ວັນທີ 3 ກຸມພາ 2018 ທີ່ຜ່ານມາ ຢູ່ທີ່ເຂດເສດຖະກິດພິເສດສາມຫຼ່ຽມຄຳ ທ່ານ ຈ້າວເຫວີ່ຍ ປະທານສະພາບໍລິຫານເຂດເສດຖະກິດພິເສດ ໄດ້ຖະແຫຼງປະຕິເສດຕໍ່ຂໍ້ກ່າວຫາຂອງກະຊວງການເງິນສະຫະລັດ, ທ່ານກ່າວວ່າການກ່າວຫາຕໍ່ຕົນເອງແລະຕໍ່ກຸ່ມບໍລິສັດດອກງິ້ວຄຳ ກໍຄືເຂດເສດຖະກິດພິເສດສາມຫຼ່ຽມຄຳ ຂອງສະຫະລັດ ເປັນຄວາມເຂົ້າໃຈຜິດອັນຍິ່ງໃຫຍ່ ເພາະພວກຕົນຈະໄປລົງທຶນເຮັດທຸລະກິດຢູ່ໃສ ກໍເຄົາລົບແລະປະຕິບັດຕາມກົດໝາຍຂອງປະເທດນັ້ນ. ການກ່າວຫາປະເທດອື່ນຂອງສະຫະລັດ ເປັນການເບັ່ງອິດທິພົນແຕ່ພຽງຝ່າຍດຽວ. ແທນທີ່ສະຫະລັດຈະກ່າວຫາຜູ້ອື່ນ ສະຫະລັດຄວນໃຫ້ການສະໜັບສະໜຸນຊ່ວຍເຫຼືອເຂດຫ່າງໄກສອກຫຼີກ, ເຮັດແນວມີປະໂຫຍດ ແລະຮັບຜິດຊອບຕໍ່ການກະທຳຂອງຕົນເອງ. ລາຍລະອຽດຂອງຖະແຫຼງການມີດັ່ງນີ້:
