spot_img
Homeຂ່າວການພັດທະນາສະມາຄົມການທ່ອງທ່ຽວຂອງລາວ ແລະ ຫວຽດນາມ ລົງນາມຮ່ວມມື ຂະຫຍາຍຕະຫຼາດການທ່ອງທ່ຽວ

ສະມາຄົມການທ່ອງທ່ຽວຂອງລາວ ແລະ ຫວຽດນາມ ລົງນາມຮ່ວມມື ຂະຫຍາຍຕະຫຼາດການທ່ອງທ່ຽວ

Published on

SPS_0041-1-650x434

ສະມາຄົມການທ່ອງທ່ຽວ ແຂວງລາວກາຍ ແຫ່ງ ສສ.ຫວຽດນາມ ແລະ ສະມາຄົມການທ່ອງທ່ຽວ ແຂວງຫຼວງພະບາງ ໄດ້ລົງນາມຈັບມືກັນ ຂະຫຽາຍຕະຫຼາດການທ່ອງທ່ຽວ ຂຸດຄົ້ນ ແລະ ຊອກຫາຕະຫຼາດນັກທ່ອງທ່ຽວ ຈາກປະເທດທີ 3 ໃຫ້ໄດ້ມາທ່ຽວຊົມ ແລະ ຢ້ຽມຢາມ ຕາມແລວທາງທ່ອງທ່ຽວ ລະຫວ່າງ ໄທ-ຫຼວງພະບາງ-ອຸດົມໄຊ ສປປ.ລາວ ຫາ ດຽນບຽນ-ລາວກາຍ ສະປາ ສສ. ຫວຽດນາມ ແລະ ໄດ້ທ່ອງທ່ຽວໄປກັບ ສະມາຄົມການທ່ອງທ່ຽວ ແຂວງລາວກາຍ ສສ.ຫວຽດນາມ ແລະ ສະມາຄົມການທ່ອງທ່ຽວ ແຂວງຫຼວງພະບາງ ໃຫ້ເປັນເອກະພາບກັນ ໂດຍທັງສອງຝ່າຍໄດ້ພ້ອມກັນຈັດຕັ້ງປະຕິບັດ 4 ເນື້ອໃນຄື (1) ພ້ອມກັນຂຸດຄົ້ນ ແລະ ຊອກຕະຫຼາດນັກທ່ອງທ່ຽວ ຂອງປະເທດທີ 3 ແຕ່ ສະປາ ລາວກາຍ ສສ.ຫວຽດນາມ ຫາ ແຂວງອຸດົມໄຊ-ຫຼວງພະບາງ ແລະ ກັບຄືນຕາມຮູບແບບ ເຊິ່ງລາຍການທີ່ໄດ້ສັນຍາຕົກລົງກັນ ລະຫວ່າງ ບັນດາຫົວໜ່ວຍທຸລະກິດ ການທ່ອງທ່ຽວສອງຝ່າຍ ໂດຍໃຫ້ສອດຄ່ອງຕາມຂໍ້ກຳນົດ ກົດໝາຍຂອງແຕ່ລະປະເທດ (2) ມີຄວາມເປັນເອກະພາບກັນ ຜັນຂະຫຽາຍເນື້ອໃນ ໃຫ້ບັນດາຫົວໜ່ວຍທຸລະກິດ ໃນສະມາຄົມການທ່ອງທ່ຽວ ເພື່ອພ້ອມກັນສ້າງຜະລິດຕະພັນ ປະເພດຂອງທີ່ລະນຶກ ໃຫ້ມີຄວາມດຶງດູດແກ່ນັກທ່ອງທ່ຽວ ປະເທດທີ 3 ຮວມມີ ລາຍການ-ການທ່ອງທ່ຽວ ລາຄາ ແລະ ການບໍລິການເປັນເອກະພາບກັນ ສຳຫຼວດສຶກສາ ບັນດາແຫຼ່ງທ່ອງທ່ຽວ ໂດຍຜ່ານບັນດາຫົວໜ່ວຍທຸລະກິດ ໃນສະມາຄົມການທ່ອງທ່ຽວຝ່າຍລາວ ຊຸກຍູ້ສົ່ງເສີມຜະລິດຕະພັນ ທີ່ຈັບອົກຈັບໃຈໃຫ້ແກ່ນັກທ່ອງທ່ຽວ (3) ສອງຝ່າຍຈະໄດ້ພ້ອມກັນຄົ້ນຄວ້າ ລາຍງານໃຫ້ຂັ້ນເທິງພິຈາລະນາ ເພື່ອສ້າງເງື່ອນໄຂກ່ຽວກັບລະບຽບການ ຂັ້ນຕອນການນໍາເຂົ້ານັກທ່ອງທ່ຽວ ພາສີ ພາຫະນະຂົນສົ່ງນັກທ່ອງທ່ຽວ ພະນັກງານນໍາທ່ຽວ ບັນດາລະບຽບການ ແລະ ນິຕິກໍາ ທີ່ພົວພັນເຖິງການກະຕຸກຊຸກຍູ້ ຕະຫຼາດການທ່ອງທ່ຽວປະເທດທີສາມ ແລະ ເນື້ອໃນທີ (4) ສອງຝ່າຍຈະໄດ້ຜັນຂະຫຽາຍ ໃຫ້ຫົວໜ່ວຍທຸລະກິດທີ່ຂື້ນກັບ ສະມາຄົມການທ່ອງທ່ຽວ ຈັດຕັ້ງປະຕິບັດກິດຈະກໍາເພື່ອສົ່ງເສີມການທ່ອງທ່ຽວ ແນໃສ່ເພີ່ມທະວີການຂຸດຄົ້ນ ແລະ ຊອກຫາຕະຫຼາດການທ່ອງທ່ຽວ ປະເທດທີສາມຄື ຕ້ອງໄດ້ສໍາຫຼວດ ບັນດາການຊຸກຍູ້ສົ່ງເສີມ ໃຫ້ຫົວໜ່ວຍທຸລະກິດ ໃນສະມາຄົມການທ່ອງທ່ຽວ ເພື່ອພ້ອມກັນຜະລິດແຫຼ່ງທ່ອງທ່ຽວ ໃຫ້ຫົວໜ່ວຍທຸລະກິດ ມີສ່ວນຮ່ວມໃນການໂຄສະນາປະຊາສໍາພັນ ກະຕຸກຊຸກຍູ້ຕະຫຼາດການທ່ອງທ່ຽວ ແລະ ບັນດາແຫຼ່ງທ່ອງທ່ຽວ ເພື່ອສ້າງຄວາມຮັບຮູ້ກ່ຽວກັບຕະຫຼາດ ແລະ ຜະລິດຕະພັນ ເພື່ອດຶງດູດແຂກ ໃຫ້ມີຄວາມສົນໃຈການຕະຫຼາດ ແລະ ຜະລິດຕະພັນໃໝ່ ໂດຍໃຫ້ພາກສ່ວນທີ່ກ່ຽວຂ້ອງທັງສອງຝ່າຍ ຈັດຕັ້ງປະຕິບັດການສົ່ງເສີມ ການພົວພັນການທ່ອງທ່ຽວ ໃຫ້ມີປະສິດທິຜົນ.

