spot_img
Homeຂ່າວຕ່າງປະເທດມຽນມ້າ ກວດຍຶດເຮໂຣອິນກ່ວາ 200 ກິໂລ ມູນຄ່າ 20 ລ້ານໂດລາ ຢູ່ເຂດສາມຫລ່ຽມຄຳ

ມຽນມ້າ ກວດຍຶດເຮໂຣອິນກ່ວາ 200 ກິໂລ ມູນຄ່າ 20 ລ້ານໂດລາ ຢູ່ເຂດສາມຫລ່ຽມຄຳ

Published on

 

ທາງການມຽນມ້າ ກວດຍຶດເຮໂຣອິນນ້ຳໜັກລວມກ່ວາ 200 ກິໂລ ໄດ້ໃນເຂດສາມຫລ່ຽມຄຳ ແລະ ຈັບກຸມຊາຍ 3 ຄົນ

ພ້ອມອາວຸດປືນ ແລະ ເຄື່ອງຍິງລູກລະເບີດ.

 

ສຳນັກຂ່າວຕ່າງປະເທດລາຍງານ ໃນວັນທີ 2 ຕຸລານີ້ວ່າ ຕຳຫລວດຂອງມຽນມ້າ ໄດ້ກວດຍຶດຢາເສບຕິດໃນຄັ້ງນີ້ ມີມູນ

ຄ່າປະມານ 20 ລ້ານໂດລາ ໃນຕອນບ່າຍຂອງວັນອັງຄານທີ 30 ກັນຍາ 2014 ຜ່ານມາ ຢູ່ເມືອງໜຶ່ງຂອງລັດສານຕາເວັນ

ອອກ ຕິດກັບຊາຍແດນໄທ ເຊິ່ງເປັນສ່ວນໜຶ່ງໃນການປາບປາມຂະບວນການລັກລອບຄ້າຢາເສບຕິດຂ້າມປະເທດ.

 

ແຫລ່ງຂ່າວໄດ້ລະບຸວ່າ ຢາເສບຕິດທີ່ຍຶດໄດ້ທັງໝົດ ເປັນເຮໂຣອິນຫລາຍກ່ວາ 200 ກິໂລກຣາມ ຖືກອັດເປັນແທ່ງທັງ

ໝົດ 665 ແທ່ງ ເຊິ່ງຍຶດໄດ້ຈາກລົດບັນທຸກ ໂດຍທາງຕຳຫລວດຍັງສາມາດຈັບກຸມຊາຍ 3 ຄົນ ພ້ອມອາວຸດປືນອີກ 2

ກະບອກ ແລະ ຍັງມີເຄື່ອງຍິງລູກລະເບີດ ເອັມ79 ອີກ 1 ເຄື່ອງ.

 

ທັງນີ້ ເຂດສາມຫລ່ຽມຄຳ ເຊິ່ງຄວບຄຸມພື້ນທີ່ບາງສ່ວນຂອງລາວ, ໄທ ແລະ ມຽນມ້າ ເຄີຍເປັນໜຶ່ງໃນແຫລ່ງຜະລິດ

ຝິ່ນ ແລະ ເຮໂຣອິນຊັ້ນນຳຂອງໂລກ ຈົນກະທັງອັບການິດສະຖານ ໄດ້ພິກໂຕກັບຂຶ້ນມາເປັນສູນກາງທາງດ້ານຢາເສບ

ຕິດແທນໃນປັດຈຸບັນ.

 

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...