spot_img
Homeຂ່າວເຫດການຕໍາຫລວດເຜີຍຄວາມເສຍຫາຍຈາກໄຟໄໝ້ສາງສິນຄ້າ ຢູ່ບ້ານດົງນາໂຊກເໜືອຫລາຍກວ່າ 3 ຕື້ກີບ

ຕໍາຫລວດເຜີຍຄວາມເສຍຫາຍຈາກໄຟໄໝ້ສາງສິນຄ້າ ຢູ່ບ້ານດົງນາໂຊກເໜືອຫລາຍກວ່າ 3 ຕື້ກີບ

Published on

ຮອງຫົວໜ້າພະແນກສະກັດກັ້ນ ແລະ ຕ້ານອັກຄີໄພ ນະຄອນຫຼວງວຽງຈັນ ທ່ານ ສີສຸວັງ ໄຊສຸເທບ, ໄດ້ລາຍງານໃຫ້ນັກຂ່າວພວກເຮົາຮູ້ໃນວັນທີ 18 ສິງຫານີ້ວ່າ: ພາຍຫລັງເກີດເຫດການໄຟໃໝ້ສາງເກັບມ້ຽນສີນຄ້າຂະໜາດໃຫຍ່ ຂອງບໍລິສັດຂົນສົ່ງດາວໃຈຢູ່ບ້ານດົງນາໂຊກເໜືອ, ເມືອງສີໂຄດຕະບອງ,ນະຄອນຫລວງວຽງຈັນຢ່າງຮຸນແຮງເມື່ອເວລາປະມານ 5 ໂມງເຊົ້າຂອງວັນທີ 2 ສິງຫາຜ່ານມານີ້, ເຈົ້າໜ້າທີ່ພວກເຮົາກໍໄດ້ເລັ່ງດໍາເນີນການສືບສວນ-ສອບສວນ ຫາສາເຫດຂອງໄຟໃໝ້ຄັ້ງນີ້ຢ່າງລະອຽດ, ຊຶ່ງໃນສາງແຫ່ງນີ້ມີສີນຄ້າຫລາກຫລາຍປະເພດ ເຊັ່ນ: ມີລົດບັນທຸກ 6 ຄັນ, ເຄື່ອງໄຟຟ້າ, ອຸປະກອນກໍ່ສ້າງ, ເຄື່ອງອຸປະໂພກ-ບໍລິໂພກ ແລະ ອື່ນໆ ແລະ ພົບວ່າສາເຫດໄຟໃໝ້ນີ້ແມ່ນເກີດຈາກໄຟຟ້າລັດວົງຈອນ, ຊຶ່ງພົບຫລັກຖານການເກີດໄຟຟ້າຊ໋ອດຢູ່ພາຍໃນຫ້ອງບັນຊີ-ການເງິນຂອງສາງດັ່ງກ່າວ ແລະ ສ້າງຄວາມເສຍຫາຍຫລາຍກວ່າ 3 ຕື້ກີບ.

ແນວໃດກໍຕາມ, ຈາກເຫດການສູນເສຍບໍເພິ່ງປາດຖະໜາດັ່ງກ່າວນີ້, ເຈົ້າໜ້າທີ່ຈຶ່ງເຕືອນໄປເຖິງບັນດາສຳນັກງານ, ອົງການ, ຕະຫຼອດຮອດປະຊາຊົນຈົ່ງເອົາໃຈໃສ່ຕິດຕາມກວດກາລະບົບໄຟຟ້າໃນສຳນັກງານ, ຫ້ອງການ ແລະເຮືອນຊານບ້ານຊ່ອງຂອງຕົນໃຫ້ດີ, ຖ້າຫາກເຫັນວ່າມີສະພາບເກົ່າແກ່ຊຸດໂຊມກໍໃຫ້ປ່ຽນຖ່າຍ ເພື່ອຫຼີກລ້ຽງຈາກການເກີດໄຟຊ໋ອດ ຫຼື ໄຟຟ້າລັດວົງຈອນໄດ້ງ່າຍ, ພ້ອມນັ້ນໃຫ້ມີສະຕິ ມອດຟືນໄຟໃຫ້ດີຫຼັງຈາກໃຊ້ງານແລ້ວ ເຊັ່ນ: ປັກສຽບ, ພັດລົມ, ແອ, ເຕົາອົບ, ເຕົາແກ໋ດ ແລະເຄື່ອງໃຊ້ໄຟຟ້າອື່ນໆ ເພື່ອຄວາມປອດໄພ ແລະສິ່ງສຳຄັນໜຶ່ງເມື່ອກໍ່ສ້າງອາຄານຕ່າງໆແມ່ນໃຫ້ປະຕິບັດຕາມຫຼັກການກໍຄືລະບຽບກົດໝາຍຂອງໜ່ວຍງານສະກັດກັ້ນ ແລະ ຕ້ານອັກຄີໄພຢ່າງເຂັ້ມງວດ, ໂດຍສະເພາະການຕິດຕັ້ງລະບົບດັບເພີງຄົບຊຸດຍິ່ງຈະເປັນການດີທີ່ສຸດ ເພື່ອສາມາດມອດໄຟໄດ້ທັນເວລາໃນເມື່ອມີໄຟໄຟ້າຊ໋ອດ ຫຼືອັກຄີໄພເກີດຂຶ້ນ.

ທີ່ມາ: ລາວພັດທະນາ

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...