ອຸປະກອນຊະນິດນີ້ແມ່ນອອກແບບມາໃຫ້ເປັນແບບຜິວຫນັງຊັ້ນທີ 2 ມີຄວາມຢືດຫົດໄດ້ດີ ແລະບາງພຽງ 1 ມິນ, ຕິດຕັ້ງດ້ວຍຈໍສະແດງຜົນ LED ຂະຫນາດນ້ອຍ, ສາມາດຮັບສົ່ງຂໍ້ຄວາມ ແລະສັນຍາລັກສະແດງຄວາມຮູ້ສຶກຜ່ານໂຕລັກສະນະ Emoji ພ້ອມທັງເປັ່ງແສງ Diode ໃຫ້ພໍດີສຳລັບສາຍຕາ ວີທີໃຊ້ກໍງ່າຍດາຍ ດ້ວຍການນຳໄປຕິດໄວ້ບໍລິເວນຜິວຫນັງຝາມື ຫລື ຫລັງມື ແລະ ເມື່ອຮອດກຳນົດການທີ່ເຮົາຕັ້ງຄ່າເວລາໄວ້ ການແຈ້ງເຕືອນກໍຈະເປັ່ງແສງອອກມາທັນທີ. ຜະລິດຕະພັນດັ່ງກ່າວນີ້, ແມ່ນຈະໃຫ້ຄວາມສຳພັດທີ່ບໍ່ຮູ້ສຶກເລີຍວ່າມີຫຍັງຕິດຢູ່ມື ແລະບໍ່ກໍ່ໃຫ້ເກີດການອັກເສບຂອງຜິວຫນັງ ແຕ່ຈະໃຫ້ຄວາມຮູ້ສຶກທີ່ວ່າຜິວຫນັງທຽມນີ້ເປັນສ່ວນຫນື່ງຂອງຮ່າງກາຍ.
ນັກວິໄຈຊີ້ວ່າຜົນງານດັ່ງກ່າວຈະເປັນປະໂຫຍດຕໍ່ບຸກຄະລາກອນທາງການແພດ ແລະເຮັດໃຫ້ຜູ້ປ່ວຍສາມາດສື່ສານ, ສະແດງຂໍ້ມູນທາງການແພດກັບຫມໍຜູ້ຮັກສາປະຈຳຕົວໄດ້ເປັນຢ່າງດີ. ເຫມາະສຳລັບສັງຄົມຜູ້ສູງອາຍຸທີ່ກຳລັງເພີ່ມຂື້ນຢ່າງໄວວາໃນປະເທດຍີ່ປຸ່ນ ທີ່ເຮັດໃຫ້ແພດຫມໍ ຕ້ອງປ່ຽນວິທີການກວດສຸຂະພາບໂດຍການຕິດຕາມຜ່ານອຸປະກອນເອເລັກໂຕຣນິກໄດ້ຢ່າງຕໍ່ເນື່ອງ ທັງນີ້ໃນອະນາຄົດອາດນຳໄປສູ່ການພັດທະນາເປັນອຸປະກອນເຄື່ອງນຸ່ງສຳລັບຜູ້ອອກກຳລັງກາຍ ເພື່ອຕິດຕາມອັດຕາການເຕັ້ງຂອງຫົວໃຈ ຫລື ກວດສອບເສັ້ນທາງການແລ່ນ.
ທາງດ້ານບໍລິສັດແມ່ນຄາດການວ່າຈະວາງຈຳຫນ່າຍໃນອີກ 3 ປີ ຂ້າງຫນ້າ
ແຫລ່ງຊ່າວຕ່າງປະເທດ TRN