມຂໍ້ຕົກລົງວ່າ: ດ້ວຍການຈັດສັນຄວາມບໍ່ເປັນລະບຽບຮຽບຮ້ອຍໃນຕົວເມືອງ ແລະ ຊານເມືອງໃຫ້ມີຄວາມສວຍງາມ.

May be an image of text

ທັງອີງຕາມການແຈ້ງການ ວ່າດ້ວຍການຈັດຕັ້ງ ແລະ ມາດຕະການວຽກງານຈັດສັນຄວາມບໍ່ເປັນລະບຽບຮຽບຮ້ອຍໃນຕົວເມືອງ ພ້ອມທັງກະກຽມໃຫ້ແກ່ການເປັນເຈົ້າພາບຈັດກອງປະຊຸມສຸດຍອດອາຊຽນ ແລະ ກອງປະຊຸມປິ່ນອ້ອມອື່ນໆທົ່ວສປປ ລາວ. ໃນນີ້ເທີບ-ເຫງີບ ມີຈໍານວນ 97 ລາຍການ ແລະ ປ້າຍໂຄສະນາຕ່າງໆ ມີຈໍານວນ 204 ປ້າຍ, ເຊິ່ງສ່ວນໃຫຍ່ແມ່ນບໍ່ໄດ້ຮັບອະນຸຍາດຈາກພາກສ່ວນທີ່ກ່ຽວຂ້ອງ.

May be an image of 4 people and text

ທ່ານໃຫ້ຮູ້ຕື່ມວ່າ: ສໍາລັບແຜນ ຫຼື ເປົ້າໝາຍໃນການຈັດຕັ້ງປະຕິບັດວຽກງານຮື້ຖອນເທີບ-ເຫງີບ ແລະ ປ້າຍໂຄສະນາຂອງພະແນກໂຍທາທິການ ແລະ ຂົນສົ່ງ ນະຄອນຫຼວງວຽງຈັນ ໂດຍເເນໃສ່ 9 ເມືອງຂອງນະຄອນຫຼວງວຽງຈັນ, ເຊິ່ງໄລຍະທໍາອິດແມ່ນໄດ້ເລີ່ມເຄື່ອນໄຫວຮື້ຖອນໃນຂອບເຂດ 7 ຕົວເມືອງໃນ ຄື : ເມືອງຈັນທະບູລີ, ໄຊເສດຖາ, ສີໂຄດຕະບອງ, ສີສັດຕະນາກ, ໄຊທານີ ແລະ ເມືອງຫາຍຊາຍຟອງຄາດວ່າ ຈະສູ້ຊົນຈັດຕັ້ງປະຕິບັດໃຫ້ສໍາເລັດຕາມແຜນການທີ່ວາງໄວ້.

ຂ່າວ-ພາບ: ບຸນຍັງ ພຸດສະຫວັດ, ກະຕ່າຍ ມາກໂນຊາ , ວສລ

ບົດຄວາມຫຼ້າສຸດ

ໃຊ້ AI ໃຫ້ເປັນປະໂຫຍດ ຊາຍຊາວອາເມລິການໍາໃຊ້ Chat GPT ໃນການສຸ່ມໂຕເລກເພື່ອຊື້ຫວຍ ຖືກລາງວັນ 100,000 ໂດລາ ຫຼື ປະມານ 2.1 ຕື້ກີບ

ເມື່ອບໍ່ດົນມານີ້ ກາຍເປັນກະແສດັງຢູ່ປະເທດອາເມຣິກາ ເມື່ອມີຊາຍຄົນໜຶ່ງ ອາຍຸ 45 ປີ ອາໄສຢູ່ທີ່ເມືອງ Wyandotte ຣັດ Michigan ສ.ອາເມລິກາ ໄດ້ຖືກຫວຍທ້ອງຖິ່ນ Powerball ພາຍຫຼັງນຳໃຊ້ປັນຍາປະດິດ...

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...

ຈະເປີດໃຫ້ບໍລິການໃນປີ 2030 ທາງລົດໄຟວຽງຈັນ-ໜອງຄາຍ ໂດຍຈະເລີ່ມລົງມືກໍ່ສ້າງໃນປີ 2027

ກອງ​ປະຊຸມ​ໄດ້​ຈັດ​ຂຶ້ນ​ຢູ່​ກະຊວງ​ໂຍທາ​ທິການ ​ແລະ ຂົນ​ສົ່ງ ​ແຫ່ງ ສປປ ລາວ ​ໃນ​ວັນ​ທີ 17 ຕຸລາ 2025 ​ເພື່ອ​ປຶກສາ​ຫາລື​ກ່ຽວ​ກັບ​ການ​ກໍ່ສ້າງ​ຂົວ​ທາງ​ລົດ​ໄຟ​ຂ້າມ​ແມ່ນ້ຳຂອງ​ແຫ່ງ​ໃໝ່. ກອງ​ປະຊຸມ​ຄັ້ງ​ນີ້​ໄດ້​ເປັນ​ປະທານ​ຮ່ວມ​ຂອງ​ທ່ານ ທ່ານ ຈັນທອນ...

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...