spot_img
Homeຂ່າວພາຍ​ໃນAsiana Airlines ຍົກເລີກປີ້ບ່ອນນັ່ງໃກ້ປະຕູສຸກເສີນ ພາຍຫຼັງຜູ້ໂດຍສານເປີດປະຕູເຮືອບິນ

Asiana Airlines ຍົກເລີກປີ້ບ່ອນນັ່ງໃກ້ປະຕູສຸກເສີນ ພາຍຫຼັງຜູ້ໂດຍສານເປີດປະຕູເຮືອບິນ

Published on

ພາຍຫຼັງທີ່ຜູ້ໂດຍສານໃນສາຍການບິນ Asiana ຂອງເກົາຫຼີໃຕ້ ເປີດປະຕູຸກເສີນກາງອາກາດ ໃນວັນສຸກທີ່ຜ່ານມາ ສົ່ງຜົນໃຫ້ທາງສາຍການບິນຕ້ອງໄດ້ປະກາດ ຍົກເລີກປີ້ໂດຍສານທີ່ບ່ອນນັ່ງຕິດກັບປະຕູສຸກເສີນ.

ສາຍການບິນ Asiana Airlines ລະບຸໄວ້ວ່າ: ນັບຕັ້ງແຕ່ວັນທີ 28 ພຶດສະພາ 2023 ເປັນຕົ້ນໄປ ຈະບໍ່ມີການຂາຍປີ້ໂດຍສານ ບ່ອນນັ່ງ 31A ແລະ 26A ທີ່ຕິດກັບທາງອອກປະຕູສຸກເສີນ ເທິງເຮືອບິນຊະນິດ A321-200 ທັງ 14 ລຳຂອງສາຍການບິນ ກໍເພື່ອເປັນການປ້ອງກັນທີ່ຈະເກີດເຫດການຜູ້ໂດຍສານໄຂປະຕູສຸກເສີນອີກ ໂດຍສາຍການບິນຈະບໍ່ຂາຍປີ້ທີ່ດັ່ງກ່າວ ເຖິງວ່າຖ້ຽວບິນທີ່ມີບ່ອນນັ່ງເຕັມກໍຕາມ.

ມາດຕະການດັ່ງກ່າວນີ້ ມີຂຶ້ນພາຍຫຼັງຜູ້ໂດຍສານທ່ານໜຶ່ງເປີດປະຕູສຸກເສີນຂອງເຮືອບິນ A21-200 ຂອງສາຍການບິນ Asiana ທີ່ມີຜູ້ໂດຍສານເທິງເຮືອບິນເກືອບ 200 ຄົນ ຂະນະທີ່ເຮືອບິນກຳລັງລົງຈອດສະໜາມບິນນານາຊາດແທກູ ກຸງໂຊລ ເກົາຫຼີໃຕ້ ຈົນເຮັດໃຫ້ຜູ້ໂດຍສານຫຼາຍຄົນຕ້ອງຖືກສົ່ງໂຮງໝໍຍ້ອນການຫາຍໃຈບໍ່ສະດວກ.

ຕໍ່ມາຊາຍຜູ້ກໍ່ເຫດກໍຖືກຕຳຫຼວດຈັບ ໂດຍຜູ້ກໍ່ເຫດເວົ້າສາເຫດ ຍ້ອນວ່າຕົນຕ້ອງການອອກຈາກເຮືອບິນເພາະຮູ້ສຶກອຶດອັດ ຫາຍໃຈບໍ່ອອກ ແລະ ຕຶງຄຽດຈາກວຽກງານ.

ສານຊັ້ນຕົ້ນເມືອງແທກູໄດ້ອອກໝາຍຈັບຊາຍຜູ້ກໍ່ເຫດແລ້ວ ຈາກຂໍ້ຫາລະເມີດກົດໝາຍຄວາມໝັ້ນຄົງການເດີນອາກາດ ໂດຍໃຫ້ເຫດຜົນວ່າຜູ້ກໍ່ເຫດຈະໜີກ່ອນການພິຈາລະນາຄະດີໃນສານ ຊາຍຄົນດັ່ງກ່າວອາດຖືກຕັດສິນຈຳຄຸກສູງສຸດ 10 ປີ ຖ້າສານຕັດສິນວ່າມີຄວາມຜິດແທ້.

ແຫຼ່ງຂ່າວ ອັລຈາຊີລາ

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...