spot_img
Homeຂ່າວພາຍ​ໃນທະນາຄານໂລກປະຈຳ ສປປ ລາວເຜີຍ ທຸລະກິດທີ່ບໍ່ຖືກລະບຽບໃນລາວເປັນບັນຫາຮ້າຍແຮງ

ທະນາຄານໂລກປະຈຳ ສປປ ລາວເຜີຍ ທຸລະກິດທີ່ບໍ່ຖືກລະບຽບໃນລາວເປັນບັນຫາຮ້າຍແຮງ

Published on

ທະນາຄານໂລກປະຈຳ ສປປ ລາວໄດ້ເຜີຍແຜ່ລາຍງານທີ່ລະບຸກ່ຽວກັບຜົນຮ້າຍຂອງການດຳເນີນທຸລະກິດທີ່ບໍ່ຖືກລະບຽບ ແລະ ລັດຂັ້ນລັດຕອນ ໂດຍໄດ້ດຳເນີນການສຳຫຼວດວິສາຫະກິດຕ່າງໆຢູ່ໃນ ສປປ ລາວ ໃນປີ 2016 ເຊິ່ງ 77% ຂອງວິສາຫະກິດທີ່ຖືກສຳຫຼວດເປີດເຜີຍວ່າ ຕົນເອງໄດ້ແຂ່ງຂັນກັບຫົວໜ່ວຍທຸລະກິດນອກລະບົບ ຫຼື ບໍ່ໄດ້ຂຶ້ນທະບຽນ.

ນອກນັ້ນ ອີກ 40% ຂອງວິສາຫະກິດທີ່ເຂົ້າຮ່ວມໃນການສຳຫຼວດບອກວ່າ ການປະຕິບັດທີ່ບໍ່ເປັນທາງການເປັນບັນຫາທີ່ຮ້າຍ ແຮງ ແລະ ອີກ 27% ບອກວ່າການປະຕິບັດທີ່ບໍ່ເປັນທາງການເປັນປັນຫາທີ່ຮ້າຍແຮງທີ່ສຸດ. ໃນບົດລາຍງານໄດ້ລະບຸບັນດາການປະຕິບັດທີ່ບໍ່ເປັນທາງການເຊິ່ງບໍລິສັດທີ່ມີຂະໜາດຂ້ອນຂ້າງໃຫຍ່ປະຕິບັດ ແລະ ກາຍເປັນອຸປະສັກຮ້າຍແຮງຕໍ່ການດຳເນີນທຸລະກິດ ໃນນັ້ນປະກອບມີ: ການຂຶ້ນທະບຽນວິສາຫະກິດທີ່ບໍ່ຄົບຖ້ວນ, ການຫຼົບຫຼີກອາກອນ, ການຫຼີກເວັ້ນກົດລະບຽບທີ່ສັບສົນ ຫຼື ຫຍຸ້ງຍາກ, ວັດທະທຳໂດຍລວມກ່ຽວກັບການບໍ່ປະຕິບັດຕາມລະບຽບ ເຊິ່ງທັງໝົດນີ້ ໄດ້ສົງຜົນກະທົບຫຼາຍດ້ານ ໂດຍສະເພາະຜົນໄດ້ຮັບທີ່ບໍ່ຍຸຕິທຳ ເມື່ອບໍລິສັດທີ່ບໍປະຕິບັດຕາມກົດລະບຽບກົດໝາຍ ບໍ່ຊຳລະອາກອນຢ່າງຖືກຕ້ອງ ຕັດລາຄາໃຫ້ຕໍ່າກວ່າບໍລິສັດທີ່ດຳເນີນການຖືກຕ້ອງຕາມລະບຽບ ແລະ ເຮັດໃຫ້ລັດສູນເສຍລາຍຮັບ. ໃນລາຍງານຍັງລະບຸອີກວ່າ ນອກຈາກຜົນກະທົບຂ້າງເທິງນັ້ນແລ້ວ, ການປະຕິບັດທີ່ບໍ່ເປັນທາງການໃນການດຳເນີນທຸລະກິດໃນລາວຍັງເປັນ “ຄວາມໜ້າອັບອາຍຂອງຊາດ” ທີ່ສ່ອງແສງໃຫ້ເໜັ້ນເຖິງປັນຫາໃນໄລຍະຍາວຂອງການສໍ້ລາດບັງຫຼວງ ແລະ ການປະຕິບັດລະບຽບກົດໝາຍທີ່ບໍ່ພຽງພໍ. ແນວໃດກໍຕາມ ບົດລາຍງານດັ່ງກ່າວໄດ້ມີຂໍ້ສະເໜີແນະວ່າ: ບໍ່ມີລູກປືນນັດດຽວທີ່ສາມາດລຶບລ້າງບັນຫານີ້ໄດ້ໃນທັນທີທັນໃດ ແຕ່ວ່າ ລັດສາມາດຈັດການວິທີແກ້ໄຂປັນຫາໄດ້ໂດຍສຸມໃສ່ດ້ານໃດດ້ານໜຶ່ງ ຫຼື ທັງໝົດ ເຊິ່ງຂໍ້ສະເໜີແນະດັ່ງກ່າວປະກອບມີ ຂໍ້ສະເໜີຕົ້ນຕໍ ທີ່ລະບຸວ່າ ລັດຄວນກຳນົດບູລິິມະສິດການບໍລິການຜ່ານປະຕູດຽວທີ່ມີປະສິດທິພາບ ແລະ ສາມາດປະຕິບັດໄດ້, ສ້າງຄວາມເຂັ້ມແຂງໃຫ້ລະບົບສ່ວນສາອາກອນ, ລຶບລ້າງ ຫຼື ປັບປຸງຫຼັກການທີ່ບໍ່ຈຳເປັນ ແລະ ສັບສົນຫຍຸ້ງຍາກ ແລະ ປູກຝັງຈິດສຳນຶກຂອງປະຊາຊົນໃຫ້ສະໜັບສະໜູນການດຳເນີນທຸລະກິດທີ່ຖືກຕ້ອງ ແລະ ເໝາະສົມ. ສ່ວນຂໍ້ແນະນຳສຳຮອງ ບົດລາຍງານລະບຸວ່າ ລັດຄວນປັບປຸງລະບົບການວິເຄາະ, ຕິດຕາມ, ປະເມີນຜົນກ່ຽວກັບກົດໝາຍໃນປັດຈຸບັນ ແລະ ດຳເນີນການປະຕິຮູບໃຫ້ດີຂຶ້ນ ແລະ ແລກປ່ຽນ-ນໍາໃຊ້ຂໍ້ມູນທີ່ທັນກັບກຳນົດເວລາ ແລະ ເຊື່ອຖືໄດ້.


ແຫລ່ງຂ່າວ : World Bank Laos – ທະນາຄານໂລກ

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...