EU ມອບເງິນຊ່ວຍເຫຼືອທາງດ້ານການທະຫານໃຫ້ຢູເຄຣນ 500 ລ້ານເອີໂຣ

0
201

ບັນດາລັດຖະມົນຕີຕ່າງປະເທດໃນສະຫະພາບເອີຣົບ (EU) ຕົກລົງມອບເງິນຊ່ວຍເຫຼືອດ້ານທະຫານເພີ່ມໃຫ້ແກ່ຢູເຄຣນອີກ 500 ລ້ານເອີໂຣ (504 ລ້ານໂດລາ).

ວັນທີ 18 ກໍລະກົດ ອ້າງອີງຈາກ ຣອຍເຕີ ໄດ້ລາຍງານວ່າ: ໂຈເຊັຟ ບໍເຣວ ຫົວໜ້າຝ່າຍນະໂຍບາຍຕ່າງປະເທດຂອງເອີຣົບ EU ຖະແຫຼງວ່າ ຫຼັງຈາກການປະຊຸມສະພາກິດຈະການຕ່າງປະເທດວ່າ ບັນດາລັດຖະມົນຕີຕ່າງກໍຕົກລົງເຫັນດີທີ່ຈະໃຊ້ມາດຕະການຂວ່ຳບາດຣັດເຊຍ ແລະ ໄດ້ຊ່ວຍເຫຼືອແກ່ຢູເຄຣນ ຈຳນວນ500 ລ້ານເອີໂຣ.

ເງິນດັ່ງກ່າວໄດ້ຊ່ວຍໃຫ້ສະຫະພາບເອີຣົບ ຊື້ອຸປະກອນ ແລະ ສະບຽງອາຫານສຳລັບກອງທັບຢູເຄຣນ ເຊິ່ງລວມເຖິງອາວຸດທີ່ໃຊ້ໃນການປ້ອງກັນ.

ຕອນນີ້ ເງິນທີ່ທາງສະຫະພາບເອີຣົບໄດ້ຊ່ວຍເຫຼືອທາງການທະຫານແກ່ຢູເຄຣນ ມີທັງໝົດ 2,5 ພັນລ້ານເອີໂຣແລ້ວ ກໍຍັງຈະມີການສັ່ງຫ້າມນຳເຂົ້າທອງຄຳຈາກຣັດເຊຍ ແລະ ຈະເພີ່ມມາດຕະການຂວ່ຳບາດ.