spot_img
Homeຂ່າວພາຍ​ໃນຕຳຫຼວດ ນ.ວ ສ້າງຜົນງານ ນຳລົດໃຫຍ່ທີ່ຖືກລັກ ມອບຄືນແກ່ເຈົ້າຂອງເດີມ

ຕຳຫຼວດ ນ.ວ ສ້າງຜົນງານ ນຳລົດໃຫຍ່ທີ່ຖືກລັກ ມອບຄືນແກ່ເຈົ້າຂອງເດີມ

Published on

DSC_0606

 

ໃນວັນທີ 16 ກໍລະກົດນີ້ ຢູ່ຫ້ອງຕຳຫຼວດນະຄອນຫຼວງວຽງຈັນ, ໄດ້ມີພິທີມອບລົດຮຸນໄດ 9 ຄັນຄືນໃຫ້ຜູ້ເສຍຫາຍ

( ເຈົ້າຂອງເດີມ ) ພາຍຫຼັງຖືກກຸ່ມຄົນບໍ່ດີລັກໄປ ແລະ ເຈົ້າໜ້າທີ່ສາມາດເກັບກູ້ຄືນມາໄດ້, ກ່າວມອບໂດຍ ທ່ານ

ພັນໂທ ຄຳ ແພງ ໄຊຍະລາດ ຮອງຫົວໜ້າກອງບັນຊາ ການ ປກສ ນະຄອນຫຼວງວຽງ ຈັນ.

 

ເຈົ້າໜ້າທີ່ ໃຫ້ຮູ້ວ່າ: ໃນປີ 2013 ຫ້ອງຕຳຫຼວດ ປກສ ນະຄອນ ຫຼວງວຽງຈັນໄດ້ຮັບແຈ້ງມີລົດກະບະຮຸນໄດ ເສຍທັງ

ໝົດ 43 ຄັນ, ຈາກນັ້ນ ເຈົ້າໜ້າທີ່ສືບສວນ – ສອບສວນ ໄດ້ຂຶ້ນບັນຊີກຳນົດເປົ້າໝາຍແລ້ວໄດ້ສົມທົບກັບເຈົ້າໜ້າ

ທີ່ໜ່ວຍສະເພາະກິດຢູ່ກອງບັນຊາ ການ ປກສ ເມືອງ ໄຊເສດຖາ ຈັບເປົ້າໝາຍຄື: ທ້າວ ສຸກສະຫວັນ ຈັນທະເມືອງ

ຫຼື ເລ້ຕຸ້ຍ ອາຍຸ 22 ປີ ອາຊີບ ຫວ່າງງານ ຢູ່ບ້ານທົ່ງພານທອງ ເມືອງສີສັດຕະນາກ ຖືກກັກຕົວ ໃນວັນທີ 5 ມີນາ

2014, ທ້າວ ນາລິນ ສຸກຊະນະ ຫຼື ນ້ອຍ ອາຍຸ 33 ປີ ອາຊີບກຳມະກອນ ຢູ່ບ້ານ ໂພນທັນ ເມືອງສີສັດຕະນາກຖືກກັກ

ຕົວໃນວັນທີ 5 ມີນາ 2014, ທ້າວ ຈັນທະລັກ ສຸວັນນາ ຫຼື ຕ້ອມ ອາຍຸ 24 ປີ ອາຊີບ ສ້ອມແປງລົດ ຢູ່ບ້ານຊຽງດາ ເມືອງ

ໄຊເສດຖາ ຖືກກັກຕົວໃນວັນທີ 5 ມີນາ 2014, ທ້າວ ຄຳເກື່ອງ ສຸວັນນາ ອາຍຸ 55 ປີ ອາຊີບສ້ອມແປງລົດ ຢູ່ບ້ານຊຽງ

