ໜ້າທຳອິດ Tags ຍີ່ປຸ່ນ

ໂຄດ​ຄໍາ​ສັ່ງ: ຍີ່ປຸ່ນ

ລັດຖະບານຍີ່ປຸ່ນກຽມອອກມາດຕະການກະຕຸ້ນເສດຖະກິດຄັ້ງໃຫຍ່

ຄະນະລັດຖະມົນຕີຍີ່ປຸ່ນອະນຸມັດມາດຕະການກະຕຸ້ນເສດຖະກິດຄັ້ງໃຫຍ່ທີ່ສຸດໃນຮອບ 3 ປີ ຊຶ່ງມີມູນຄ່າສູງກວ່າ 26 ລ້ານລ້ານເຢນ, ຄອບຄຸມທັງດ້ານອຸປະໂພກ-ບໍລິໂພກ, ການຫຼຸດຜົນກະທົບຈາກການຂຶ້ນພາສີຜູ້ບໍລິໂພກ ແລະ ຈາກສົງຄາມການຄ້າ. ທ່ານ ຊິນໂຊະ ອາເບະ ນາຍົກລັດຖະມົນຕີຂອງຍີ່ປຸ່ນລະບຸວ່າ: ມາດຕະການກະຕຸ້ນເສດຖະກິດຄັ້ງໃຫຍ່ນີ້ກໍເພື່ອຊ່ວຍຮັບມືກັບຄວາມສ່ຽງຂອງເສດຖະກິດຂາລົງ, ນີ້ເປັນມາດຕະການກະຕຸ້ນເສດຖະກິດຂອງຍີ່ປຸ່ນຄັ້ງສຳຄັນໃນຮອບ 3 ປີ, ຈຸດປະສົງກໍເພື່ອເປັນງົບປະມານພິເສດສຳລັບການຟື້ນຟູບູລະນະຈາກເຫດໄພພິບັດທາງທຳມະຊາດທີ່ເກີດຂຶ້ນຫຼາຍຄັ້ງໃນປີນີ້. ທັງນີ້ ກໍຖືເປັນການກຽມພ້ອມລ່ວງໜ້າຕໍ່ຄວາມສ່ຽງຈາກເສດຖະກິດທີ່ຢຸດນິ້ງຈາກຜົນກະທົບ ຂອງສົງຄາມການຄ້າລະຫວ່າງອາເມ ຣິກາ-ຈີນ ແລະ ການຂຶ້ນພາສີຜູ້ບໍລິໂພກຂອງຍີ່ປຸ່ນເມື່ອເດືອນຕຸລາຜ່ານມາ. ມາດຕະການກະຕຸ້ນເສດຖະກິດນີ້ນອກຈາກມີມູນຄ່າສູງແລ້ວຍັງຄອບຄຸມໃນຫຼາຍເລື່ອງດັ່ງນີ້: ເສີມຄວາມໝັ້ນຄົງໂຄງສ້າງພື້ນຖານເຊັ່ນ:...

ສະພາກີລາຍີ່ປຸ່ນເຜີຍ… ສຳເລັດການກໍ່ສ້າງສະໜາມກີລາໂອລິມປິກ 2020

ສຳເລັດຢ່າງເປັນທາງການແລ້ວພາຍຫຼັງກໍ່ສ້າງດົນເຖິງ 3 ປີສຳລັບໂຕກຽວໂອລິມປິກສະເຕດຽມ 2020, ສ້າງສຳເລັດແລ້ວ, ໂດຍໃຊ້ງົບ 1.400 ລ້ານໂດລາ ຊຶ່ງໜ້ອຍກວ່າງົບທີ່ລັດຖະບານຕັ້ງເປົ້າໄວ້. ສະພາການກີລາຍີ່ປຸ່ນໄດ້ເປີດເຜີຍເມື່ອຕົ້ນອາທິດຜ່ານມວ່າ: ສະໜາມກີລາແຫ່ງຊາດແຫ່ງໃໝ່ຊຶ່ງຈະໃຊ້ເປັນສະຖານທີ່ຈັດງານມະ ຫະກຳໂຕກຽວໂອລິມປິກ 2020 ໄດ້ສ້າງສຳເລັດ 100% ແລ້ວຫຼັງຈາກທີ່ໃຊ້ເວລາກໍ່ສ້າງເກືອບ 3 ປີນັບແຕ່ຊ່ວງເດືອນທັນວາ 2016. ລາຍງານຂ່າວດຽວກັນລະບຸອີກວ່າ: ການກໍ່ສ້າງໂອລິມປິກສະເຕດຽມແຫ່ງໃໝ່ນີ້ໃຊ້ງົບປະມານໃນການກໍ່ສ້າງທັງໝົດ 1.400 ລ້ານໂດລາ, ສູງກວ່າທີ່ຄາດການໄວ້ເນື່ອງຈາກການປ່ຽນແປງຂອງລາຄາວັດສະດຸກໍ່ສ້າງ ແລະ ຕົ້ນທຶນແຮງງານ,...

