spot_img
Homeຂ່າວຕ່າງປະເທດລັດຟໍຣິດາພ້ອມຮັບມື "ພາຍຸເຮີຣິເຄນໄມເຄິລ" ແຮງສຸດໃນຮອບ 10 ປີ! ຄາດພັດຂຶ້ນຝັ່ງມື້ນີ້

ລັດຟໍຣິດາພ້ອມຮັບມື “ພາຍຸເຮີຣິເຄນໄມເຄິລ” ແຮງສຸດໃນຮອບ 10 ປີ! ຄາດພັດຂຶ້ນຝັ່ງມື້ນີ້

Published on

ທ່ານ ຣິດ ສະກ໊ອດ, ຜູ້ວ່າການລັດຟໍຣິດາ ປະເທດສະຫະລັດອາເມລິກາ ໄດ້ປະກາດເຕືອນໄພເຖິງປະຊາຊົນ ທີ່ອາໄສຢູ່ພື້ນທີ່ສ່ຽງໄພ 35 ເຂດ ໃນເມັກຊິໂກໃຫ້ເຝົ້າລະວັງ ແລະ ກຽມພ້ອມຮັບມືກັບພາຍຸເຮີຣິເຄນໄມເຄິລ ເຊິ່ງມີຄວາມຮຸນແຮງລະດັບ 1 ໂດຍຄາດວ່າຈະປັບຄວາມຮຸນແຮງເປັນລະດັບ 3 ມີກຳລັງແຮງລົມສູງສຸດ 209 ກິໂລແມັດ/ຊົ່ວໂມງ ຄາດວ່າຈະພັດຂຶ້ນຝັ່ງຟໍຣິດາ ໃນວັນພຸດທີ 10 ຕຸລາ 2018 (ມື້ນີ້) ໂດຍພາຍຸຫົວດັ່ງກ່າວຈະມີກຳລັງທຳລາຍລ້າງສູງທີ່ສຸດໃນຮອບ 10 ປີ ຄື້ນໃນທະເລຈະສູງເຖິງ 3.7 ແມັດ, ມີປະລິ ມານນ້ຳຝົນຫຼາຍເຖິງ 30 ຊັງຕີແມັດ ແລະ ໄດ້ສັ່ງອົບພະຍົບປະຊາຊົນປະມານ 120.000 ຄົນ ທີ່ອາໄສໃນເຂດພື້ນທີ່ສ່ຽງໄພ ແລະ ພື້ນທີ່່ຕ່ຳໄປຢູ່ສູນອົບພະຍົບຊົ່ວຄາວແລ້ວ; ນອກຈາກນີ້, ທາງຜູ່ວ່າການລັດຟໍລິດາຍັງໄດ້ກຽມກອງກຳລັງພິທັກມາຕຸພູມ 2.500 ຄົນເພື່ອຮັບມືກັບສະຖານະການທີ່ຈະເກີດຂຶ້ນ.

ດ້ານປະທານາທິບໍດີ ໂດນັລ ທຣ້ຳ ກ່າວກັບຜູ້ສື່ຂ່າວທີ່ທຳນຽບຂາວເມື່ອວັນທີ 9 ຕຸລາ 2018 ວ່າ ໄດ້ຕິດຕໍ່ກັບເຈົ້າໜ້າທີ່ ທີ່ກ່ຽວ ຂ້ອງກັບພາຍຸທີ່ກຳລັງເຄື່ອນຕົວເຂົ້າມາ ແລະ ກ່າວວ່າ ລັດຖະບານໃນນັ້ນຮວມເຖິງສຳນັກຈັດການພາວະສຸກເສີນກາງ ພ້ອມຮັບມືກັບສະຖານະການທີ່ກຳລັງຈະເກີດຂື້ນ.

ຮຽບຮຽງຂ່າວ: ບຸດສະດີ ສາຍນ້ຳມັດ
ແຫຼ່ງຂໍ້ມູນ: mgronline.comnews.ch7.com
ຮູບປະກອບຂ່າວ: twitter/National Hurricane CenterVerified account

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...