ພິທີລົງນາມ ແມ່ນໄດ້ຈັດຂຶ້ນໃນວັນທີ 17 ທັນວາ 2015 ຜ່ານມານີ້ ທີ່ໂຮງແຮມໂຊກພັນຄໍາ ຕາງໜ້າທາງອໍານາດປົກຄອງ ແຂວງຫຼວງພະບາງ ລົງນາມໂດຍທ່ານ ບຸນທ່ຽງ ສຸລິວັນ  ປະທານສະມາຄົມການທ່ອງທ່ຽວແຂວງຫຼວງພະບາງ ກັບ ທ່ານ ຮ່າວັນຖັງ ຫົວໜ້າພະແນກວັດທະນະທໍາ-ກິລາ ແລະ ທ່ອງທ່ຽວ ແຂວງລາວກາຍ ສສ.ຫວຽດນາມ ມີທ່ານ ສຸລິທິບ ໜໍ່ຄູນຜົນ ຫົວໜ້າພະແນກຖະແຫຼງຂ່າວ ວັດທະນະທໍາ ແລະ ທ່ອງທ່ຽວ ແຂວງຫຼວງພະບາງ ມີຮອງຫົວໜ້າພະແນກ ບັນດາຂະແຫນງການທີ່ກ່ຽວຂ້ອງ ພ້ອມດ້ວຍຄະນະສະມາຄົມ ການທ່ອງທ່ຽວຂອງ 2 ແຂວງເຂົ້າຮ່ວມ.

 

ແຫລ່ງຂ່າວ:

ວຈທດ

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...