ຮອງປະທານປະເທດໄດ້ຮັບຫຼຽນລະດັບຊາດຈາກຈັກກະພັດຂອງຍີ່ປຸ່ນ

ໃນວັນທີ 7 ພະຈິກ 2019 ນີ້, ຢູ່ສຳນັກພຣະຣາຊະວັງຍີ່ປຸ່ນ, ທ່ານ ພັນຄຳ ວິພາວັນ ຮອງປະທານປະເທດແຫ່ງສາທາລະນະລັດ ປະຊາທິປະໄຕ ປະຊາຊົນລາວ ໄດ້ເຂົ້າຮັບຫຼຽນ "Grand Cordon of the Order of the Rising Sun" ຈາກເຈົ້າຈັກກະ ພັດ...

ໄຟໄໝ້ພະຣາຊະວັງຊູຣິ… ມໍລະດົກໂລກ 600 ປີຂອງຍີ່ປຸ່ນ

ເກີດເຫດໄຟໄໝ້ພະຣາຊະວັງຊູຣິ ຊຶ່ງເປັນມໍລະດົກໂລກທີ່ເກົ່າແກ່ສະໄໝອານາຈັກຣິວກິວທີ່ຕັ້ງຢູ່ເທິງເກາະໂອກິນາວາ ປະເທດຍີ່ປຸ່ນ. ສຳນັກຂ່າວເອັນເອຊລາຍງານໃຫ້ຮູ້ວ່າ: ເມື່ອເວລາປະມານ 02:04 ໂມງ (ຕາມເວລາທ້ອງຖິ່ນ) ໄດ້ເກີດເຫດໄຟໄໝ້ຢູ່ໂຊນຫ້ອງໂຖງດ້ານຫຼັງ ແລະ ອາຄານອ້ອມຮອບຂອງພະຣາຊະວັງຊູຣິທີ່ມີອາຍຸເກົ່າແກ່ກວ່າ 600 ປີ. ລາຍງານຂ່າວດຽວກັນລະບຸອີກວ່າ: ເຈົ້າໜ້າທີ່ດັບເພີງທ້ອງຖິ່ນຂອງເມືອງນາຮາໄດ້ຮັບແຈ້ງ ເຫດໄຟໄໝ້ຈຶ່ງຮີບໄປບ່ອນເກີດເຫດພ້ອມລົດດັບເພີງຫຼາຍກວ່າ 30 ຄັນ, ທັງນີ້ ໄຟໄດ້ລຸກໄໝ້ດົນກວ່າ 2 ຊົ່ວໂມງ, ໃນນັ້ນ ໄດ້ເຜົາທຳລາຍອາຄານຢ່າງໜ້ອຍ 6 ຫຼັງພາຍໃນພະຣາຊະວັງ...

