spot_img
Homeຂ່າວເຫດການນະຄອນຫລວງວຽງຈັນ ກະກຽມຄວາມພ້ອມ ແກ່ກອງປະຊຸມໃຫຍ່ຄັ້ງທີ X ຂອງພັກ

ນະຄອນຫລວງວຽງຈັນ ກະກຽມຄວາມພ້ອມ ແກ່ກອງປະຊຸມໃຫຍ່ຄັ້ງທີ X ຂອງພັກ

Published on

_8880009 kampheng 1

ຂປລ. ປັດຈຸບັນ ວຽກ​ງານ​ການກະກຽມຄວາມ​ພ້ອມ ​​ເພື່ອຄຳນັບ​ຮັບ​ຕ້ອນ​ກອງປະຊຸມ​ໃຫຍ່ ຄັ້ງ​ທີ X ຂອງ​ພັກທີ່​ຈະ​ຈັດ​ຂຶ້ນ​ໃນທ້າຍ​ເດືອນນີ້ ​​ເຫັນ​ວ່າ​​ໄດ້ມີ​ຄວາມ​ພ້ອມ ​​ເກືອບ 100% ພາຍຫລັງ​ໄດ້​ກະກຽມ​ມາ​ແຕ່​ປີ 2015.

ທ່ານ ​ແກ້ວ​ພິລາ​ວັນ ອາ​ໄພ​ລາດ ຮອງ​ເຈົ້າ​ຄອງ​ນະຄອນຫລວງ​ວຽງຈັນ ​ໄດ້​ຖະ​ແຫລ​ງຂ່າວ ຕໍ່​ສື່​ມວນຊົນ ​ ໃນ​ວັນ​ທີ 5 ມັງກອນ 2016 ນີ້ວ່າ: ມາ​ຮອດ​ປັດຈຸບັນ ​ວຽກງານ​ການ​ກະກຽມ​ຄວາມ​ພ້ອມ ​​ ເພື່ອ​ຕ້ອນຮັບ​ກອງ​ປະຊຸມ​ໃຫຍ່​ ຄັ້ງ​ທີ X ຂອງ​ພັກ ​ແມ່ນມີ​ຄວາມ​ພ້ອມ​ໃນ​ຫລາຍ​ດ້ານ ​ໂດຍ​ສະ​ເພາະ​ວຽກ​ງານ​ການ​ໂຄສະນາ​ ​ແລະ ສ້າງ​ຂະ​ບວນການຕ່າງໆ ​​ເຊິ່ງ​ໄດ້​ຈັດ​ຕັ້ງ​ໂຄສະນາ-ປາຖະກະຖາ, ​ເລົ່າ​ມູນ​ເຊື້ອ, ປະຫວັດ​ຄວາມ​ເປັນ​ມາ, ມູນ​ເຊື້ອ​ການ​ຊີ້​ນຳ-ນຳພາ ອັນ​ສະຫລາດ​ສ່ອງ​​ໄສ​ຂອງ​ພັກ​ປະຊາຊົນ ປະຕິວັດ​ລາວ ​ແລະ ວັນ​ສຳຄັນ​ຕ່າງໆ​ຂອງ​ຊາດ, ຂອງ​ພັກ ຕິດ​ພັນ​ກັບ​ການຈັດ​ຕັ້ງ​ເຜີຍ​ແຜ່​ຜົນສຳ​ເລັດ​ ການຈັດ ​ຕັ້ງ​ປະຕິບັດ​ມະຕິ​ກອງ​ປະຊຸມ​ໃຫຍ່​ຄັ້ງ​ທີ IX ຂອງ​ພັກ ​ໃຫ້​ພະນັກງານ, ສະມາຊິກ​ພັກ, ກຳລັງ​ປະກອບ​ອາວຸດ ​ແລະ ປະຊາຊົນ​ບັນດາ​ເຜົ່າ​ທຸກ​ຊັ້ນ​ຄົນ. ນອກ​ນັ້ນ ຍັງ​ໄດ້​ປຸກລະດົມ​ໃຫ້​ທຸກ​ເມືອງ ​ແລະ ພະ​ແນ​ກ ການ ​ຕ່າງໆ​ອ້ອມ​ຂ້າງ​ນະຄອນຫລວງ​ວຽງ​ຈັນ ປະກອບສ່ວນ​ສ້າງ​ຂະ​ບວນການ​ຕ່າງໆ ​ເພື່ອ​ເຮັດ​ໃຫ້​ນະຄອນຫລວງ​ວຽງ​ຈັນ ​ເປັນ​ເມືອງ​ທີ່​ໜ້າ​ຢູ່, ມີ​ຄວາມ​ສະຫງົບ, ປອດ​ໄພ ​ແລະ ສະອາດ​ງາມ​ຕາ ​ເພື່ອ​ກຽມ​ຄວາມ​ພ້ອມ​ໃຫ້​ແກ່ ກອງປະຊຸມ​ໃຫຍ່​ຄັ້ງ​ທີ X ຂອງ​ພັກໃຫ້ປະສົບ​ຜົນສຳ​ເລັດ​ຢ່າງ​ຈົບງາມ.

