spot_img
Homeຂ່າວພາຍ​ໃນGDP ສົກ 2013-2014 ເພີ່ມຂຶ້ນ 7,6% ທຽບໃສ່ແຜນບໍ່ໄດ້ຕາມເປົ້າ!

GDP ສົກ 2013-2014 ເພີ່ມຂຶ້ນ 7,6% ທຽບໃສ່ແຜນບໍ່ໄດ້ຕາມເປົ້າ!

Published on

 

somdee
ທ່ານ ສົມດີ ດວງດີ ກຳມະການສູນກາງພັກ ລັດຖະມົນຕີວ່າການກະຊວງແຜນການ ແລະ ການລົງທຶນ ກ່າວລາຍງານຕໍ່ກອງປະຊຸມສະໄໝສາມັນ ເທື່ອທີ 7 ຂອງ ສະພາແຫ່ງຊາດຊຸດທີ VII ມື້ວານນີ້ (7 ກໍລະກົດ)

 

ຂປລ.  ສະພາບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ຕົ້ນສົກປີ 2013-2014 ຜ່ານມານີ້ ມີທັງເງື່ອນໄຂ

ສະດວກ ແລະ ສິ່ງທ້າທາຍຫລາຍປະການ ໂດຍສະເພາະຄວາມຫຍຸ້ງຍາກທາງດ້ານການເງິນ-ງົບປະມານຂອງປະເທດ ທີ່ຍັງ

ບໍ່ສາມາດແກ້ໄຂໄດ້ຢ່າງຂາດຕົວ ອັນໄດ້ສົ່ງຜົນກະທົບດ້ານລົບ ຕໍ່ແຜນພັດທະນາ ເຊິ່ງການຄາດຄະເນລວມຍອດມູນຄ່າ

ຜະລິດຕະພັນພາຍໃນ (GDP) ໃນສົກປີ 2013-2014 ເພີ່ມຂຶ້ນປະມານ 7,6% ຖ້າທຽບໃສ່ແຜນການກຳນົດໄວ້ 8,3% ປະຕິ

ບັດໄດ້91,5%, ສາມາດສ້າງມູນຄ່າເພີ່ມໃນລາຄາປັດຈຸບັນ ໄດ້ປະມານ 91.000 ກວ່າຕື້ກີບ ແລະ ລວມຍອດຜະລິດຕະພັນ

ພາຍໃນສະເລ່ຍຕໍ່ຄົນໄດ້ 1.692 ໂດລາສະຫະລັດ ຫລື ປະມານ 13 ລ້ານກວ່າກີບ.

ທ່ານ ສົມດີ ດວງດີ ລັດຖະມົນຕີວ່າການກະຊວງແຜນການ ແລະ ການລົງທຶນ ໄດ້ລາຍງານໃນກອງປະຊຸມສະໄໝສາມັນ

ເທື່ອທີ 7ສະພາແຫ່ງຊາດ ຊຸດທີ VII ໂດຍທ່ານໄດ້ຍົກໃຫ້ເຫັນການຂະຫຍາຍຕົວຂອງ ຂະແໜງກະສິກຳ ເພີ່ມຂຶ້ນປະມານ

2,9%, ຂະແໜງອຸດສາຫະກຳເພີ່ມຂຶ້ນປະມານ 8,7% ແລະ ຂະແໜງບໍລິການເພີ່ມຂຶ້ນປະມານ 9,3%. ສຳລັບການເກັບ

ລາຍຮັບໃນຕົ້ນສົກປີ 2013-2014 ນີ້ ສາມາດປະຕິບັດໄດ້ 9.223 ຕື້ກວ່າກີບ, ເທົ່າກັບ 36% ຂອງແຜນການ, ໃນຂະນະທີ່

ລາຍຈ່າຍເກືອບ 7.778 ຕື້ກວ່າກີບ, ອັດຕາເງິນເຟີ້ສະເລ່ຍຢູ່ໃນລະດັບ 6,21%, ອັດຕາແລກປ່ຽນສືບຕໍ່ມີຄວາມສະຫງົບ

ແລະ ໝັ້ນທ່ຽງ, ໄລຍະ 6 ເດືອນຕົ້ນປີ ມູນຄ່າການສົ່ງອອກບັນລຸໄດ້ປະມານ 1.620 ລ້ານໂດລາສະຫະລັດ ເທົ່າກັບ 74,43%,

ທຽບໃສ່ໄລຍະດຽວກັນຂອງປີຜ່ານມາເພີ່ມຂຶ້ນ 84,09%, ສິນຄ້າສົ່ງອອກຕົ້ນຕໍແມ່ນພະລັງງານໄຟຟ້າ, ຜະລິດຕະພັນແຮ່

ທາດ, ເຄື່ອງຕັດຫຍິບ, ສິນຄ້າກະສິກຳ ແລະ ອື່ນໆ. ສ່ວນການນຳເຂົ້າຄາດວ່າຈະບັນລຸປະມານ 1.979 ລ້ານໂດລາສະຫະລັດ,

ເທົ່າກັບ 72,49% ຂອງແຜນການ, ທຽບໃສ່ໄລຍະດຽວກັນ ເພີ່ມຂຶ້ນປະມານ 70,45%, ຄາດຄະເນຂາດດຸນການຄ້າ 359 ລ້ານ

ໂດລາສະຫະລັດ, ເທົ່າກັບ 3,1% ຂອງຈີດີພີ.