ເລັ່ງຈັບຕົວໂຈນປຸ້ນເພັດນໍ້າໜັກ 50 ກາຣັດກາງງານວາງສະແດງທີ່ຍີ່ປຸ່ນ

ເຈົ້າໜ້າທີ່ຕຳຫຼວດຍີ່ປຸ່ນເລັ່ງຫາຕົວຄົນຮ້າຍທີ່ຂີ້ລັກເພັດນໍ້າໜັກ 50 ກາຣັດ ມູນຄ່າ 200 ລ້ານເຢນໃນງານວາງສະແດງເຄື່ອງປະ ດັບ Pacifico Yokohama ໃນເມືອງໂຢໂກຮາມ່າເມື່ອອາທິດທີ່ຜ່ານມາ. ລາຍງານຂ່າວລະບຸວ່າ ຈາກການສອບປາກຄຳເຈົ້າໜ້າທີ່ໃນງານວາງສະແດງສັງເກດເຫັນຜູ້ຕ້ອງສົງໄສໃນເວລາປະມານ 5 ໂມງ ແລງ, ຫຼັງຈາກນັ້ນກໍປາກົດວ່າມີເພັດເສຍ ຊຶ່ງກວດພົບວ່າລ໋ອກຂອງຕູ້ຈັດສະແດງຖືກປົດ, ດັ່ງນັ້ນ ເຈົ້າໜ້າທີ່ຈຶ່ງສັນນິຖານວ່າໜ້າຈະເປັນສີມືຂອງໂຈນ. ທັງນີ້ ເພັດທີ່ຫາຍໄປນັ້ນເປັນຂອງບໍລິສັດຄ້າເພັດແຫ່ງໜຶ່ງໃນຍີ່ປຸ່ນ, ຊຶ່ງຖືກລັກໄປພຽງເມັດດຽວເທົ່ານັ້ນ.           ຮຽບຮຽງ: ເພັງະສຫວັນ ຮູບພາບ: posttoday

ຈີນຈັບອາຈານມະຫາວິທະຍາໄລຍີ່ປຸ່ນຂໍ້ຫາເປັນສາຍລັບ!!

ທ່ານ ໂຢຊິຮິເດະ ສຶງະ ໂຄສົກລັດຖະບານຍີ່ປຸ່ນອອກມາເປີດເຜີຍເມື່ອວັນທີ 21 ຕຸລາຜ່ານມາໂດຍຢືນຢັນວ່າມີຊາຍຊາວຍີ່ປຸ່ນອາຍຸປະມານ ຖ0 ປີຖືກທາງການຈີນກັກຕົວເມື່ອເດືອນກັນຍາຜ່ານມາ ອັນເນື່ອງມາຈາກການລະເມີດກົດໝາຍຂອງ ສປ ຈີນ ຢ່າງໃດກໍຕາມ ໂຄສົກລັດຖະບານຍີ່ປຸ່ນກໍບໍ່ໄດ້ເປີດເຜີຍກ່ຽວກັບລາຍລະອຽດໃດໆເພີ່ມເຕີມ. ການຢືນຢັນຂອງໂຄສົກລັດຖະບານຍີ່ປຸ່ນມີຂຶ້ນພາຍຫຼັງສື່ຫຼາຍສຳນັກລາຍງານວ່າມີອາຈານມະຫາວິທະຍາໄລຮັອກໄກໂດຂອງຍີ່ປຸ່ນຖືກທາງການຈີນກັກຕົວໃນຂໍ້ຫາໂຈລະກຳຂໍ້ມູນທາງການຈີນ ໂດຍລາຍງານລະບຸວ່າ ຊາຍຄົນດັ່ງກ່າວທີ່ບໍ່ໄດ້ມີການເປີດເຜີຍຊື່ເຄີຍເຮັດວຽກໃຫ້ກັບສະຖາບັນເພື່ອການສຶກສາດ້ານການປ້ອງກັນຕົນເອງແຫ່ງຊາດ ແລະ ເຄີຍເຮັດວຽກໃຫ້ກັບກະຊວງຕ່າງປະເທດຍີ່ປຸ່ນອີກດ້ວຍ ຂະນະທີ່ທາງການຈີນຍັງບໍ່ມີການອອກມາເຄື່ອນໄຫວໃດໆກ່ຽວກັບເລື່ອງນີ້. ທັງນີ້ ຫຼັງຈາກ ທ່ານ ສີ ຈິ້ນຜິງ ປະທານາທິບໍດີຂອງ ສປ...

