spot_img
Homeຂ່າວທ້ອງຖິ່ນພາຍຸໝູນເຂດຮ້ອນຈະເຄື່ອນທີ່ຜ່ານ ສປປ ລາວ ປະມານ 1 ຫາ 2 ຫົວ

ພາຍຸໝູນເຂດຮ້ອນຈະເຄື່ອນທີ່ຜ່ານ ສປປ ລາວ ປະມານ 1 ຫາ 2 ຫົວ

Published on

ຄາດຄະເນສະພາບອາກາດໃນໄລຍະເດືອນ ສິງຫາ ຫາ ຕຸລາ 2020 ລົມມໍລະສຸມຕາເວັນຕົກສຽງໃຕ້ຍັງຈະມີກລັງແຮງພັດປົກຄຸມພ້ອມດຽວກັນຈະມີພາຍຸພັດຜ່ານ ເຊິ່ງຈະເຮັດໃຫ້ມີຝົນຕົກໜັກພ້ອມມີລົມພັດແຮງ ແລະ ຈະເຮັດໃຫ້ເກີດດິນເຈື່ອນ, ນໍ້າຖ້ວມຊຸ ແລະ ນໍ້າຖ້ວມອັ່ງ ຢູ່ບາງທ້ອງຖິ່ນໂດຍສະເພາະຢູ່ແຂວງພາກກາງ ແລະ ພາກໃຕ້.

ອີງຕາມການພະຍາກອນຍາວນານຈາກສູນພະຍາກອນຂອງອົງການອຸຕຸນິຍົມໂລກ ຄາດຄະເນພາຍຸໝູນເຂດຮ້ອນຈະເຄື່ອນທີ່ຜ່ານ ສປປ ລາວ ປະມານ 1 ຫາ 2 ຫົວ ເຊິ່ງສ່ວນໃຫຍ່ຈະຜ່ານພາກກາງ ແລະ ພາກໃຕ້ ໃນໄລຍະວັນທີ 25 ກັນຍາ ຫາ ວັນທີ 3 ຕຸລາ 2020.

ໄລຍະກາງເດືອນສິງຫາ 2020 ບໍລິເວນຄວາມກົດດັນອາກາດຕໍ່າຈະປົກຄຸມຢູ່ທົ່ວທຸກພາກຂອງປະເທດລາວ ແລະ ສົມທົບກັບລົມມໍລະສຸມຕາເວັນຕົກສ່ຽງໃຕ້ພັດປົກຄຸມ ດ້ວຍກຳລັງປານກາງ ເຊິ່ງຈະເຮັດໃຫ້ອາກາດຮ້ອນ ແລະ ມີຝົນຕົກໃນລະດັບຄ່ອຍເປັນບໍລິ ເວນກວ້າງໃນແຕ່ລະພາກ ແລະ ຕົກໃນລະດັບປານກາງ ຫາໜັກຢູ່ບາງທອງຖິ່ນແຂວງພາກເໜືອ ແລະ ພາກກາງ ໂດຍສະເພາະວັນທີ 13 ຫາ 15 ສິງຫາ 2020. ໄລຍະທ້າຍເດືອນ ສິງຫາ 2020 ສະພາບຝົນໂດຍລວມຈະຝົນຕົກໜ້ອຍ ເຊິ່ງສ່ວນໃຫຍ່ຈະຕົກໃນລະດັບຄ່ອຍໃນແຕ່ລະພາກ ແລະ ຕົກໜັກເປັນບາງໄລຍະຢູ່ບາງທ້ອງຖິ່ນເຊັ່ນ: ໃນໄລຍະວັນທີ 27 ຫາ 28 ສິງຫາ 2020 ຈະມີຝົນຕົກໜັກຢູ່ເຂດພາກເໜືອ ແລະ ພາກກາງ.

ໃນໄລຍະທ້າຍເດືອນກັນຍາຈະມີພາຍຸພັດຜ່ານເຂດພາກກາງ ເຊິ່ງຈະເຮັດໃຫ້ມີຝົນຕົກໃນລະດັບຄ່ອຍ ຫາ ປານກາງເປັນບໍລິເວນ  ກ້ວາງ ແລະ ຕົກໜັກຢູ່ເຂດພາກເໜືອດ້ານຕາເວັນອອກ ລົງຫາ ພາກກາງ ແລະ ພາກໃຕ້ ໃນໄລຍະວັນທີ 25 ຫາ 30 ກັນຍາ 2020.

 

 

ຮຽບຮຽງຂ່າວ: ພດສະດີ

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...