spot_img
Homeຂ່າວພາຍ​ໃນລາວກຽມຂໍຂຶ້ນທະບຽນປີໃໝ່ລາວ, ການບາສີສູ່ຂວັນ ແລະ ກິດຈະກຳທາງສັງຄົມເປັນມໍລະດົກໂລກ

ລາວກຽມຂໍຂຶ້ນທະບຽນປີໃໝ່ລາວ, ການບາສີສູ່ຂວັນ ແລະ ກິດຈະກຳທາງສັງຄົມເປັນມໍລະດົກໂລກ

Published on

ເມື່ອວັນທີ 9 ມີນາ 2018 ທີ່ຜ່ານມາ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໄດ້ຈັດປະຊຸມຮ່ວມກັບຕົວແທນຈາກພາກສ່ວນຕ່າງໆເພື່ອຫາລືກຽມຄວາມພ້ອມຍື່ນເອກະສານຕໍ່ອົງການຢູເນສໂກຂຶ້ນທະບຽນລຳວົງລາວ ເປັນມໍລະດົກທາງວັດທະນະ ທຳທີ່ຈັບຕ້ອງບໍ່ໄດ້ ຫຼື ICH (Intagible Cultural Heritage). ພ້ອມກັນນັ້ນກໍຍັງພິຈາລະນາທີ່ຈະຂໍຂຶ້ນທະບຽນກິດຈະກຳທາງສັງຄົມ ແລະ ວັດທະນະທຳອື່ນໆເພີ່ມອີກເຊັ່ນ: ການຕັກບາດ, ພິທີບາສີສູ່ຂວັນ, ປະເພນີບຸນກອງເຂົ້າ ແລະ ປີໃໝ່ລາວ ເປັນຕົ້ນ.

ຈາກ​ຂໍ້​ມູນ​ຂອງ​ຢູ​ເນສ​ໂກ​ ມໍລະດົກ​ທາງ​ວັດທະນະທຳ​ທີ່ຈັບ​ຕ້ອງ​ບໍ່​ໄດ້​ ຫຼື​ ICH ຕ້ອງ​ເກີດ​ຈາກ​ທຳນຽມ​ທີ່​ສືບ​ທອດ​ຕໍ່​ກັນ​ມາ​ທາງ​ການ​ລະຫຼິ້ນ,​ ສິລະ​ປະ​ ຫຼື ​ພິທີກຳ​ ແລະ ​ງານ​ປະເພນີ​ຕ່າງ​ໆ​ ທີ່​ກ່ຽວ​ຂ້ອງ​ກັບ​ທຳມະຊາດ,​ ຈັກກະວານ​ ລວມ​ເຖິງ​ງານ​ຫັດ​ຖະ​ສິນ​ທີ່​ສະ​ສົມ​ຈາກ​ພູ​ມ​ປັນຍາ​ດັ່ງ​ເດີມ.​

ສ່ວນ​ປະກອບ​ສຳຄັນ​ຂອງ​ການ​ເປັນ​ ICH ຍັງ​ລວມ​ເຖິງ​ການ​ທີ່​ວັດທະນະທຳ​ນັ້ນ​ຕ້ອງ​ມີ​ທັງ​ຄວາມ​ດັ່ງ​ເດີມ ​ແລະ ​ທັນ​ສະໄໝ​ ໝາຍ​ເຖິງ​ຍັງ​ຄົງ​ມີ​ການ​ປະຕິບັດ​ສືບ​ຕໍ່​ກັນ​ມາ​ຈົນ​ຖົງ​ປັດຈຸບັນ​ຢ່າງ​ແຜ່ຫຼາຍ​ ແລະ ​ເປັນ​ສ່ວນໜຶ່ງ​ຂອງ​ອັດຕະ​ລັກ​​ທາງ​ວັດທະນະທຳ​ຂອງ​ຊົນຊາດ​ນັ້ນ​ໆ​ ສືບ​ຕໍ່​ຈາກຮຸ່ນ​ສູ່ຮຸ່ນ​ ແລະ​ ເປັນ​ຮາກ​ຖານ​ຂອງ​ຊຸມ​ຊົນ​ ມີ​ຄຸນຄ່າ​ທັງ​ທາງ​ເສດຖະກິດ​ ແລະ ​ວັດທະນະທຳ​ຕໍ່ມ​ວນມະນຸດ​ ລວມ​ເຖິງ​ປະເທດ​ຊາດ.​