ໄຕ້ຝຸ່ນກະໜ່ຳຍີ່ປຸ່ນອີກ 2 ໜ່ວຍ… ຫຼັງຮາກິບິສຜ່ານພົ້ນໄປ

ຊາວຍີ່ປຸ່ນກຽມຜະເຊີນກັບພະຍຸໄຕ້ຝຸ່ນອີກ 2 ໜ່ວຍນັ້ນກໍຄື “ນໍກູຣີ ແລະ ບົວລອຍ” ຊຶ່ງຈະເຂົ້າມາຍີ່ປຸ່ນຕໍ່ຈາກຊຸບເປີໄຕ້ຝຸ່ນຮາກິບິສຊຶ່ງເປັນພະຍຸໄຕ້ຝຸ່ນທີ່ຮຸນແຮງທີ່ສຸດໃນຮອບ 60 ປີ ຮາກິບິສຖະຫຼົ່ມຫຼາຍພື້ນທີ່ຂອງຍີ່ປຸ່ນເສຍຫາຍຢ່າງໜັກ ແລະ ຂ້າຊີວິດໄປແລ້ວ 80 ລາຍ. ສຳນັກຂ່າວຕ່າງປະເທດລາຍງານເມື່ອວັນທີ 21 ຕຸລາຜ່ານມາໂດຍອ້າງການລາຍງານຂອງເວັບໄຊ NHK ແລະ Mainichi ຊຶ່ງໄດ້ລາຍງານວ່າ ຊາວຍີ່ປຸ່ນກຽມຜະເຊີນໄພຈາກພະຍຸໄຕ້ຝຸ່ນອີກ 2 ໜ່ວຍທີ່ກຳລັງກໍ່ຕົວຢູ່ບໍລິເວນຕາເວັນຕົກຂອງມະຫາສະໝຸດແປຊິຟິກໃນຊ່ວງອາທິດນີ້ເຖິງອາທິດໜ້າ. ສ່ວນສຳນັກອຸຕຸນິຍົມວິທະຍາຂອງຍີ່ປຸ່ນກໍປະກາດແຈ້ງເຕືອນໃຫ້ປະຊາຊົນທີ່ອາໄສຢູ່ໃນພື້ນທີ່ລຸ່ມຕໍ່າລະວັງດິນຖະຫຼົ່ມ ແລະ...

ຜູ້ນຳຍີ່ປຸ່ນປະກາດ… ບໍ່ຮັບບໍລິຈາກເງິນຊ່ວຍເຫຼືອ ເຫດພະຍຸຮາກິບິສ

ເປັນອີກມຸມມອງຂອງຜູ້ນຳທີ່ຄິດເຖິງປະຊາຊົນຕ້ອງມາກ່ອນ ແລະ ມີການວາງແຜນການຮັບມືກັບສະຖານະການຕ່າງໆໄດ້ເປັນຢ່າງດີ ພາຍຫຼັງທີ່ຍີ່ປຸ່ນປະສົບໄພຈາກພະຍຸໄຕ້ຝຸ່ນຮາກິບິສ ພັດເຂົ້າຖະຫຼົ່ມເມື່ອຊ່ວງອາທິດທີ່ຜ່ານມາ ຜູ້ນຳຍີ່ປຸ່ນກໍໄດ້ອອກມາກ່າວເຖິງມາດຕະການຊ່ວຍເຫຼືອວ່າ “ເມື່ອພາສີຖືກໃຊ້ໄປໃນທາງທີ່ຖືກຕ້ອງ ແລະ ລັດຖະບານກໍບໍ່ຂໍຮັບບໍລິຈາກເງິນຊ່ວຍເຫຼືອ!!”. ຫຼັງຈາກປະເທດຕ້ອງຜະເຊີນກັບໄພພິບັດທາງທຳມະຊາດຢ່າງຫຼວງຫຼາຍບໍ່ວ່າຈະເປັນແຜ່ນດິນໄຫວ ພູໄຟ ສຶນາມິ ແລະ ຫຼ້າສຸດກໍຜະເຊີນກັບພະຍຸໄຕ້ຝຸ່ນພັດຖະຫຼົ່ມອັນໄດ້ສ້າງຄວາມເສຍຫາຍຕໍ່ຊັບສິນ ແລະ ຂ້າຊີວິດປະຊາຊົນຈຳນວນຫຼາຍ ແຕ່ຮູ້ ຫຼື ບໍ່ວ່າ ນາຍົກຍີ່ປຸ່ນໄດ້ກຽມການ ລະ ກຽມຄວາມພ້ອມຮັບມືກັບມະຫັນຕະໄພຄັ້ງນີ້ໄດ້ຢ່າງໄວວາບໍ່ວ່າຈະເປັນການສັ່ງອົບພະຍົບ ປະກາດຂ່າວລ່ວງ ໜ້າ ເນື່ອງຈາກວ່າຊີວິດ...

