spot_img
Homeຂ່າວຕ່າງປະເທດອັນດັບແຂ່ງຂັນເສດຖະກິດໂລກ ສະວິດເຊີແລນ ອັນດັບ 1 ສ່ວນ ສປປລາວ ຕິດອັນດັບ 93!

ອັນດັບແຂ່ງຂັນເສດຖະກິດໂລກ ສະວິດເຊີແລນ ອັນດັບ 1 ສ່ວນ ສປປລາວ ຕິດອັນດັບ 93!

Published on

 

ອົງກອນ ເວີນ ອີໂຄໂດມິກ ຟໍຣຳ  ຈັດອັນດັບປະເທດທີ່ມີສັກກະຍະພາບໃນການແຂ່ງຂັນທາງເສດຖະກິດຂອງໂລກ

ປະຈຳປີ 2014 ສະລິດເຊີແລນ ຄອງອັນດັບ 1 ສ່ວນ ສປປລາວ ຢູ່ອັນດັບທີ 93.

 

ສຳນັກຂ່າວຕ່າງປະເທດລາຍງານ ໃນວັນທີ 4 ກັນຍາ 2014 ນີ້ວ່າ ອົງກອນ ເວີນ ອີໂຄໂດມິກ ຟໍຣຳ (Wold Economic

Forum) ໄດ້ເປີດເຜີຍຜົນການຈັດອັນດັບ ປະເທດທີ່ມີສັກກະຍະພາບໃນການແຂ່ງຂັນທາງດ້ານເສດຖະກິດສູງທີ່ສຸດ

ໃນໂລກ ປະຈຳປີ 2014 ໂດຍໃຊ້ຫຼັກເກນໃນການວັດແທກຫຼາຍປັດໃຈ ເປັນຕົ້ນແມ່ນສະຖາບັນຕ່າງໆພາຍໃນປະເທດ,

ລະບົບພື້ນຖານໂຄງລ່າງ, ລະບົບສາທາລະນະສຸກ ແລະ ການສຶກສາ, ຂະໜາດຂອງຕະຫຼາດ, ສະພາບແວດລ້ອມທາງ

ດ້ານເສດຖະສາດມະຫາພາກ ແລະ ຍັງມີປັດໃຈອື່ນໆອີກ ໂດຍການສຳຫຼວດກຸ່ມຜູ້ນຳເສດຖະກິດ ໄດ້ປະເມີນສັກກະຍະ

ພາບ ແລະ ຄວາມໂປ່ງໃສຂອງລັດຖະບານ ປະກົດຜົນວ່າ ປະເທດສະວິດເຊີແລນ ຄອງອັນດັບທີ 1 ເປັນປີທີຫົກຕິດຕໍ່

ກັນ ເຖິງແມ່ນວ່າຍັງມີປັນຫາເລື່ອງສີມືແຮງງານ, ສ່ວນປະເທດສິງກະໂປ ຍຶດອັນດັບທີ 2 ຕິດຕໍ່ຈາກປີທີ່ແລ້ວ ໃນຂະ

ນະທີ່ສະຫະລັດອາເມຣິກາ  ຫຍັບຂຶ້ນມາຈາກອັນດັບ 5 ມາເປັນອັນດັບທີ 3 ໃນປີນີ້ ຫຼັງຈາກເຄີຍຄອງອັນດັບ 1 ເມື່ອ 7

ປີກ່ອນ ແຕ່ໄດ້ຕົກຕ່ຳລົງມາເລື້ອຍໆ ຈາກການປະເຊີນກັບວິກິດການທາງການເງິນ.

 

ສ່ວນອັນດັບທີ 4 ຫາອັນດັບທີ 10 ແມ່ນລຽງຕາມລຳດັບຄື: ແຟັງລັງ, ເຢຍລະມັນ, ຍີ່ປຸ່ນ, ຮົ່ງກົງ, ໂຮນລັງ, ອັງກິດ

ແລະ ສະວີເດັນ.  ສ່ວນຈີນແມ່ນໄດ້ຫຍັບຈາກອັນດັບທີ 29 ເປັນອັນດັບທີ 28 ໃນປີນີ້, ຂະນະທີ່ຣັດເຊຍກໍໄດ້ຫຍັບຈາກ

ອັນດັບທີ 64 ມາເປັນ 53, ແຕ່ອິນເດຍແມ່ນໄດ້ຕົກຈາກອັນດັບທີ 60 ມາເປັນອັນດັບທີ 71 (ຕົກ 11 ອັນດັບ).

 

ສຳລັບອັນດັບໃນກຸ່ມປະເທດອາຊີຕາເວັນອອກສ່ຽງໃຕ້ (ອາຊຽນ) ນອກເໜືອຈາກສິງກະໂປທີ່ຕິດອັນດັບ 2 ແລ້ວ

ແມ່ນປະກອບດ້ວຍ ມາເລເຊຍ ອັນດັບທີ 20, ໄທ ອັນດັບທີ 31, ອິນໂດເນເຊຍ ອັນດັບທີ 34, ຟິລິບປິນ ອັນດັບທີ 52,

ຫວຽດນາມ ອັນດັບທີ 68, ສປປ ລາວ ອັນດັບທີ 93, ກຳປູເຈຍ ອັນດັບທີ 95 ແລະ ມຽນມາ ອັນດັບທີ 134.

 

ສຳລັບປະເທດທີ່ມີອັນດັບຕ່ຳທີ່ສຸດ ຄືອັນດັບທີ 144​ ແມ່ນປະເທດກີນີ ເຊິ່ງເປັນປະເທດຕົ້ນຕໍຂອງການລະບາດເຊື້ອ

ອີໂບລາໃນຮອບໃໝ່ປັດຈຸບັນນີ້.

 

 

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...