spot_img
Homeຂ່າວການພັດທະນາລາວເວີນ-ລັດວິສາຫະກິດລົດເມຮ່ວມກັນທົດລອງ ບໍລິການລົດໄຟຟ້າສາທາລະນະ

ລາວເວີນ-ລັດວິສາຫະກິດລົດເມຮ່ວມກັນທົດລອງ ບໍລິການລົດໄຟຟ້າສາທາລະນະ

Published on

ລັດວິສາຫະກິດລົດເມ ນະຄອນຫລວງວຽງຈັນ ຮ່ວມກັບ ບໍລິສັດລາວເວີນມະຫາຊົນ ຕົກລົງຮ່ວມມືທົດລອງ ບໍລິການຂົນສົ່ງລົດເມໄຟຟ້າ ສາທາລະນະພາຍໃນຕົວເມືອງ ເພື່ອພັດທະນາ ແລະ ຂະຫຍາຍເສັ້ນທາງບໍລິການມວນຊົນ ດ້ວຍລົດເມສາທາລະນະ ໃຫ້ນັບມື້ນັບເພີ່ມຂຶ້ນ ແນໃສ່ຫລຸດຜ່ອນການນໍາໃຊ້ລົດສ່ວນຕົວ ທັງເປັນການຫລຸດຜ່ອນ ບັນຫາການສັນຈອນແອອັດ ຕາມເສັ້ນທາງໃນຕົວເມືອງ. ພ້ອມນັ້ນ, ເພື່ອໃຫ້ມວນຊົນມີທາງເລືອກສະດວກສະບາຍ ໃນການເດີນທາງໄປມາ ແລະ ຊື້ສິນຄ້າຢູ່ສູນການຄ້າລາວໄອເຕັກ ເຊິ່ງບໍລິສັດລາວເວີນ ໄດ້ໃຫ້ການສະໜັບສະໜູນຂາຍລົດເມໄຟຟ້າຂະໜາດ 24 ບ່ອນນັ່ງ ຈໍານວນ 10 ຄັນໃຫ້ລັດວິສາຫະກິດລົດເມ ເພື່ອແລ່ນທົດລອງບໍລິການມວນຊົນ.

ໃນເບື້ອງຕົ້ນ ຈະແລ່ນເສັ້ນທາງຈາກສູນການຄ້າລາວ-ໄອເຕັກ ໄປຜ່ານທາດຫລວງ, ປະຕູໄຊ, ສະຖານີລົດເມ ລ້ຽວໄປຕາມທາງແຄມຂອງຖະໜົນເຈົ້າຟ້າງຸ່ມ ລ້ຽວກັບຢູ່ວິທະຍາໄລເຕັກນິກປາກປ່າສັກ ໄປຕາມຖະໜົນເສດຖາທິລາດ ຜ່ານສະຖານີລົດເມ ກັບຄືນເສັ້ນທາງເກົ່າ.

%e0%ba%a5%e0%ba%bb%e0%ba%94%e0%bb%84%e0%ba%9f%e0%ba%9f%e0%bb%89%e0%ba%b2
ພິທີລົງນາມຮ່ວມມືກັນ ລະຫວ່າງລັດວິສາຫະກິດລົດເມນະຄອນຫລວງ ແລະ ບໍລິສັດລາວເວີນມະຫາຊົນໄດ້ມີຂຶ້ນ ໃນວັນທີ 19 ຕຸລາ 2016 ນີ້ ຢູ່ນະຄອນຫລວງວຽງຈັນ ລະຫວ່າງທ່ານ ຄໍາພູນ ເຕເມລາດ ຜູ້ອໍານວຍການລັດວິສາຫະກິດລົດເມນະຄອນຫລວງ ແລະ ທ່ານ ວິສັນ ນະລົງສັກ ຮອງປະທານຜູ້ ອໍານວຍການບໍລິສັດລາວເວີນມະຫາຊົນ, ໂດຍມີທ່ານ ເດດສົງຄາມ ທໍາມະວົງ ຫົວໜ້າພະແນກໂຍທາທິການ ແລະ ຂົນສົ່ງນະຄອນຫລວງ, ພ້ອມດ້ວຍພາກສ່ວນກ່ຽວຂ້ອງສອງຝ່າຍເຂົ້າຮ່ວມ.

ຂ່າວ: ສຳນັກຂ່າວສານປະເທດລາວ
ຕິດຕາມຂ່າວເສດຖະກິດລາວ ກົດໄລຄ໌ເລີຍ!

ifram FBPictpost ຮູບພາບລາວໂພສຕ໌

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...