spot_img
Homeຂ່າວພາຍ​ໃນພັກ-ລັດຖືສຳຄັນການພົວພັນຮ່ວມມືແບບພິເສດ ລາວ-ຫວຽດນາມ

ພັກ-ລັດຖືສຳຄັນການພົວພັນຮ່ວມມືແບບພິເສດ ລາວ-ຫວຽດນາມ

Published on

ທ່ານ ສະເຫລີໄຊ ກົມມະສິດ ລັດຖະມົນຕີ ກະຊວງການຕ່າງປະເທດ ຮອງປະທານ ​ແລະ ຜູ້ປະຈຳການຄະນະຊີ້ນຳລະດັບຊາດ ​ເພື່ອສະເຫລີມສະຫລອງ ປີມະຫາສາມັກຄີ ມິດຕະພາບລາວ-​ຫວຽດນາມ ໃຫ້ສຳພາດຕໍ່ສື່ມວນຊົນ ໃນວັນທີ 10 ມິຖຸນາ 2017 ທີ່ນະຄອນຫລວງວຽງຈັນນີ້​ວ່າ: ພັກ-​ລັດຖະບານ ຖືສຳຄັນການພົວພັນແບບພິ​ເສດ ແລະ ຮ່ວມມື​​ຮ່ວມຮອບດ້ານ ລະຫວ່າງສອງຊາດລາວ-​ຫວຽດນາມ ​ເຊິ່ງແມ່ນການພົວພັນກົດແຫ່ງການຄົງຕົວ ​ແລະ ຂະຫຍາຍຕົວຂອງພາລະກິດປະຕິວັດທັງເປັນການພົວພັນທີ່ເປັນມູນເຊື້ອ ໃນແຕ່ລະໄລຍະຂອງການຕໍ່ສູ້ກູ້ຊາດ ກໍຄືການຮ່ວມມືຊ່ວຍເຫລືອເຊິ່ງກັນ ​ແລະ ກັນ ​ໃນພາລະກິດປົກປັກຮັກສາ ​ແລະ ສ້າງສາປະເທດຊາດ​ເຖິງປັດຈຸບັນ.

ການສະເຫລີມສະຫລອງ ສອງວັນປະວັດສາດ ຄົບຮອບ 55 ປີ ຂອງການສ້າງຕັ້ງສາຍພົວພັນການທູດ ​ແລະ 40 ປີ ວັນເຊັນສົນທິສັນຍາມິດຕະພາບ ​ແລະ ການຮ່ວມມື ລະຫວ່າງສອງຊາດ ລາວ-​ຫວຽດນາມ 2017 ນີ້, ​ເປັນການຫວນຄືນມູນເຊື້ອ ​ແລະ ຜົນສຳເລັດ ​ໃນການຈັດຕັ້ງຜັນຂະຫຍາຍວຽກງານຮອບດ້ານທັງເປັນການສຶກສາອົບຮົມພະນັກງານນັກຮົບ ​ແລະ ປະຊາຊົນບັນດາເຜົ່າ ໃນທົ່ວປະເທດ ​ໂດຍສະເພາະຄົນຮຸ່ນໜຸ່ມ ​ໃຫ້ມີຄວາມຮັບຮູເຂົ້າໃຈ ສືບຕໍ່ປົກປັກຮັກສາ ​ແລະ ຜັນຂະຫຍາຍມູນເຊື້ອ ອັນດີງາມໃຫ້ຍືນຍົງ ພ້ອມນີ້ ຍັງເປັນການຢືນຢັນ​​ໃຫ້ທົ່ວໂລກ ໄດ້ຮັບຮູ້ ​​ເຖິງວ່າສະພາບການຂອງໂລກ ຈະມີການຜັນແປໄປຢ່າງໄວວາ ຍາກທີ່ຈະຄາດເດົາໄດ້ ​ແຕ່ສາຍພົວພັນອັນເປັນມູນເຊື້ອ ຄວາມສາມັກຄີພິເສດ ​ແລະ ການຮ່ວມມືຮອບດ້ານລະຫວ່າງສອງຊາດ ລາວ-​ຫວຽດນາມ ຍັງໝັ້ນຄົງຂະນົງແກ່ນ ​ແລະ ​ໄດ້ຮັບການຂະຫຍາຍຕົວຢ່າງບໍ່ຢຸດຢັ້ງ.

ໂອກາດນີ້ທ່ານ ສະເຫລີໄຊ ກົມມະສິດ ຍັງໄດ້ຍົກໃຫ້ເຫັນ ຜົນສຳເລັດອັນເປັນພື້ນຖານ ​ແລະ ພົ້ນ​ເດັ່ນ ຕະຫລອດໄລຍະ 55 ປີຜ່ານມາ ​ໂດຍສະເພາະດ້ານການເມືອງ ​ແລະ ຄວາມໝັ້ນຄົງເສດຖະກິດການຄ້າ ​ແລະ ການລົງທຶນ ລວມທັງການພົວພັນຮ່ວມມື ລະຫວ່າງສອງກະຊວງການຕ່າງປະເທດ ​ເຊິ່ງເຫັນວ່າມີຄວາມໃກ້ຊິດ ​ແລະ ມີປະສິດທິຜົນທີ່ສຸດຕະຫລອດມາ ​ໃນຖານະເປັນເສນາທິການ ໃຫ້ການນຳພັກ-​ລັດຂອງຕົນ ​ເພື່ອສົ່ງເສີມການພົວພັນຮ່ວມມື ລະຫວ່າງສອງປະເທດ ກໍຄືການພົວພັນຮ່ວມມືສອງຝ່າຍ ໃນເວທີສາກົນ ​ແລະ ພາກພື້ນອື່ນໆ​, ສິ່ງສຳຄັນສອງກະຊວງຍັງໄດ້ບັນລຸຂໍ້ຕົກລົງຮ່ວມມືກັນ ໃນໄລຍະ 2014-2020.

 

ຮຽບຮຽງຂ່າວໂດຍຣາຊະວົງ, ພາບປະກອບຂ່າວໂດຍສອນຄຳ

ບົດຄວາມຫຼ້າສຸດ

ເຂົ້າກັກໂຕທັນທີ! ເຈົ້າໜ້າທີ່ກັກໂຕໜຸ່ມລາວ ໃນຂໍ້ຫາມີພຶດຕິກຳໃຊ້ບັນຊີ ຮັບ-ຖອນເງິນ ໃຫ້ກຸ່ມສະແກມເມີ

ອີງຕາມການລາຍງານຈາກສຳນັກຂ່າວປະເທດໄທ, ເຈົ້າໜ້າທີ່ກວດຄົນເຂົ້າເມືອງໜອງຄາຍ ປະເທດໄທ ໄດ້ເຂົ້າກັກໂຕໜຸ່ມຄົນລາວ ທີ່ມີຊື່ວ່າ ທ ເຈມບອນ ອາຍຸ 31 ປີ ຢູ່ທີ່ດ່ານຊາຍແດນຂົວມິດຕະພາບລາວ-ໄທ ແຫ່ງທີ 1 ໃນວັນທີ...

ພິທີເປີດງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025 ຢ່າງເປັນທາງການ

ເປີດຂຶ້ນຢ່າງເປັນທາງການແລ້ວ ງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025. ມະຫະກຳກິລາ ແຫ່ງຊາດ ຄັ້ງທີ XII ຫຼື ນະຄອນຫຼວງວຽງຈັນເກມ ທີ່ນະຄອນຫຼວງວຽງຈັນ ເປັນເຈົ້າພາບ ໄດ້ເປີດຂຶ້ນຢ່າງເປັນທາງການ...

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...