spot_img
Homeຂ່າວການສຶກສາກະຊວງສຶກສາທິການ ແລະ ກິລາ ຈະນໍາໃຊ້ 6 ວິທີການ ແລະ ມາດຕະການແກ້ໄຂຄຸນນະພາບການສຶກສາ

ກະຊວງສຶກສາທິການ ແລະ ກິລາ ຈະນໍາໃຊ້ 6 ວິທີການ ແລະ ມາດຕະການແກ້ໄຂຄຸນນະພາບການສຶກສາ

Published on

 

1-1
ດຣ ພັນຄຳ ວິພາວັນ ກຳມະການກົມການເມືອງສູນກາງພັກ ລັດຖະມົນຕີວ່າການ ກະຊວງສຶກສາທິການ ແລະ ກິລາ

 

ທ່ານ ດຣ. ພັນຄຳ ວິພາວັນ ລັດຖະມົນຕີວ່າການກະຊວງສຶກສາທິການ ແລະ ກິລາ ໄດ້ແຈ້ງຕໍ່ກອງປະຊຸມ

ສະໄໝສາມັນເທື່ອທີ 7 ຂອງສະພາແຫ່ງຊາດ ໃນວັນທີ 11 ກໍລະກົດ ກ່ຽວກັບບັນຫາທີ່ສະມາຊິກສະພາແຫ່ງ

ຊາດ (ສສຊ) ສົນໃຈຫຼາຍ ໂດຍແມ່ນບັນຫານັກຮຽນຄ້າງຫ້ອງ, ການປະລະການຮຽນ ແລະ ການລອດເຫຼືອ

ຂອງນັກຮຽນຊັ້ນປະຖົມ ໂດຍສະເພາະຢູ່ທ້ອງຖິ່ນເຂດຊົນນະບົດ ແລະ ທ້ອງຖິ່ນຊົນເຜົ່າ, ຕໍ່ກັບບັນຫານີ້

ທ່ານຊີ້ແຈງວ່າ: ສາເຫດຕົ້ນຕໍ ແມ່ນຍ້ອນນັກຮຽນ ປ1 ຢູ່ຊົນນະບົດສ່ວນຫຼາຍແມ່ນບໍ່ໄດ້ເຂົ້າໂຮງຮຽນລ້ຽງ

ເດັກ – ອະນຸບານ ໂດຍສະເພາະແມ່ນເດັກຢູ່ເຂດບໍ່ທັນມີໂຮງຮຽນລ້ຽງເດັກ – ອະນຸບານ, ເດັກເຂົ້າໂຮງຮຽນ

ບໍ່ຖືກຕາມເກນອາຍຸ ສ່ວນຫຼາຍແມ່ນເຂົ້າຮຽນຊ້າ ແລະ ອີກຢ່າງໜຶ່ງໂຮງຮຽນຊັ້ນອະນຸບານ, ປະຖົມສຶກສາ

ຫຼາຍແຫ່ງຍັງບໍ່ແມ່ນໂຮງຮຽນຖາວອນ, ບໍ່ໄດ້ມາດຕະຖານບໍ່ເປັນທີ່ດຶງດູດນັກຮຽນໃຫ້ມາເຂົ້າໂຮງຮຽນ,

ຂາດສິ່ງອຳນວຍຄວາມສະດວກອື່ນໆ, ຄູມີຄວາມຮູ້ຈຳກັດ ຈຳນວນຄູມີລັກສະນະເຫຼືອບໍ່ພໍ, ພ້ອມນີ້ພໍ່ແມ່

ຜູ້ປົກຄອງເດັກ ຍັງບໍ່ເຫັນຄວາມສຳຄັນຂອງການສຶກສາເທົ່າທີ່ຄວນ, ການສົມທົບພົວພັນລະຫວ່າງ ໂຮງ

ຮຽນ, ອຳນາດການປົກຄອງ, ການສະໜັບສະໜູນທາງສັງຄົມຍັງບໍ່ກວ້າງຂວາງ ແລະ ລະຫວ່າງຄູສອນກັບ

ຜູ້ປົກຄອງເດັກ ຍັງເຮັດບໍ່ໄດ້ດີເທົ່າທີ່ຄວນ ເຫລົ່ານີ້ເປັນຕົ້ນ.

