spot_img
Homeຂ່າວພາຍ​ໃນອັດຕະປື ກຽມຮັບຮອງເອົາວັດຫຼວງເມືອງເກົ່າ-ວັດທາດພະໄຊ ເປັນມໍລະດົກແຫ່ງຊາດ ລະດັບທ້ອງຖິ່ນ

ອັດຕະປື ກຽມຮັບຮອງເອົາວັດຫຼວງເມືອງເກົ່າ-ວັດທາດພະໄຊ ເປັນມໍລະດົກແຫ່ງຊາດ ລະດັບທ້ອງຖິ່ນ

Published on

ເມືອງພູວົງ ປຶກສາຫາລືກະກຽມຄວາມພ້ອມເຂົ້າຮ່ວມການສະເຫຼີມສະຫຼອງປະກາດວັດຫຼວງເມືອງເກົ່າ ເເລະ ວັດທາດພະໄຊ ເມືອງ ໄຊເສດຖາ ເປັນມໍລະດົກແຫ່ງຊາດ ລະດັບທ້ອງຖິ່ນ ຂອງເເຂວງ ອັດຕະປື.​

ວັນທີ 8 ມີຖຸນາ 2023 ນີ້ຢູ່ທີ່ສະໂມສອນຫ້ອງວ່າການເມືອງ ຈັດກອງປະຊຸມປຶກສາຫາລືກະກຽມການຄວາມພ້ອມເຂົ້າຮ່ວມສະເຫຼີມສະຫຼອງປະກາດວັດຫຼວງເມືອງເກົ່າ ເເລະ ວັດທາດພະໄຊ ເມືອງໄຊເສດຖາ ເປັນມໍລະດົກແຫ່ງຊາດ ລະດັບທ້ອງຖິ່ນ ຂອງເເຂວງອັດຕະປື.

ໂດຍພາຍໃຕ້ການເປັນປະທານຂອງ ທ່ານ ຄຳຊຽງ ພິມມະຈັນ ຄະນະປະຈຳພັກເມືອງ ຮອງເຈົ້າເມືອງ ຊີ້ນຳວຽກງານວັດທະນະທຳ-ສັງຄົມ ແລະ ພາກສ່ວນທີ່ກ່ຽວຂ້ອງ ເພື່ອເຂົ້າຮ່ວມຢ່າງພ້ອມພຽງ ວາລະກອງປະຊຸມໄດ້ພ້ອມກັນພັດປ່ຽນປະກອບຄຳເຫັນ ໃຫ້ສອດຄ່ອງກັບສະພາບຕົວຈິງຂອງເມືອງ ໃຫ້ແຕ່ລະພາກສ່ວນໄດ້ເອົາໃຈໃສ່ ໃນການກະກຽມຄວາມພ້ອມໃນການສົ່ງລາຍການປະກວດຕ່າງໆຂອງເມືອງ ເຊິ່ງຈະໄດ້ນຳໄປສະແດງໃນມື້ງານດັ່ງກ່າວນັ້ນ ຄະນະຮັບຜິດຊອບເເຕ່ລະຂັ້ນເມືອງ ຈະໄດ້ສົ່ງນາງສາວເຜົ່າ,​ ນັກຮ້ອງສຽງດີ,​ ລຳວົງລາວ,​ ອາຫານເທດສະການເມືອງ, ການສະແດງເປົ່າແຄນ,​ ກິດຈະກຳການຮ່ອນຄຳ,​ ການສົ່ງຄຳຂັວນ (ສະໂລແກນ),​ ກ້ອນກຳລັງຂອງເມືອງ,​ ນອກນັ້ນໃນກອງປະຊຸມກໍ່ໄດ້ມີການປະກອບຄຳຄິດຄຳເຫັນປຶກສາຫາລືກັນເພື່ອເປັນ ເອກະພາບໃຫ້ເປັນຂະບວນການຟົດຟື້ນ ດ້ວຍຄວາມເປັນເອກະພາບເພື່ອເປັນການອະນຸລັກ,​ ປົກປັກຮັກສາ ເສີມຂະຫຍາຍບັນດາຄຸນຄ່າທາງປັນຍາ,​ ມໍລະດົກວັດທະນະທຳ,​ ຮີດຄອງປະເພນີອັນດີງາມຂອງຊາດ.

ແຫຼ່ງຂ່າວ ຂ່າວເມືອງພູວົງເເຂວງອັດຕະປື

ບົດຄວາມຫຼ້າສຸດ

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...