ດາ ເມືອງໄຊເສດຖາ ຖືກກັກຕົວໃນວັນທີ 5 ມີນາ 2014, ທ້າວ ເພັດດາວັນ ບັນດາສັກ ຫຼື ລິດ ອາຍຸ 20 ປີ ອາຊີບຫວ່າງ

ງານ ຢູ່ບ້ານຮ່ອງແກ ເມືອງໄຊເສດຖາ ຖືກກັກຕົວໃນ ວັນທີ 10 ພຶດສະພາ 2014 ແລະ ທ້າວ ວັນເວຫາ ລາດສົມບັດ ຫຼື

ຄຳ ອາຍຸ 42 ປີ ອາຊີບ ຫວ່າງງານ ຢູ່ບ້ານຫາດຊາຍຂາວ ເມືອງຫາດຊາຍຟອງ ນະຄອນຫຼວງວຽງຈັນ ຖືກກັກຕົວໃນວັນ

ທີ 20 ມີນາ 2014, ຜ່ານການສືບສວນ – ສອບສວນພວກກ່ຽວຮັບສາລະພາບວ່າ: ໃນທ້າຍປີ 2013 ຫາຕົ້ນປີ 2014 ໄດ້

ຮ່ວມກັນເຄື່ອນໄຫວລັກລົດໃຫຍ່ ປະເພດລົດກະບະຮຸນໄດຂອງປະຊາຊົນ ຢູ່ນະຄອນຫຼວງວຽງຈັນທັງ ໝົດ 8 ຄັນ, ລັກ

ລົດກະບະວີໂກ້ສີຂາວ ຢູ່ເຂດບ້ານໂພນທັນ ເມືອງໄຊເສດຖາ, ນະຄອນຫຼວງວຽງຈັນ 1 ຄັນ ແລະ ລັກເອົາລົດກະບະໄຮລັກ

ສີຂາວ ຢູ່ເຂດບ້ານໂພນພະເນົາ ເມືອງໄຊເສດຖາ 1 ຄັນ, ນອກນັ້ນຍັງລັກເອົາລົດກະບະຮຸນໄດ ຢູ່ບ້ານແສນອຸດົມ ເມືອງ

ປາກຊັນ ແຂວງບໍລິຄຳໄຊ 1 ຄັນ, ຊຶ່ງລວມທັງໝົດ 11 ຄັນ ທີ່ພວກກ່ຽວໄດ້ຮວມກັນເຄື່ອນໄຫວລັກ.

 

ທ່ານ ພັນຕີ ເກດສະໜາ ພິຈິດ ຮອງຫົວໜ້າພະແນກສືບສວນ – ສອບສວນນະຄອນຫຼວງ ວຽງຈັນໃຫ້ຮູ້ວ່າ: ຮູບການ

ແລະ ວິທີການລັກລົດຂອງພວກກ່ຽວສ່ວນຫຼາຍແມ່ນຕອນກາງຄືນແຕ່ 1 ໂມງ ຫາ 4 ໂມງເຊົ້າ, ແບ່ງງານກັນລົງມືຄັກ

ແນ່ຄື: ມີຜູ້ຕິດຕາມສະພາບ, ຜູ້ຂັບລົດ, ໂດຍໃຊ້ກຸນແຈພິເສດທີ່ປະດິດຂຶ້ນມາເອງ ໄຂປະຕູລົດແລ້ວຕິດຈັກລົດຂັບຂີ່

ອອກໄປ, ຊຶ່ງຈຸດພິເສດທີ່ຕັ້ງບ່ອນຈອດລົດທີ່ເສຍແຕ່ລະຄັນ, ສ່ວນຫຼາຍແມ່ນຈອດໄວ້ໜ້າເຮືອນ, ຮ້ານອາຫານ, ໜ້າ

ຮ້ານຂາຍເຄື່ອງທີ່ບໍ່ມີຮົ້ວອ້ອມ ພາຍຫຼັງພວກກ່ຽວລັກລົດໄດ້ແລ້ວ ກໍເອົາລົດໄປຂາຍຕາມຈຸດຕ່າງໆ ທັງຢູ່ນະຄອນຫຼວງ

ວຽງຈັນ ແລະ ຕ່າງແຂວງ.