ຍີ່ປຸ່ນເຜີຍໂຕເລກຜູ້ເສຍຊີວິດຈາກອະພິມະຫາໄຕ້ຝຸ່ນ “ຮາກິບິສ”

ຍີ່ປຸ່ນຍັງເດີນໜ້າຊ່ວຍເຫຼືອຜູ້ປະສົບໄພຈາກພະຍຸໄຕ້ຝຸ່ນຮາກິບິສຢ່າງຕໍ່ເນື່ອງ ຂະນະທີ່ຍອດຜູ້ເສຍຊີວິດຫຼ້າສຸດ (ວັນທີ 14 ຕຸລາ 2019) ຢູ່ທີ່ 35 ລາຍ ແລະ ສູນຫາຍ 20 ຄົນ. ສຳນັກຂ່າວຕ່າງປະເທດລາຍງານເມື່ອວັນທີ 14 ຕຸລາຜ່ານມາວ່າ ທາງການຍີ່ປຸ່ນຍັງເດີນໜ້າໃຫ້ຄວາມຊ່ວຍເຫຼືອຜູ້ປະສົບໄພຈາກພະຍຸໄຕ້ຝຸ່ນ “ຮາກິບິສ” ໂດຍລາຍງານລະບຸວ່າ ກອງກຳລັງປ້ອງກັນຕົນເອງຂອງຍີ່ປຸ່ນຫຼາຍກວ່າ 27.000 ຄົນໄດ້ກະຈາຍກຳລັງໄປຍັງພູມີພາກສຕ່າງໆບໍ່ວ່າຈະເປັນນາກາໂນ້ ຊຶ່ງເປັນພື້ນທີ່ຊຶ່ງມີປະຊາຊົນຕິດຄ້າງຢູ່ເຖິງ 360 ຄົນ...

ຊຸບເປີໄຕ້ຝຸ່ນ “ຮາກິບິສ” ຫຼື ພະຍຸໄຕ້ຝຸ່ນໜ່ວຍທີ 19 ກຽມພັດຖະຫຼົ່ມຍີ່ປຸ່ນ!!

ພະຍຸໄຕ້ຝຸ່ນ “ຮາກິບິສ” ກຽມພັດຖະຫຼົ່ມຍີ່ປຸ່ນໃນອາທິດນີ້ ເບື້ອງຕົ້ນແມ່ນໄດ້ສົ່ງຜົນກະທົບຕໍ່ບັນດາສາຍການບິນ ລົດໄຟ ແລະ ລະ ບົບຂົນສົ່ງຕ່າງໆຊຶ່ງໄດ້ປະກາດຢຸດໃຫ້ບໍລິການຊົ່ວຄາວ ຂະນະທີ່ໂລກໂຊຊຽວຕ່າງກໍແຫ່ເຂົ້າໄປໃຫ້ກຳລັງໃຈປະຊາຊົນຊາວຍີ່ປຸ່ນຈົນເຮັດໃຫ້ເກີດກະແສ #SaveJapan ຊຶ່ງໝາຍເຖິງການເອົາໃຈຊ່ວຍໃຫ້ຊາວຍີ່ປຸ່ນຜ່ານພົ້ນວິກິດໃນຄັ້ງນີ້. ຊາວຍີ່ປຸ່ນກຽມຜະເຊີນໜ້າກັບຊຸບເປີໄຕ້ຝຸ່ນກຳລັງແຮງຮາກິບິສ (Hagibis)  ຫຼື ໄຕ້ຝຸ່ນໝາຍເລກ 19 ຊຶ່ງມີຄວາມຮຸນແຮງເທົ່າກັບພະຍຸເຮີຣິເຄນລະດັບ 5 ທີ່ພວມກໍ່ຕົວຂຶ້ນໃນພາກຕາເວັນຕົກຂອງມະຫາສະໝຸດແປຊິຟິກ. ສຳນັກງານອຸຕຸນິຍົມວິທະຍາຂອງຍີ່ປຸ່ນພວມເຝົ້າລະວັງຊຸບເປີພະຍຸໜ່ວຍນີ້ຢ່າງໃກ້ຊິດ ຊຶ່ງຄາດວ່າພະຍຸໜ່ວຍນີ້ຊຶ່ງເຄື່ອນທີ່ຜ່ານໝູ່ເກາະໂອງາຊາວາຣະຈະມຸ່ງໜ້າມາຍັງພູມີພາກຄັນໂຕ ທາງຕາເວັນອອກຂອງເກາະຮອນຊູໃນຄ່ຳຄືນຂອງວັນທີ 12 ຕຸລາຫາຕອນ ເຊົ້າຂອງວັນທີ 13...