 

ສຳລັບວິທີການ ແລະ ມາດຕະການແກ້ໄຂ ກະຊວງສຶກສາໄດ້ມີມາດຕະການ ເພື່ອບັນລຸເປົ້າໝາຍສະຫັດ

ສະວັດຄື: ກວດກາ ແລະ ຈັດສັນຄືນໃໝ່ແຜນທີ່ການສຶກສາ, ຂະຫຍາຍໂຮງຮຽນລ້ຽງເດັກ – ອະນຸບານ,

ຫ້ອງປີກຽມ, ສູນການສຶກສາຊຸມຊົນ ໄປສູ່ເຂດທີ່ບໍ່ທັນມີໂຮງຮຽນ, ສູນດັ່ງກ່າວ, ປັບປຸງປົວແປງບັນດາ

ໂຮງຮຽນທີ່ຍັງເປັນໂຮງຮຽນຊົ່ວຄາວ, ໂຮງຮຽນບໍ່ໄດ້ມາດຕະຖານ ໃຫ້ເປັນໂຮງຮຽນຖາວອນ ໄດ້ມາດຕະ

ຖານ ໂດຍໃຫ້ຕິດພັນກັບການຈັດສັນພູມລຳເນົາ, ການຈັດສັນບ້ານ, ການໂຮມບ້ານ ແລະ ບ້ານ 3 ສ້າງ,

ສືບຕໍ່ຈັດຕັ້ງຜັນຂະຫຍາຍ ແລະ ປະຕິບັດບັນດາໂຄງການຕ່າງໆທີ່ມີແລ້ວຢູ່ໃນແຕ່ລະທ້ອງຖິ່ນ ເປັນຕົ້ນ

ແມ່ນໂຄງການອາຫານເສີມ, ອາຫານກາງວັນໃນໂຮງຮຽນ, ໂຄງການສ້າງຫໍພັກຢູ່ກັບໂຮງຮຽນໃຫ້ ນັກຮຽນ

ສຳລັບຜູ້ທີ່ຢູ່ຫ່າງໄກຈາກໂຮງຮຽນ ນັບທັງໂຮງຮຽນ ສາມັນກິນນອນຊົນເຜົ່າ ແລະ ໂຄງການອື່ນໆໃຫ້ມີ

ຄວາມຍືນຍົງ, ມີປະສິດທິຜົນ ແລະ ມີຄວາມຜ່ອງໃສ, ປະຕິບັດການເລື່ອນຂັ້ນແບບຕໍ່ເນື່ອງໃຫ້ທົ່ວເຖິງ

ແລະ ຖືກຕ້ອງ, ເດັດຂາດ ຕາມລະບຽບຫຼັກການ, ສອນ ເພີ່ມບຳລຸງນັກຮຽນອ່ອນຢ່າງເປັນລະບົບໂດຍມີ

ແຜນ, ມີການຈັດຕັ້ງຢ່າງຄັກແນ່ໃນການຈັດຕັ້ງບຳລຸງນັກຮຽນອ່ອນ; ຄົ້ນຄວ້າສ້າງມາດຖານ ແລະ ວິທີ

ການສັບຊ້ອນບັນຈຸຄູ, ຈັດສັນຄູສອນຊັ້ນລ້ຽງເດັກ – ອະນຸບານ ແລະ ຊັ້ນປະຖົມ ສຶກສາຄົນໃໝ່ ໂດຍສະ

ເພາະແມ່ນຈັດສັນຄູຜູ້ທີ່ມີບົດຮຽນ, ມີປະສົບການໃນການສອນ ໃຫ້ສອນຊັ້ນ ປ1 ແລະ ປ2, ປັບປຸງວິທີ

ການສິດ ສອນຂອງຄູ ແລະ ວິທີການບໍລິຫານໂຮງຮຽນໃຫ້ ຜູ້ອຳນວຍການໂຮງຮຽນ; ຈັດສັນງົບປະມານ

ບໍລິຫານໂຮງ ຮຽນໃຫ້ໄດ້ຕາມ ຫົວໜ່ວຍນັກ ຮຽນ, ສະໜອງອຸປະກອນການ ຮຽນ – ການສອນປຶ້ມແບບ

ຮຽນ, ຄູ່ມືຄູ ແລະ ສົ່ງເສີມການຜະລິດສື່ການຮຽນ – ການສອນ ໃນໂຮງຮຽນໃຫ້ແທດເໝາະ ກັບຄວາມ

ຕ້ອງການຂອງຜູ້ ຮຽນ ໂດຍສະເພາະເດັກທີ່ມີຄວາມຕ້ອງການພິເສດ, ເດັກ ຍິງ, ເດັກຢູ່ເຂດຊົນນະບົດ

ຫ່າງໄກສອກຫຼີກ, ສົມທົບກັບພາກສ່ວນທີ່ກ່ຽວຂ້ອງອອກນິຕິກຳ ໃນການແບ່ງໜ້າທີ່ ແລະ ຄວາມຮັບ

ຜິດຊອບຕໍ່ເດັກນັກຮຽນລະ ຫວ່າງໂຮງຮຽນ, ຄອບຄົວ ແລະ ສັງຄົມໃຫ້ລະອຽດຈະແຈ້ງ.

 

ແຫຼ່ງຂ່າວ: ໜັງສືພິມປະຊາຊົນ

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...