spot_img
Homeຂ່າວຕ່າງປະເທດທ່ານ ໂຈ ໄບເດນ ກຽມໂຕໄປຢ້ຽມຢາມ ສ.ເກົາຫຼີໃຕ້ ແລະ ຢີ່ປຸ່ນ ເປັນຄັ້ງທໍາອິດ

ທ່ານ ໂຈ ໄບເດນ ກຽມໂຕໄປຢ້ຽມຢາມ ສ.ເກົາຫຼີໃຕ້ ແລະ ຢີ່ປຸ່ນ ເປັນຄັ້ງທໍາອິດ

Published on

ສໍານັກຂ່າຣອຍເຕີລາຍງານວ່າ ທ່ານ ໂຈ ໄບເດນ ປະທານາທິບໍດີສະຫະລັດອາເມຣິກາ ກຽມໂຕເດີນທາງໄປຢ້ຽມຢາມ ສ.ເກົາຫຼີໃຕ້ ແລະ ຢີ່ປຸ່ນ ໃນວັນທີ 20–24 ພຶດສະພາ ເພື່ອຊຸກຍູ້ການສ້າງພາກພື້ນອິນໂດ-ປາຊີຟິກ ທີ່ມີເສລີພາບ ແລະ ເປີດກວ້າງ,​ ພ້ອມທັງ​ເພີ່ມ​ທະວີ​ການ​ພົວພັນ​ກັບ​ສອງ​ປະ​ເທດ​ພັນທະ​ມິດ​ທີ່​ສຳຄັນ​ໃນ​ອາຊີ ເຊິ່ງຖືເປັນການເດີນທາງໄປ​ຢ້ຽມຢາມ​ພາກ​ພື້ນ​ດັ່ງກ່າວເປັນຄັ້ງ​ທຳ​ອິດ​ນັບຕັ້ງ​ແຕ່​ຂຶ້ນ​ຮັບ​ຕຳ​ແໜ່​ງປີ​ກາຍ​ນີ້.

ການເດີນທາງໄປເກົາຫລີໃຕ້ ແລະ ຢີ່ປຸ່ນ ມີຂຶ້ນທ່າມກາງສົງຄາມຢູເຄຣນ-ຣັດເຊຍ. ຄວາມກັງວົນກ່ຽວກັບອິດທິພົນຂອງຈີນຢູ່ໃນພາກພື້ນອິນໂດ-ປາຊີຟິກ ​ແລະ​ ເປົ້າ​ໝາຍ​ທາງດ້ານນິວ​ເຄລຍ ​ແລະ​ ຂີປະນາວຸດ​ຂອງ​ເກົາຫລີ​ເໜືອ.

ທ່ານ ນາງ ເຈນ ຊາກີ ໂຄສົກທຳນຽບຂາວ ກ່າວໃນຖະແຫຼງການວ່າ ການເດີນທາງ​ຢ້ຽມ​ຢາມ​ຄັ້ງ​ນີ້​ຈະ​ເນັ້ນ​ໜັກ​ເຖິງ​ຄວາມໝຸ້ງໝັ້ນ​ຂອງ​​ອຳ​ນາດ​ການ​ປົກ​ຄອງ​ຂອງ ທ່ານ ​ປະ​ທາ​ນາ​ທິ​ບໍ​ດີ ໂຈ ໄບເດນ ໃນ​ການ​ຊຸກ​ຍູ້​ພາກ​ພື້ນ​ອິນ-​ໂດ​ປາ​ຊີ​ຟິກ​ທີ່​ເສລີ ແລະ ເປີດ​ກວ້າງ ພ້ອມ​ທັງ​ສະໜັບສະໜູນ​ພັນທະ​ມິດ​ຂອງ​ສະຫະລັດ​ກັບ​ເກົາຫລີ​ໃຕ້ ​ແລະ ​ຍິປຸ່ນ.

ທ່ານ ​ນາງ ຊາກີ ກ່າວ​ວ່າ ທ່ານ ໂຈ ໄບເດນ ຈະ​ເຂົ້າ​ຮ່ວມກອງປະຊຸມລະຫວ່າງປະເທດ​ກັບ ທ່ານ ປະທານາທິບໍດີ​ຢຸນ ຊອກຢໍ ຜູ້ນໍາຄົນໃໝ່ຂອງເກົາຫລີ​ໃຕ້ ແລະ ທ່ານ ຟູມິໂອະ ນາຍົກລັດຖະມົນຕີຍິປຸ່ນ ​ເພື່ອ​ເພີ່ມ​ທະວີ​ຄວາມສໍາພັນ​ດ້ານ​ຄວາມ​ໝັ້ນຄົງ, ຊຸກຍູ້​ການ​ພົວພັນ​ດ້ານ​ເສດຖະກິດ ​ແລະ​ ເປີດ​ກວ້າງ​ການ​ຮ່ວມ​ມື​ຢ່າງ​ໃກ້​ຊິດ​ເພື່ອ​ສ້າງ​ໝາກຜົນ​ທີ່​ເປັນ​ຮູບປະທໍາ. ນອກນັ້ນ ທ່ານ ໂຈ ໄບເດນ ຍັງຈະເຂົ້າຮ່ວມກອງປະຊຸມສຸດຍອດຂອງກຸ່ມ Quad ເຊິ່ງປະກອບມີ: ສະຫະລັດ, ອິນເດຍ, ອົດສະຕາລີ ແລະ ຢີ່ປຸ່ນໃນກຸງໂຕກຽວ ໂດຍການບໍລິຫານຂອງ ທ່ານ ໂຈ ໄບເດນ ເບິ່ງວ່າເປັນພັນທະ​ມິດ​ຂອງ​ສີ່​ປະ​ເທດ​ປະຊາທິປະ​ໄຕ​ທີ່​ສຳຄັນ​ໃນ​ພາກ​ພື້ນ​ອິນ​ໂດ-​ປາ​ຊີ​ຟິກທີ່ຖືເປັນກະແຈ​ສຳຄັນທ່າມກາງ​ຄວາມ​ພະຍາຍາມ​​ເພື່ອ​ຕ້ານ​ອິດ​ທິພົນ​ຂອງ​ຈີນທີ່ເພີ່ມຂຶ້ນໃນພູມມີພາກ.

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...