ໂອຊາກະ ມື 4 ຂອງໂລກຄວ້າແຊ໋ມເທນນິສ “ແພນ ແປຊິຟິກ ໂອເພັນ 2019”

ນາໂອມິ ໂອຊາກະ ນັກເທນນິສຍິງຈາກຍີ່ປຸ່ນ ມືວາງອັນດັບທີ 4 ຂອງໂລກ ໃນໄວ 21 ປີ ຄວ້າແຊ໋ມໃນລາຍການ WTA ທົວ “ແພນ ແປຊິກຟິກ ໂອເພັນ 2019” ຊຶ່ງຈັດຂຶ້ນຢູ່ທີ່ປະເທດຍີ່ປຸ່ນລະຫວ່າງວັນທີ 22 ກັນຍາຜ່ານມາ. ໃນລາຍການດ່ັງກ່າວ ໂອຊາກະ ຖືກຈັດໃຫ້ເປັນມືວາງອັນດັບ 1 ໂດຍຜ່ານເຂົ້າມາຊີງກັບນັກເທນນິສສາວຈາກຣັດເຊຍ ມືວາງອັນດັບທີ...

ທາງການຍີ່ປຸ່ນສັ່ງອົບພະຍົບເກືອບ 4 ແສນຄົນພົ້ນຈາກໄຕ້ຝຸ່ນຟ້າໃສ

ລາຍງານຂ່າວຕ່າງປະເທດເມື່ອວັນທີ 9 ກັນຍາຜ່ານມາວ່າ ພະຍຸໄຕ້ຝຸ່ນຟ້າໃສຊຶ່ງມີຄວາມແຮງລົມສູງສຸດ 210 ກີໂລແມັດຕໍ່ຊົ່ວໂມງພັດຖະຫຼົ່ມແຄມຝັ່ງພາກຕາເວັນອອກຂອງປະເທດຍີ່ປຸ່ນ ແລະ ກຳລັງມຸ່ງໜ້າຂຶ້ນສູ່ພື້ນທີ່ພາກຕາເວັນອອກສຽງເໜືອ ໂດຍອິດທິພົນຂອງພະຍຸໜ່ວຍນີ້ກໍ່ໃຫ້ເກີດຝົນຕົກໜັກ ແລະ ລົມພັດແຮງ ຊຶ່ງອາດເຮັດໃຫ້ເກີດນໍ້າຖ້ວມກະທັນຫັນ. ຂະນະທີ່ທາງການທ້ອງຖິ່ນເຂດເທສະບານນະຄອນໂຕກຽວ ຊຶ່ງຄວບຄຸມແຂວງຄານາງາວະ ແລະ ແຂວງວັດຊິຊູໂອກະ ປະກາດແນະ ນຳໃຫ້ປະຊາຊົນເກືອບ 4 ແສນຄົນອົບພະຍົບອອກຈາກພື້ນທີ່ສ່ຽງໄພທີ່ອາດຈະໄດ້ຮັບຜົນກະທົບຮຸນແຮງຈາກພະຍຸໜ່ວຍນີ້ ພ້ອມນີ້ ບໍລິສັດໂຕກຽວ ເອເລັກໂຕຣນິກ ພາວເວີ ຫຼື...
error: Content is protected !!