spot_img
Homeຂ່າວພາຍ​ໃນນັກກີລາເພາະກາຍລາວຍາດໄດ້ 1 ຫຼຽນທອງໃນການແຂ່ງຂັນເພາະກາຍຊິງແຊ້ມໂລກ ຄັ້ງທີ 10

ນັກກີລາເພາະກາຍລາວຍາດໄດ້ 1 ຫຼຽນທອງໃນການແຂ່ງຂັນເພາະກາຍຊິງແຊ້ມໂລກ ຄັ້ງທີ 10

Published on

ການແຂ່ງຂັນເພາະກາຍຊິງແຊ້ມໂລກ ຄັ້ງທີ 10 ຈັດຂຶ້ນທີ່ ຈັງຫວັດຊຽງໃໝ່ ປະເທດໄທ ໃນລະຫວ່າງວັນທີ 11-17 ທັນວາ 2018 ມີນັກກີລາເຂົ້າຮ່ວມການແຂ່ງຂັນທັງໝົດ 600 ຄົນ ຈາກ 51 ປະເທດ, ມີປະເພດການແຂ່ງຂັນທັງຫມົດ 51 ລຸ້ນ, ຊິງຫລຽນຄໍາ 51 ຫຼຽນ ,ຫຼຽນເງິນ 51 ຫຼຽນ ແລະ ຫຼຽນທອງ 51 ຫຼຽນ.

ປີນີ້ ສະຫະພັນກິລາເພາະກາຍແຫ່ງຊາດລາວ ໄດ້ສົ່ງນັກກີລາເຂົ້າຮ່ວມການແຂ່ງຂັນ 4 ຄົນ ຊາຍ 3 ຄົນ ຍິງ 1 ຄົນ ເຊິ່ງປະກອບມີ: ທ້າວ ສັນຕິສຸກ ດວງແກ້ວມະນີ, ທ້າວ ພຸດສະຫວັນ ສີຊົມພູ, ທ້າວ ທະວີສັກ ຊື່ນນະພາ ແລະ ນາງ ພອຍໄພລິນ ພັນທະລີ ເຊິ່ງໄດ້ລົງແຂ່ງຂັນທັງຫມົດ 5 ລຸ້ນ.

ການແຂ່ງຂັນໄດ້ປິດລົງຢ່າງເປັນທາງການໃນວັນທີ 16 ທັນວາ 2018 ທີ່ຜ່ານມາ ຖືໄດ້ວ່ານັກກີລາເພາະກາຍທີມຊາດລາວ ປະສົບຜົນສໍາເລັດເກີນຄາດ ສ້າງປະຫວັດສາດໃຫ້ວົງການເພາະກາຍແຫ່ງຊາດລາວ ໂດຍນາງ ພອຍໄພລິນ ພັນທະລີ ນັກກິລາຍິງ women’s model physique ຄວາມສູງ 160 cm ໄດ້ຫລຽນທອງ ເຊິ່ງເປັນຫຼຽນປະຫວັດສາດພ້ອມກັນນີ້ຍັງໄດ້ເປັນອັນດັບທີ 6 ຂອງໂລກໃນລຸ້ນ world women’s lady model physique ຈໍາກັດອາຍຸ 30-40 ປີ, ສ່ວນຜົນງານຂອງນັກກີລາຊາຍທັງ 3 ຄື: ທ້າວ ສັນຕິສຸກ ດວງແກ້ວມະນີ ນັກກິລາຊາຍ men’s sport physique ຄວາມສູງ 175 cm ໄດ້ອັນດັບທີ 4 ຂອງໂລກ; ທ້າວ ພຸດສະຫວັນ ສີຊົມພູ ນັກກິລາເພາະກາຍເຍົາວະຊົນ men’s bodybuilding ນໍ້າຫນັກ 75 kg ໄດ້ອັບດັບ 6 ຂອງໂລກ; ທ້າວ ທະວີສັກ ຊື່ນນະພາ ນັກກິລາເພາະກາຍລຸ້ນອາວຸໂສ men’s master bodybuilding 40-49 years ນໍ້າຫນັກ 80 kg ບໍ່ຜ່ານຮອບຄັດເລືອກ.

https://www.facebook.com/laobodybuilding/videos/1704497789577449/

 

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ ແລະ ຮູບປະກອບ: ສະຫະພັນກິລາເພາະກາຍແຫ່ງຊາດລາວ/Lao BBF

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...