 

ທ່ານ ພັນຕີ ເກດສະໜາ ໃຫ້ຮູ້ວ່າ: ປັດຈຸບັນເຈົ້າໜ້າທີ່ສາມາດເກັບກູ້ລົດໃຫຍ່ທັງໝົດ 11 ຄັນ ຄືນມາໄດ້ ໃນນີ້ໄດ້ມອບ

ລົດກະບະວີໂກ້ສີດຳ ແລະ ລົດກະບະໄຮລັກສີດຳ ຄືນໃຫ້ແກ່ເຈົ້າຂອງເດີມແລ້ວ, ສ່ວນລົດກະບະຮຸນໄດ 9 ຄັນ ແມ່ນໄດ້ມີ

ພິທີມອບໃນວັນທີ 16 ກໍລະກົດນີ້.

 

ສ່ວນລົດກະບະຮຸນໄດທີ່ຍັງບໍ່ສາມາດເກັບກູ້ມາໄດ້ອີກຈຳນວນ 34 ຄັນນັ້ນ ເຈົ້າໜ້າທີ່ຍັງສືບຕໍ່ຂຶ້ນເປົ້າໝາຍ ແລະ ຈັບ

ຕົວຜູ້ກະທຳຜິດມາດຳເນີນຄະດີໃຫ້ໄດ້.

 

ແຫຼ່ງຂ່າວ: ໜັງສືພິມລາວພັດທະນາ

ບົດຄວາມຫຼ້າສຸດ

ໃຊ້ AI ໃຫ້ເປັນປະໂຫຍດ ຊາຍຊາວອາເມລິການໍາໃຊ້ Chat GPT ໃນການສຸ່ມໂຕເລກເພື່ອຊື້ຫວຍ ຖືກລາງວັນ 100,000 ໂດລາ ຫຼື ປະມານ 2.1 ຕື້ກີບ

ເມື່ອບໍ່ດົນມານີ້ ກາຍເປັນກະແສດັງຢູ່ປະເທດອາເມຣິກາ ເມື່ອມີຊາຍຄົນໜຶ່ງ ອາຍຸ 45 ປີ ອາໄສຢູ່ທີ່ເມືອງ Wyandotte ຣັດ Michigan ສ.ອາເມລິກາ ໄດ້ຖືກຫວຍທ້ອງຖິ່ນ Powerball ພາຍຫຼັງນຳໃຊ້ປັນຍາປະດິດ...

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...

ຈະເປີດໃຫ້ບໍລິການໃນປີ 2030 ທາງລົດໄຟວຽງຈັນ-ໜອງຄາຍ ໂດຍຈະເລີ່ມລົງມືກໍ່ສ້າງໃນປີ 2027

ກອງ​ປະຊຸມ​ໄດ້​ຈັດ​ຂຶ້ນ​ຢູ່​ກະຊວງ​ໂຍທາ​ທິການ ​ແລະ ຂົນ​ສົ່ງ ​ແຫ່ງ ສປປ ລາວ ​ໃນ​ວັນ​ທີ 17 ຕຸລາ 2025 ​ເພື່ອ​ປຶກສາ​ຫາລື​ກ່ຽວ​ກັບ​ການ​ກໍ່ສ້າງ​ຂົວ​ທາງ​ລົດ​ໄຟ​ຂ້າມ​ແມ່ນ້ຳຂອງ​ແຫ່ງ​ໃໝ່. ກອງ​ປະຊຸມ​ຄັ້ງ​ນີ້​ໄດ້​ເປັນ​ປະທານ​ຮ່ວມ​ຂອງ​ທ່ານ ທ່ານ ຈັນທອນ...

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...