spot_img
Homeຂ່າວພາຍ​ໃນປກສ ກັກຕົວ 2 ຄົນ ທີ່ຫາກໍອອກຈາກຄຸກໃນຂໍ້ຫາລັກຊັບ

ປກສ ກັກຕົວ 2 ຄົນ ທີ່ຫາກໍອອກຈາກຄຸກໃນຂໍ້ຫາລັກຊັບ

Published on

ເຈົ້າໜ້າທີ່ ປກສ ເມືອງສີໂຄດຕະບອງ ນວ ກັກຕົວທ້າວ ອຸທອນ ຫຼື ນຸ້ຍ ແລະທ້າວ ຈິນດາ ຫຼື ມືດ ເມືອງສີໂຄດຕະບອງ ນະຄອນຫຼວງວຽງຈັນ, ພາຍຫຼັງຊີງຊັບ (ລົດຈັກ) ໄປໄດ້ 3 ວັນ; ເຊິ່ງທັງ 2 ຄົນ ແມ່ນເຄີຍຖືກດັດສ້າງມາແລ້ວ 2 ປີ ໃນຂໍ້ຫາລັກຊັບພົນລະເມືອງ ແລະມີຢາເສບຕິດໄວ້ໃນຄອບຄອງ.

ພັທ ດາວວົງ ຫຸມມະວົງ ຫົວໜ້າພະແນກຕໍາຫຼວດ ປກສ ເມືອງສີໂຄດຕະບອງ ນວ ໃຫ້ຮູ້ວ່າ: ເຈົ້າໜ້າທີ່ ປກສ ເມືອງສີໂຄດຕະບອງ ໄດ້ຮັບແຈ້ງຄວາມຈາກຜູ້ເສຍຫາຍ ຢູ່ບ້ານໂນນຂີ້ເຫຼັກ ເມືອງສີໂຄດຕະບອງ ວ່າ: ເວລາ 00:40 ນາທີ ຂອງວັນທີ 24 ກຸມພາ 2023, ໄດ້ຂັບຂີ່ລົດຈັກມາແຕ່ບ່ອນເຮັດວຽກ ພໍຮອດເຂດບ້ານໂພນສົມບູນ ມີຊາຍ 2 ຄົນ ໄດ້ຂັບຂີ່ລົດຈັກມາຮຽງຂ້າງ ພ້ອມທັງ ບອກໃຫ້ຈອດ ແຕ່ຕົນເອງໄດ້ຂີ່ລົດລົບໜີ ເມື່ອຮອດໄຟແດງເຂດບ້ານໂພນສົມບູນ ຊາຍ 2 ຄົນກໍນຳທັນ ແລະ ດຶງເຂົາລົດເຮັດໃຫ້ລົດລົ້ມ ຈາກນັ້ນ ຊາຍ 1 ຄົນໄດ້ລົງມາຍາດເອົາລົດຈັກຂອງຕົນເອງ ປ້າຍເລກທະບຽນ ດຫ 6636 ກຳແພງນະຄອນ, ພ້ອມທັງ ຊັບສິນຢູ່ກ້ອງເບາະລົດແລ້ວຂັບຂີ່ລົບໜີໄປ ສ່ວນຜູ້ເສຍໄດ້ຮັບບາດເຈັບສົມຄວນ.

ພາຍຫຼັງໄດ້ຮັບແຈ້ງຄວາມ, ເຈົ້າໜ້າທີ່ ຈິ່ງໄດ້ສົມທົບກັບພາກສ່ວນກ່ຽວຂ້ອງລົງກວດກາສະຖານທີ່ເກີດເຫດ ແລະຕິດຕາມເປົ້າໝາຍສົງໄສຕາມຈຸດຕ່າງໆ. ມາຮອດວັນທີ 27 ກຸມພາ 2023, ກໍສາມາດກັກຕົວຜູ້ຖືກສົງໄສໄດ້ 2 ຄົນຄື: ທ້າວ ອຸທອນ ຫຼື ນຸ່ຍ ອາຍຸ 20 ປີ, ວ່າງງານ, ບ້ານໂນນຂີ້ເຫຼັກ ແລະ ທ້າວ ຈິນດາ ຫຼື ມືດ ອາຍຸ 32 ປີ, ວ່າງງານ, ບ້ານໂນນແກ້ວ ທັງສອງຄົນຢູ່ ເມືອງສີໂຄດຕະບອງ ນວ, ພ້ອມທັງ ເກັບກູ້ຂອງກາງລົດຈັກຄືນມາໄດ້.

