spot_img
Homeຂ່າວພາຍ​ໃນOxford ຮອງຮັບ ໂຮງຮຽນ ຮີດຟິວ ວຽງຈັນ ເປັນໂຮງຮຽນມາດຕະຖານໃຊ້ຫຼັກສູດການສອນ Oxford ແຫ່ງທໍາອິດໃນລາວ

Oxford ຮອງຮັບ ໂຮງຮຽນ ຮີດຟິວ ວຽງຈັນ ເປັນໂຮງຮຽນມາດຕະຖານໃຊ້ຫຼັກສູດການສອນ Oxford ແຫ່ງທໍາອິດໃນລາວ

Published on

ໂຮງຮຽນ ນາໆຊາດ ຮີດຟິວວຽງຈັນ ໄດ້ຮັບຄັດເລືອກຈາກມະຫາວິທະຍາໄລ ອ໊ອກຟ໊ອດ ໂດຍ ອ໊ອກຟ໊ອດ ເອດູເຄຊັ້ນ (Oxford Education) ເພື່ອນໍາໃຊ້ຫລັກສູດສາກົນເຂົ້າມາສິດສອນໃນໂຮງຮຽນ ເຊີ່ງຈະເລີ່ມນໍາໃຊ້ ໃນສົກຮຽນປີ 2020-2021 ເປັນຕົ້ນໄປ. ໃນງານຄັ້ງນີ້ເປັນກຽດມອບຮັບໃບປະກາດໂດຍ ທ່ານ Mr Jeft Matthewman ຕາງໜ້າສະຖານທູດອັງກິດປະຈໍາ ສປປ ລາວ ແລະ ທ່ານ Mr John Cockcroft ປະທານນັກທຸລະກິດປະເທດອັງກິດປະຈໍາລາວ.

ມະຫາວິທະຍາໄລ ອ໊ອກຟ໊ອດ ເປັນມະຫາວິທະຍາໄລລະດັບຊັ້ນນຳຂອງໂລກ ແລະ ໄດ້ຖືກຈັດລຳດັບໂດຍວາລະສານ ທາມສ໌ (​Times Magazines) ໃຫ້ເປັນມະຫາວິທະຍາໄລອັນດັບ 1 ຂອງໂລກເປັນເວລາ 4 ປີຕິດຕໍ່ກັນ. ຫຼັກສູດສາກົນດັ່ງກ່າວນີ້ເປັນຫຼັກສູດທີ່ໄດ້ພັດທະນາຂື້ນເພື່ອໃຫ້ແທດເໝາະ ກັບຍຸກສັດຕະວັດທີ 21 ຍຸກປະຈຸບັນທີ່ຖືກເອີ້ນກັນວ່າເປັນຍຸກໂລກາວິວັດທີ່ໂລກມີແຕ່ຄວາມຜັນຜວນ ແລະ ປ່ຽນແປງຢູ່ຕະຫລອດເວລາ. ດັ່ງນັ້ນ, ຫຼັກສູດການຮຽນດັ່ງກ່າວຈະນໍາພານັກຮຽນນັກສຶກສາຍຸກໃໝ່ ໃຫ້ໄດ້ຮັບການພັດທະນາແບບອົງລວມ ແລະ ຮອບດ້ານ ມີຄວາມເຂັ້ມຂຸ້ນໃນວິຊາຮຽນ ລວມໄປເຖີງ ທັກສະການໃຊ້ຊີວິດໃຫ້ມີຄວາມຜາສຸກຫຼື ເວົ້າໄດ້ວ່າໃຫ້ມີເປົ້າໝາຍ ແລະ ຄວາມສຸກ.

ໂຮງຮຽນນານາຊາດ ຮີດຟິວ ວຽງຈັນ ນີ້ແມ່ນແນໃສ່ຄວາມເປັນເລີດທາງການສຶກສາ ແລະ ການທີ່ນໍາໃຊ້ຫຼັກສູດຂອງນາໆຊາດຂອງອ໋ອກຟ໋ອດ (Oxford International Curriculum) ແມ່ນຈະເຮັດໃຫ້ຫຼັກສູດຂອງໂຮງຮຽນ ຮີດຟີວ ດີຍິ່ງຂື້ນໄປຕື່ມ. ພ້ອມດຽວກັນນີ້ທາງໂຮງຮຽນໄດ້ເປີດໂຕອາຄານໃໝ່ ແລະ ສິ່ງອຳນວຍຄວາມສະດວກເພື່ອພັດທະນາສັກກະຍາພາບນັກຮຽນທາງດ້ານສຸຂະພາບແລະ ກິລາ ເຊີ່ງມີສະຫນາມກິລາແບບຄົບວົງຈອນເຊັ່ນ ເດີ່ນເທັນນິສ, ເດີ່ນເຕະບານ, ສະລອຍນໍ້າ, ເດີ່ນກິລາໃນຮົ່ມ ແລະ ອື່ນໆ.

ໂຮງຮຽນນານາຊາດ ຮີດຟິວ ມີຄວາມມຸ່ງຫວັງເປັນທີ່ສຸດທີ່ຈະພັດທະນານັກຮຽນຂອງພວກເຮົາ ເຕີບໃຫຍ່ໃຫ້ເປັນຄົນມີຄຸນນະພາບຂອງສັງຄົມ ມີທັດສະນະທາງບວກຢູ່ສະເໝີ ແລະ ປະສົບຜົນສຳເລັດໃນອານາຄົດ.

ຜູ້ປົກຄອງສາມາດມາດເຂົ້າມາຢ້ຽມຊົມໂຮງຮຽນ ຫຼື ໂທສອບຖາມລາຍລະອຽດເພີ່ມເຕີມ ໂທ: 020 55928899 website: www.heathfield.la ສະຖານທີ່ຕັ້ງຢູ່ ບ້ານ ພະຂາວ, ເມືອງ ໄຊທານີ, ນະຄອນຫຼວງວຽງຈັນ.

 

 

 

 

ບົດຄວາມຫຼ້າສຸດ

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...