 
ທ່ານ ສົມດີ ດວງດີ ຍັງໃຫ້ຮູ້ອີກວ່າ: ການປະຕິບັດໂຄງການລົງທຶນຂອງລັດໃນ 6 ເດືອນຜ່ານມາ ມີທັງໝົດ 2.469 ໂຄງການ,

ມູນຄ່າ 2.333 ຕື້ກີບ ເທົ່າກັບ 31% ຂອງແຜນການປີ, ການປະຕິບັດໂຄງການຊ່ວຍເຫລືອລ້າ ແລະ ກູ້ຢືມມີທັງໝົດ 767 ໂຄງ

ການ, ມູນຄ່າ 4.158 ລ້ານໂດລາສະ ຫະລັດ, ສາມາດດຶງດູດການລົງທຶນທັງພາຍໃນ ແລະ ຕ່າງປະເທດ 713 ໂຄງການມູນຄ່າ

3.000 ລ້ານໂດລາສະຫະລັດ, ການປ່ອຍສິນເຊື່ອທຸກລະບົບທະນາຄານເພີ່ມຂຶ້ນ 4.000 ຕື້ກວ່າກີບ.  ພ້ອມນີ້ ທ່ານຍັງຍົກໃຫ້

ເຫັນຜົນສຳເລັດຂອງການພັດທະນາບາງວຽກງານຈຸດສຸມເປັນຕົ້ນແມ່ນການ ພັດທະນາຊົນນະບົດ ແລະ ລຶບລ້າງຄວາມ

ທຸກຍາກຕິດພັນກັບວຽກງານສາມສ້າງ, ການພັດທະນາຂົງເຂດການຜະລິດ, ການພັດທະນາພື້ນຖານໂຄງລ່າງ, ການພັດທະ

ນາຂົງເຂດສັງຄົມ-ວັດທະນະທຳ ແລະ ສິ່ງແວດລ້ອມ, ການພັດທະນາຕາມເຂດແຄວ້ນ ແລະ ອື່ນໆ ລວມເຖິງແຜນວຽກຈຸດ

ສຸມຂອງການພັດທະນາໃນ 6 ເດືອນທ້າຍສົກປີ.

 

ແຫຼ່ງຂ່າວ: ສຳນັກຂ່າວສານປະເທດລາວ

 

ບົດຄວາມຫຼ້າສຸດ

ໃຊ້ AI ໃຫ້ເປັນປະໂຫຍດ ຊາຍຊາວອາເມລິການໍາໃຊ້ Chat GPT ໃນການສຸ່ມໂຕເລກເພື່ອຊື້ຫວຍ ຖືກລາງວັນ 100,000 ໂດລາ ຫຼື ປະມານ 2.1 ຕື້ກີບ

ເມື່ອບໍ່ດົນມານີ້ ກາຍເປັນກະແສດັງຢູ່ປະເທດອາເມຣິກາ ເມື່ອມີຊາຍຄົນໜຶ່ງ ອາຍຸ 45 ປີ ອາໄສຢູ່ທີ່ເມືອງ Wyandotte ຣັດ Michigan ສ.ອາເມລິກາ ໄດ້ຖືກຫວຍທ້ອງຖິ່ນ Powerball ພາຍຫຼັງນຳໃຊ້ປັນຍາປະດິດ...

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...

ຈະເປີດໃຫ້ບໍລິການໃນປີ 2030 ທາງລົດໄຟວຽງຈັນ-ໜອງຄາຍ ໂດຍຈະເລີ່ມລົງມືກໍ່ສ້າງໃນປີ 2027

ກອງ​ປະຊຸມ​ໄດ້​ຈັດ​ຂຶ້ນ​ຢູ່​ກະຊວງ​ໂຍທາ​ທິການ ​ແລະ ຂົນ​ສົ່ງ ​ແຫ່ງ ສປປ ລາວ ​ໃນ​ວັນ​ທີ 17 ຕຸລາ 2025 ​ເພື່ອ​ປຶກສາ​ຫາລື​ກ່ຽວ​ກັບ​ການ​ກໍ່ສ້າງ​ຂົວ​ທາງ​ລົດ​ໄຟ​ຂ້າມ​ແມ່ນ້ຳຂອງ​ແຫ່ງ​ໃໝ່. ກອງ​ປະຊຸມ​ຄັ້ງ​ນີ້​ໄດ້​ເປັນ​ປະທານ​ຮ່ວມ​ຂອງ​ທ່ານ ທ່ານ ຈັນທອນ...

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...