spot_img
Homeຂ່າວທ້ອງຖິ່ນທຳລາຍສິນຄ້າຜິດກົດໝາຍ ມູນຄ່າ 250 ລ້ານກວ່າກີບ

ທຳລາຍສິນຄ້າຜິດກົດໝາຍ ມູນຄ່າ 250 ລ້ານກວ່າກີບ

Published on

ວັນທີ 15 ກໍລະກົດ 2016 ທີ່ສະໜາມກີລາຫຼັກ 4 ເມືອງໄກສອນ ພົມວິຫານ ໄດ້ຈັດພິທີທຳລາຍສິນຄ້າຜິດກົດໝາຍຫຼາຍລາຍການເຂົ້າຮ່ວມໃນພິທີມີທ່ານ ຄຳພູນ ຕຸໄພທູນ ຮອງເຈົ້າແຂວງສະຫວັນນະເຂດ, ຫົວໜ້າພະແນກອຸດສາຫະກຳ-ການຄ້າແຂວງ, ຫ້ອງການອຸດສາຫະກຳ-ການຄ້າເມືອງ ແລະພາກສ່ວນທີ່ກ່ຽວຂ້ອງເຂົ້າຮ່ວມ.

ທ່ານ ສີທົນ ນັນທະລາດ ຫົວໜ້າພະແນກອຸດສາຫະກຳ-ການຄ້າແຂວງ ໃຫ້ຮູ້ວ່າ: ເພື່ອປະຕິບັດຕາມພາລະບົດບາດ ໂດຍສະເພາະແມ່ນໜ່ວຍງານກວດກາການຄ້າ ໄດ້ເຄື່ອນໄຫວຕິດຕາມກວດກາການລັກລອບຈຳໜ່າຍສິນຄ້າຜິດກົດໝາຍ ເປັນຕົ້ນຈັກຕັດໄມ້, ອາວຸດລ່າສັດ, ເລົາປືນ, ມີດ-ດາບ, ເຄື່ອງຊັອດ, ເລົາປືນ ແລະອາວຸດທີ່ເປັນອັນຕາຍອື່ນໆ ທີ່ມີການລັກລອບນຳເຂົ້າ ແລະຈຳໜ່າຍຢູ່ຕາມຮ້ານຄ້າ, ໄລຍະຜ່ານມາສາມາດກວດຄົ້ນ ແລະຢຶດສິນຄ້າປະເພດຈັກຕັດໄມ້ຈຳນວນ 178 ເຄື່ອງ, ອາໄຫຼ່-ຊິ້ນສ່ວນ ປະກອບ(ດາບ, ໂສ້, ໃບເລື່ອຍ…) ໄດ້ຈຳນວຍຫຼາຍລາຍການ, ເຄື່ອງຊັອດໄຟ ຟ້າ 15 ເຄື່ອງ, ເລົາປືນ 23 ເລົາ, ລູກກົ່ວປືນແກັບ 30 ກິໂລກຼາມ ລວມເປັນມູນຄ່າທັງໝົດປະມານ 250 ລ້ານກວ່າກີບ.

ເວົ້າລວມແລ້ວ ການຢືດສິນຄ້າຜິດ ກົດໝາຍຕ່າງໆກໍ່ລ້ວນແລ້ວແຕ່ແມ່ນຄວາມເອົາໃຈໃສ່ຢ່າງໃກ້ຊິດຕິດແທດຂອງຂັ້ນເທິງ, ມີນິຕິກຳ, ຄຳສັ່ງ ແລະລະບຽບການຕ່າງໆເປັນບ່ອນອີງໃຫ້ແກ່ການຈັດຕັ້ງປະຕິບັດວຽກງານ, ນອກຈາກນັ້ນກໍແມ່ນຍ້ອນການຮ່ວມມືກັບທຸກພາກສ່ວນເປັນຢ່າງດີ ໂດຍສະເພາະແມ່ນປະຊາຊົນພົນລະເມືອງດີທີ່ໃຫ້ຂໍ້ມູນ ແລະແຫຼ່ງຂ່າວທີ່ເປັນປະໂຫຍດຈົນສາມາດກວດຄົ້ນ ແລະຢືດສິນຄ້າທີ່ຜິດກົດໝາຍ.

ທີ່ມາ: ເສດຖະກິດ-ສັງຄົມ

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...