spot_img
Homeຂ່າວພາຍ​ໃນຫຼວງພະບາງ ກະກຽມຈັດງານແຂ່ງຂັນຊວ່ງເຮືອ

ຫຼວງພະບາງ ກະກຽມຈັດງານແຂ່ງຂັນຊວ່ງເຮືອ

Published on

ວັນທີ 14 ກໍລະກົດ 2022ນີ້ ອົງການປົກຄອງເມືອງນ້ຳບາກ ແຂວງຫຼວງພະບາງ ໄດ້ຈັດກອງປະຊຸມປຶກສາຫາລື ກະກຽມຄວາມພ້ອມດ້ານຕ່າງໆ ໃນການຈັດງານແຂ່ງຂັນເຮືອຊວ່ງ ປະຈຳປີ 2022 ຢູ່ຫ້ອງປະຊຸມໃຫຍ່ຂອງເມືອງ.

ເພື່ອຮັບປະກັນເຮັດໃຫ້ ການຈັດງານບຸນແຂ່ງຂັນກິລາຊວ່ງເຮືອ ປະຈຳປີ ຂອງຊາວເມືອງນ້ຳບາກ ດຳເນີນໄປດ້ວຍບັນຍາກາດຟົດຟື້ນ, ມ່ວນຊື່ນ ແລະ ຮີດຄອງປະເພນີຂອງປະຊາຊົນບັນດາເຜົ່າ ທັງເປັນການດຶງດູດນັກທ່ອງທຽ່ວພາຍໃນ ແລະ ຕ່າງປະເທດ ໃຫ້ເຂົ້າມາທຽ່ວມາຊົມ.

ທ່ານ ວັນແພງ ອຸດທະວີສັກ ຫົວໜ້າຫ້ອງວ່າການເມືອງ ໄດ້ຜ່ານຮ່າງຂໍ້ຕົກລົງຂອງທ່ານເຈົ້າເມືອງນ້ຳບາກ ວ່າດວ້ຍການແຕ່ງຕັ້ງຄະນະຊີ້ນຳ ແລະ ອານຸກຳມະການຮັບຜິດຊອບ ຈັດງານແຂ່ງຂັນຊວ່ງເຮືອປະຈຳປີ 2022 ເຊີ່ງໄດ້ແຕ່ງຕັ້ງຄະນະຊີ້ນຳລວມ 10 ທ່ານ ແລະ ມີ 8 ອານຸກຳມະການໃຫຍ່ດັ່ງນີ້: ອານຸກຳມະການເນື້ອໃນ, ອານຸກຳມະການຮັບຜິດຊອບເສດຖະກິດ-ປຸກລະດົມທືນ, ອານຸກຳມະການ ພິທີການ-ສະຖານທີ-ປະດັບປະດາ-ຕິດຕັ້ງໂທລະໂຄ່ງ-ປະຊາສຳພັນ, ອານຸກຳມະ ການຮັບແຂກ, ອານຸກຳມະການຮັກສາສຸຂະພາບ, ອານຸກຳມະການປ້ອງກັນຄວາມສະຫງົບ, ອານຸກຳມະການຮັບຜິດຊອບການແຂ່ງຂັນຊວ່ງເຮືອ, ອານຸກຳມະການຮັບຜິດຊອບລົງຕະຫຼາດນັດ ແລະ ຮັກສາສີ່ງແວດລ້ອມ; ກອງປະຊຸມໄດ້ມີການປະກອບຄຳຄິດເຫັນຈາກຫົວໜ້າອານຸກຳມະການ, ອົງການປົກຄອງບ້ານ ເພື່ອຄວາມເປັນເອກະພາບກັນ ໃນການຈັດຕັ້ງປະຕິບັດວຽກງານຂອງແຕ່ລະອານຸກຳມະການ ເພື່ອໃຫ້ທວ່ງທັນກັບເວລາ ຄາດວ່າງານແຂ່ງຂັນຊ່ວງເຮືອປີນີ້ ຈະມີເຮືອເຂົ້າຮ່ວມແຂ່ງຂັນຊີງໄຊທັງໝົດ 10 ກວ່າລຳ; ງານດັ່ງກ່າວຈະໄດ້ຈັດຂື້ນໃນມື້ 15 ຄໍ່າເດືອນ 9 ເພັງ ກົງກັບວັນທີ 12 ສິງຫາ 2022 ທີ່ຈະມາເຖີງນີ້.

ຂ່າວ: ພອນສັກ ສິງດາລັກ(ນັກຂ່າວເມືອງນ້ຳບາກ)

ພາບ: ຄົນມັກທ່ຽວ

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...