spot_img
HomeBaby-ແມ່ແລະເດັກສານອາຫານບຳລຸງສະໝອງລູກໃນທ້ອງ ຄວນກິນຕັ້ງແຕ່ເລີ່ມຖືກພາ

ສານອາຫານບຳລຸງສະໝອງລູກໃນທ້ອງ ຄວນກິນຕັ້ງແຕ່ເລີ່ມຖືກພາ

Published on

ການກິນອາຫານສຳລັບແມ່ຍິງຖືພາ ເປັນເລື່ອງທີ່ສຳຄັນຫຼາຍ ເພາະອາຫານທີ່ແມ່ກິນນັ້ນ ຈະສົ່ງຜົນເຖິງລູກໂດຍກົງ, ດັ່ງນັ້ນ ແມ່ຍິງຖືພາ ຄວນເລືອກກິນອາຫານທີ່ໃຫ້ປະໂຫຍດຕໍ່ຮ່າງກາຍຂອງແມ່ ແລະລູກໃຫ້ເໝາະສົມ, ນອກນັ້ນ ແມ່ຍັງຕ້ອງກິນອາຫານທີ່ບຳລຸງສະໝອງລູກນ້ອຍ ເພາະສະໝອງຂອງລູກເປັນອະໄວຍະວະທີ່ສຳຄັນຫຼາຍ ເພາະເລີ່ມມີການພັດທະນາຕັ້ງແຕ່ຢູ່ໃນທ້ອງຂອງແມ່, ການທີ່ສະໝອງຈະເຮັດວຽກ ແລະຈະເລີນເຕີບໂຕໄດ້ດີນັ້ນ ອາຫານເປັນເລື່ອງສຳຄັນຫຼາຍ

  1. ໂປຣຕີນ: ຈະມີກົດອະມິໂນ ທີ່ເອີ້ນວ່າ ໄທໂຣຊີນ ກົດຊະນິດນີ້ ເມື່ອຮ່າງກາຍໄດ້ຮັບແລ້ວ ຈະເຮັດໃຫ້ສະໝອງມີຄວາມຕື່ນຕົວ ຊ່ວຍຫຼຸດອາການຊຶມເສົ້າ, ສານຊະນິດນີ້ຈະມີຊີ້ນສັດ, ອາຫານທະເລ ແລະໄຂ່
  2. ໂອເມກ້າ 3: ເຊວໃນສະໝອງຈະມີໄຂມັນດີປະກອບຢູ່່ນຳປະມານ 80% ດັ່ງນັ້ນແມ່ຄວນເລືອກອາຫານ ທີ່ບຳລຸງສະໝອງຂອງລູກ, ໂອເມກ້າ 3 ມີຫຼາຍໃນຊີ້ນປາ ໃນອາທິດໜຶ່ງຄວນເລືອກກິນອາຫານທີ່ມີຊີ້ນປາປະກອບນໍາຢ່າງໜ້ອຍ 3 ມື້
  3. ວິຕາມິນຊີ: ຈະຊ່ວຍໃຫ້ເຊວສະໝອງແຂງແຮງ, ມີສະມາທິດີ ມີການຕັດສິນໃຈທີ່ເດັດຂາດ ຊ່ວຍຫຼຸດການເສື່ອມສະພາບຂອງເຊວສະໝອງ, ວິຕາມິນຊີ ຊອກຫາໄດ້ຈາກຜັກ ແລະໝາກໄມ້ສົດ
  4. ວິຕາມິນບີ: ຈະຊ່ວຍເລື່ອງການບຳລຸງລະບົບປະສາດ ແລະສະໝອງໃຫ້ແຂງແຮງ, ວິຕາມິນບີ 12 ຈະຊ່ວຍເລື່ອງຄວາມຈຳ ມີຫຼາຍໃນຊີ້ນສັດເຊັ່ນ: ຊີ້ນໝູ, ນອກນັ້ນຍັງມີນຳຖົ່ວຊະນິດຕ່າງໆ ເຊິ່ງຄວນກິນໃຫ້ຫຼາຍກວ່າປົກກະຕິເຖິງ 2 ເທົ່າ ຈຶ່ງພຽງພໍສຳລັບແມ່ ແລະລູກນ້ອຍໃນທ້ອງ

ສຳລັບ ອາຫານທີ່ມີຄາໂບໄຮເດດສູງ ຫຼືອາຫານທີ່ມີໄຂມັນຫຼາຍ ໂດຍສະເພາະໄຂມັນອິ່ມຕົວນັ້ນ ບໍ່ຄວນກິນຫຼາຍ ເພາະມັນຈະໄປທຳລາຍເຊວສະໝອງ ຫຼືມັນຈະບໍ່ສົ່ງເສີມການພັດທະນາສະໝອງ ເຮັດໃຫ້ສະໝອງຈະເລີນເຕີບໂຕຊ້າ, ຖ້າຢາກໃຫ້ລູກສະຫຼາດຕັ້ງແຕ່ຢູ່ໃນທ້ອງ ແມ່ຄວນເລືອກກິນອາຫານທີ່ບຳລຸງສະໝອງເທົ່ານັ້ນຈະດີທີ່ສຸດ
ຕິດຕາມນານາສາລະ ກົດໄລຄ໌ເລີຍ!

ບົດຄວາມຫຼ້າສຸດ

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...