ທັງ​ນີ້​ ເມື່ອ​ເດືອນ​ທັນວາ​ທີ່​ຜ່ານມາ​ ຢູ​ເນສ​ໂກ​ຫາກໍ່​ໃຫ້​ການ​ຍອມ​ຮັບ​ວ່າ​ “ການເປົ່າແຄນ” ດົນຕີ​ທີ່​ເກີດ​ຈາກ​ແຄນ​ ເຄື່ອງ​ດົນຕີ​ປະຈຳ​ຊາດ​ຂອງ​ລາວ​ ເປັນ​ມໍລະດົກ​ໂລກ​ທີ່ຈັບ​ຕ້ອງ​ບໍ່​ໄດ້​ ໂດຍ​ຍ້ອງຍໍ​ວ່າ ສຽງຫຼິ້ນ​ແຄນ​ ເປັນ​ສ່ວນ​ສຳຄັນ​ຂອງ​ງານ​ສັງສັນ​ ​ແລະ ​ພິທີກຳ​ຕ່າງ​ໆ​ໃນ​ລາວ​ ສົ່ງ​ເສີມ​ສະ​ຖາ​ບັ​ນຄອ​ບ​ຄົວ​ ແລະ ຍັງ​ເປັນ​ການ​ສົ່ງ​ເສີມ​ວິ​ຖີ​ຊີວິດ​ກະສິກຳ​ທຳມະຊາດ​ ລວມທັງ​ການ​ອອກ​ກຳ​ລັງ​ກາຍ​ ເນື່ອງ​ຈາກ​ການ​ເປົ່າແຄນ​ມັກ​ມີ​ທັງ​ຜູ້​ຮ່ວມ​ຮ້ອງ,​ ຫຼິ້ນ​ດົນຕີ​ ແລະ ​ຟ້ອນລຳ​ໄປ​ໃນ​ຂະນະ​ດຽວ​ກັນ.

 

ແຫລ່ງຂ່າວ: Sengaloun Sayalath

ບົດຄວາມຫຼ້າສຸດ

ການປັບປຸງກົງຈັກການຈັດຕັ້ງ

ມະຕິ ຂອງ ຄະນະບໍລິຫານງານສູນກາງພັກປະຊາຊົນ ປະຕິວັດລາວ ວ່າດ້ວຍ ການປັບປຸງກົງຈັກການຈັດຕັ້ງ ອີງຕາມມະຕິ ເລກທີ 03/ຄບສພ, ລົງວັນທີ 12 ມີນາ 2025 ວ່າດ້ວຍການປັບປຸງກົງຈັກການຈັດຕັ້ງ ໃຫ້ຮູ້ວ່າ:...

ຖະແຫຼງງານແຂ່ງຂັນສີມືແຮງງານແຫ່ງຊາດ ຄັ້ງທີ IV  ແລະ ກະກຽມແຂ່ງຂັນສີມືແຮງງານອາຊຽນ ຄັ້ງທີ XIV.

ບົດຖະແຫຼງຂ່າວ ຄວາມພ້ອມງານແຂ່ງຂັນສີມືແຮງງານແຫ່ງຊາດ ຄັ້ງທີ IV  ແລະ ກະກຽມແຂ່ງຂັນສີມືແຮງງານອາຊຽນ ຄັ້ງທີ XIV. ກະຊວງແຮງງານ ແລະ ສະຫວັດດີການສັງຄົມ ທີ່ໄດ້ຮັບການມອບໝາຍຈາກລັດຖະບານ ໃຫ້ຮັບຜິດຊອບວຽກງານການພັດທະນາສີມືແຮງງານ ຊຶ່ງກຳນົດຍຸດທະສາດການພັດທະນາສີມີືແຮງງານ ດ້ານປະລິມານໄປຄຽງຄູ່ກັບດ້ານຄຸນນະ...

ຈັບລູກຊາຍຕິດຢາ ໃຈຮ້າຍທີ່ພໍ່ຫ້າມບໍ່ໃຫ້ມົ້ວສຸມຢາເສບຕິດ ເລີຍພະຍາຍາມຄາຕະກຳພໍ່ຂອງຕົນເອງ

ລູກຊາຍທໍລະພີ ກໍ່ເຫດພະຍາຍາມຄາຕະກຳພໍ່ຕົນເອງ ຍ້ອນບໍ່ມັກທີ່ພໍ່ຫ້າມມົ້ວສຸມຢາເສບຕິດ. ວັນທີ 12 ມີນາ 2025 ຜ່ານມາ ປກສ ແຂວງຫົວພັນ ໄດ້ນໍາຕົວທ້າວຫຼວງ ອາຍຸ 23 ປີ ປະຊາຊົນ...

ການຂະຫຍາຍບ່າທາງໂຄງການກໍ່ສ້າງທາງລົດເມດ່ວນ BRT ມີຄວາມຄືບໜ້າຫຼາຍກວ່າ 58%

ອົດໃຈລໍຖ້າ! ການຂະຫຍາຍບ່າທາງໂຄງການກໍ່ສ້າງທາງລົດເມດ່ວນ BRT ມີຄວາມຄືບໜ້າຫຼາຍກວ່າ 58% ມາຮອດປັດຈຸບັນການຂະຫຍາຍບ່າທາງຈຸດປະຕູໄຊ ຫາ 3 ແຍກຄໍາຮຸ່ງໜ້າມະຫາວິທະຍາໄລແຫ່ງຊາດຂອງໂຄງການກໍ່ສ້າງທາງລົດເມດ່ວນ BRT ມີຄວາມຄືບໜ້າຫຼາຍກວ່າ 58% ສ່ວນລະບົບໄຟອໍານາດທີ່ໃຊ້ການບໍ່ໄດ້ ຍ້ອນຜູ້ຮັບເໝົາກໍ່ສ້າງຂະຫຍາຍເສັ້ນທາງສອງຟາກທາງ ສົ່ງຜົນກະທົບກັບສາຍໄຟເຍືອງທາງ...