ຜ່ານການສືບສວນ-ສອບສວນ ຂອງເຈົ້າໜ້າທີ່ ທ້າວ ອຸທອນ ຫຼື ນຸ່ຍ ໄດ້ຮັບສາລະພາບວ່າ: ຕົນເອງໄດ້ຮ່ວມກັບ ທ້າວ ຈິນດາ ຫຼື ມືດ ກໍ່ເຫດຍາດຊີງລົດຈັກ ປ້າຍເລກທະບຽນ ດຫ 6636 ກຳແພງນະຄອນແທ້ ແລະຜ່ານມາ ແມ່ນຖືກດັດສ້າງຢູ່ ປກສ ເມືອງສີໂຄດຕະບອງ 2 ປີ ໃນຂໍ້ຫາລັກຊັບພົນລະເມືອງ ແລະ ມີຢາເສບຕິດໄວ້ໃນຄອບຄອງ ຫຼັງຈາກພົ້ນໂທດອອກມາ ຈິງໄດ້ພາກັນມາຊີງຊັບ ເພື່ອນໍາໄປຂາຍແລ້ວນໍາເງິນມາແລ້ວໄດ້ໄປໃຊ້ຈ່າຍ.

ປັດຈຸບັນ ເຈົ້າໜ້າທີ່ ປກສ ເມືອງສີໂຄດຕະບອງ ກໍາລັງສືບຕໍ່ດໍາເນີນການ ສືບສວນ-ສອບສວນ ເພື່ອເປີດກ້ວາງຂະຫຍາຍຜົນຊອກຫາພວກຮ່ວມຂະບວນການ ມາດຳເນີນຄະດີຕາມຂັ້ນຕອນຂອງກົດໝາຍ; ສ່ວນລົດຈັກທີ່ເກັບກູ້ໄດ້ແມ່ນມອບໃຫ້ເຈົ້າຂອງແລ້ວ.

ແຫຼ່ງຂ່າວ ປກສ ນວ

ບົດຄວາມຫຼ້າສຸດ

ປະຫວັດ ທ່ານ ສຸຣິຍະ ຈຶງຮຸ່ງເຮືອງກິດ ຮັກສາການນາຍົກລັດຖະມົນຕີ ແຫ່ງຣາຊະອານາຈັກໄທ

ທ່ານ ສຸຣິຍະ ຈຶງຮຸ່ງເຮືອງກິດ ຮັກສາການນາຍົກລັດຖະມົນຕີ ແຫ່ງຣາຊະອານາຈັກໄທ ສຳນັກຂ່າວຕ່າງປະເທດລາຍງານໃນວັນທີ 1 ກໍລະກົດ 2025, ພາຍຫຼັງສານລັດຖະທຳມະນູນຮັບຄຳຮ້ອງ ສະມາຊິກວຸດທິສະພາ ປະເມີນສະຖານະພາບ ທ່ານ ນາງ ແພທອງທານ...

ສານລັດຖະທຳມະນູນ ເຫັນດີຮັບຄຳຮ້ອງ ຢຸດການປະຕິບັດໜ້າທີ່ ຂອງ ທ່ານ ນາງ ແພທອງ ຊິນນະວັດ ນາຍົກລັດຖະມົນຕີແຫ່ງຣາຊະອານາຈັກໄທ ເລີ່ມແຕ່ມື້ນີ້ເປັນຕົ້ນໄປ

ສານລັດຖະທຳມະນູນ ເຫັນດີຮັບຄຳຮ້ອງຢຸດການປະຕິບັດໜ້າທີ່ຂອງ ທ່ານ ນາງ ແພທອງທານ ຊິນນະວັດ ນາຍົກລັດຖະມົນຕີແຫ່ງຣາຊະອານາຈັກໄທ ຕັ້ງແຕ່ວັນທີ 1 ກໍລະກົດ 2025 ເປັນຕົ້ນໄປ. ອີງຕາມເວັບໄຊ້ຂ່າວ Channel News...

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 38 ປີ (26 ມິຖຸນາ 1987 -...

ສານຫວຽດນາມ ດຳເນີນຄະດີຜູ້ຕ້ອງສົງໃສພະນັກງານລັດ 41 ຄົນ ໃນຂໍ້ຫາສໍ້ລາດບັງຫຼວງ ສ້າງຄວາມເສຍຫາຍ 45 ລ້ານໂດລາ

ສານຫວຽດນາມໄດ້ເປີດການພິຈາລະນາຄະດີສໍ້ລາດບັງຫຼວງ ແລະ ຮັບສິນບົນ ມູນຄ່າ ເກືອບ 1,500 ລ້ານບາດ ຫຼື ປະມານ 45 ລ້ານໂດລາ. ສຳນັກຂ່າວຕ່າງປະເທດລາຍງານໃນວັນທີ 24 ມິຖຸນາ 2025,...