ສຳລັບ ​ວຽກ​ງານ​ອະນາ​ໄມ ​ແລະ ​ປະດັບ​ປະດາ​ຕົວ​ເມືອງ, ນະຄອນຫລວງ​ວຽງ​ຈັນ ​ໄດ້​ເປັນ​ເຈົ້າ​ການ ​ແລະ ​ເຮັດ​ດ້ວຍ​ຄວາມ​ຮັບຜິດຊອບ​ສູງ ​ໂດຍ​ສະ​ເພາະ​ວຽກ​ງານ​ຕົບ​ແຕ່ງ​ປະດັບ​ປະດາ ທຸງຊາດ, ທຸງ​ພັກ, ທຸງ​ທີ​ວ ​ແລະ ວຽກ​ງານ​ຕິດ​ຕັ້ງປະດັບ​ປະດາ​ໄຟ​ເອ້​ທາງ, ​ໄຟ​ສະຫວ່າງ ​ແລະ ຕິດ​ປ້າຍ​ຄຳ​ຂວັນ ຕາມ​ໜ້າ​ບ້ານ, ທາງ​ຮ່ອມ, ທາງ​ຊອຍ, ປັບປຸງ​ຕີ​ເສັ້ນ, ທາສີ​ຂອບ​ທາງ​ຄືນ​ໃໝ່ ​ໃຫ້​ມີ​ຄວາມ​ສະອາດ​ງາມ​ຕາ. ນອກ​ນັ້ນຄະນະ​ປະຈຳພັກນະຄອນຫລວງ​ວຽງ​ຈັນ ​ໄດ້​ລົງ​ຊຸກຍູ້ ​ແລະ ຕິດຕາມ​ກວດກາ​ບັນດາ​ເມືອງ, ພະ​ແນ​ກການ, ອົງການ​ທຽບ​ເທົ່າ ​ໃຫ້​ເອົາ​ໃຈ​ໃສ່​ບັນດາ​ວຽກ​ງານ​ປ້ອງ​ກັນຊາ​ດ, ປ້ອງ​ກັນ​ຄວາມສະຫງົບ ​ເປັນ​ຕົ້ນ​ແມ່ນ​ການ​ປ້ອງ​ກັນ​ອັກຄີ​ໄພ, ປຸກລະດົມ​ພໍ່​ແມ່​ປະຊາຊົນ ປະກອບສ່ວນ​ເຂົ້າ​ຮ່ວມ​ຂະ​ບວນການ​ອອກ​ແຮງ​ງານ​ວັນ​ເສົາ​ແດງ ຢູ່​ບໍລິ​ເວນ​ທີ່​ຕົນ​ຮັບຜິດຊອບ ​ໃຫ້​ມີ​ຄວາມ​ສະອາດ​ງາມ​ຕາ ​ແລະ ອື່ນໆ.

ແຫລ່ງຂ່າວ:
ຂປລ

ບົດຄວາມຫຼ້າສຸດ

ໃຊ້ AI ໃຫ້ເປັນປະໂຫຍດ ຊາຍຊາວອາເມລິການໍາໃຊ້ Chat GPT ໃນການສຸ່ມໂຕເລກເພື່ອຊື້ຫວຍ ຖືກລາງວັນ 100,000 ໂດລາ ຫຼື ປະມານ 2.1 ຕື້ກີບ

ເມື່ອບໍ່ດົນມານີ້ ກາຍເປັນກະແສດັງຢູ່ປະເທດອາເມຣິກາ ເມື່ອມີຊາຍຄົນໜຶ່ງ ອາຍຸ 45 ປີ ອາໄສຢູ່ທີ່ເມືອງ Wyandotte ຣັດ Michigan ສ.ອາເມລິກາ ໄດ້ຖືກຫວຍທ້ອງຖິ່ນ Powerball ພາຍຫຼັງນຳໃຊ້ປັນຍາປະດິດ...

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...

ຈະເປີດໃຫ້ບໍລິການໃນປີ 2030 ທາງລົດໄຟວຽງຈັນ-ໜອງຄາຍ ໂດຍຈະເລີ່ມລົງມືກໍ່ສ້າງໃນປີ 2027

ກອງ​ປະຊຸມ​ໄດ້​ຈັດ​ຂຶ້ນ​ຢູ່​ກະຊວງ​ໂຍທາ​ທິການ ​ແລະ ຂົນ​ສົ່ງ ​ແຫ່ງ ສປປ ລາວ ​ໃນ​ວັນ​ທີ 17 ຕຸລາ 2025 ​ເພື່ອ​ປຶກສາ​ຫາລື​ກ່ຽວ​ກັບ​ການ​ກໍ່ສ້າງ​ຂົວ​ທາງ​ລົດ​ໄຟ​ຂ້າມ​ແມ່ນ້ຳຂອງ​ແຫ່ງ​ໃໝ່. ກອງ​ປະຊຸມ​ຄັ້ງ​ນີ້​ໄດ້​ເປັນ​ປະທານ​ຮ່ວມ​ຂອງ​ທ່ານ ທ່ານ ຈັນທອນ...

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...