spot_img
Homeຂ່າວຕ່າງປະເທດການປະທ້ວງໃນອີຣານທີ່ແກ່ຍາວມາດົນ ເຮັດໃຫ້ມີຜູ້ເສຍຊີວິດຫຼາຍກວ່າ 300 ຄົນ ໃນນັ້ນມີເດັກນ້ອຍອີກ

ການປະທ້ວງໃນອີຣານທີ່ແກ່ຍາວມາດົນ ເຮັດໃຫ້ມີຜູ້ເສຍຊີວິດຫຼາຍກວ່າ 300 ຄົນ ໃນນັ້ນມີເດັກນ້ອຍອີກ

Published on

ໜ່ວຍງານ​ສິດທິ​ມະນຸດ​ສູງ​ສຸດ​ ແຫ່ງ​ອົງການ​ສະຫະ​ປະຊາ​ຊາດ (The UN High Commissioner for Human Rights) ໄດ້ກ່າວວ່າ ອີຣານເຂົ້າຂັ້ນວິກິດ ໂດຍການປະທ້ວງທີ່ຮຸນແຮງສົ່ງຜົນໃຫ້ມີປະຊາຊົນເສຍຊີວິດຫຼາຍກວ່າ 300 ຄົນ ໃນຊ່ວງສອງເດືອນທີ່ຜ່ານມາ.

ໃນວັນອັງຄານ ທີ 22 ພະຈິກ 2022 ໂຄສົກຂອງຫົວໜ້າ​ສິດທິ​ມະນຸດ​ສູງ​ສຸດແຫ່ງອົງການ​ສະຫະ​ປະຊາ​ຊາດ ໄດ້ກ່າວວ່າ ໃນຊ່ວງທ້າຍອາທິດທີ່ຜ່ານມາ ອີຣານມີການປະທ້ວງທີ່ຮຸນແຮງຂຶ້ນເລື່ອຍໆ ເຊິ່ງຈຳນວນຜູ້ເສຍຊີວິດກໍນັບເພີ່ມຂຶ້ນ ລວມມີເດັກນ້ອຍ 2 ຄົນທີ່ເສຍຊີວິດ ແລະ ຕອບໂຕ້ທີ່ຮຸນແຮງຂອງກອງກຳລັງຄວາມໝັ້ນຄົງ ໄດ້ສະແດງໃຫ້ເຫັນເຖິງວິກິດພາຍໃນປະເທດ.

ໜ່ວຍງານ​ສິດທິ​ມະນຸດ ຍັງໄດ້ປະນາມ ທີ່ລັດຖະບານອີຣານໃຊ້ມາດຕະການຮຸນແຮງເພື່ອປາບປາມກຸ່ມຜູ້ປະທ້ວງ ແລະ ຕຳຫຼວດອີຣານ ຍັງໄດ້ຈັບກຸມນາງ ມາຊາ ອະມິນີ ອາຍຸ 22 ປີ ດ້ວຍຂໍ້ຫາ ໃສ່ຜ້າຄຸມຜົມບໍ່ຮຽບຮ້ອຍ ຕໍ່ມານາງກໍໄດ້ເສຍຊີວິດ, ຈາກເຫດການນີ້ ເຮັດໃຫ້ປະຊາຊົນອີຣານ ຍິ່ງທະວີຄວາມບໍ່ພໍໃຈກັບລັດຖະບານ.

ນີ້ແມ່ນການປະທ້ວງທີ່ທ້າທາຍທີ່ສຸດ ນັບຕັ້ງແຕ່ມີການປະຕິວັດມາໃນປີ 1979 ເຊິ່ງເປັນການປະທ້ວງທີ່ຮວບຮວມເອົາບັນດາປະຊາຊົນໃນທຸກລະດັບຂອງສັງຄົມໃນທົ່ວປະເທດ ທີ່ພ້ອມພຽງຮຽງໜ້າປະທ້ວງລັດຖະບານ.

ນອກນັ້ນ ທີມຊາດອີຣານທີ່ໄດ້ໄປແຂ່ງຂັນໃນບານໂລກ 2022 ທີ່ປະເທດກາຕາ ກໍໄດ້ສະໜັບສະໜູນການປະທ້ວງ ໂດຍບໍ່ຮ້ອງເພັງຊາດຂອງປະເທດຕົນເອງ.

ໜ່ວຍງານ​ສິດທິ​ມະນຸດ​ສູງ​ສຸດ​ ແຫ່ງ​ອົງການ​ສະຫະ​ປະຊາ​ຊາດ ຍັງໄດ້ລາຍງານວ່າ ມີປະຊາຊົນເສຍຊີວິດຈາກການປະທ້ວງຫຼາຍກວ່າ 300 ຄົນ ໃນນັ້ນມີເດັກນ້ອຍຫຼາຍກວ່າ 40 ຄົນທີ່ເສຍຊີວິດ.

ແຫຼ່ງຂ່າວຈາກ ABC Australia News

ບົດຄວາມຫຼ້າສຸດ

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...

ໂຄງການ ASEAN SOAR Together ໄດ້ຮ່ວມແບ່ງປັນເລື່ອງລາວຄວາມສໍາເລັດຂອງ MSME ດິຈິຕ້ອນ ທີ່ງານ ABIS 2025

ສະເຫຼີມສະຫຼອງຜົນສໍາເລັດຂອງການຫັນສູ່ດິຈິຕ້ອນຂອງ MSME ໃນທົ່ວອາຊຽນ ຜ່ານໂຄງການ ASEAN SOAR Together ກົວລາ ລໍາເປີ, 31 ຕຸລາ 2025 – ມູນນິທິ ອາຊຽນ...

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...