ໃນວັນທີ 4 ກຸມພາ 2018 ທີ່ຈະຮອດນີ້ ວົງການດາລາສາດກໍ່ກຳລັງຈັບຕາການເຄື່ອນຜ່ານສຽດໂລກຂອງດາວເຄາະນ້ອຍຂະໜາດໃຫຍ່ປະມານ 1,300 ແມັດ ທີ່ມີຊື່ວ່າ 2002 AJ129 ເຊິ່ງເປັນການເຄື່ອນເຂົ້າໃກ້ຂອງວັດຖຸນອກໂລກດັ່ງກ່າວ ແຕ່ບໍ່ເປັນອັນຕະລາຍຕໍ່ໂລກ

ຄວາມຈິງແລ້ວ 2002 AJ129 ນັ້ນບໍ່ແມ່ນດາວເຄາະນ້ອຍດວງໃໝ່ທີ່ຫາກໍ່ຮູ້ຈັກນັກດາລາສາດຂອງອົງການບໍລິຫານການບິນ ແລະ ອາວະກາດແຫ່ງຊາດສະຫະລັດອາເມລິກາ ຫຼື ອົງການນາຊາ ເຜີຍວ່າ ໄດ້ຕິດຕາມເຝົ້າເບິ່ງດາວເຄາະນ້ອຍມາດົນກວ່າ 14 ປີ ແລະ ຄຳນວນຢ່າງແມ້ນຢຳວ່າມັນມີວົງໂຄຈອນຂະໜາດນ້ອຍໃຫຍ່ພຽງໃດ ພ້ອມລະບຸວ່າດາວເຄາະນ້ອຍດັ່ງກ່າວບໍ່ມີໂອກາດເຂົ້າຊົນໂລກຂອງເຮົາໃນຊ່ວງໄລຍະເວລາ 100 ປີຕໍ່ໜ້າ

ຢ່າງໃດກໍ່ຕາມ ນັກດາລາສາດກ່າວວ່າດາວເຄາະນ້ອຍ 2002 AJ129 ທີ່ຈະຜ່ານໃກ້ໂລກໃນວັນອາທິດທີ່ຈະຮອດນີ້ ຈະເຄື່ອນຕົວດ້ວຍຄວາມໄວຫຼາຍກວ່າ 10 ເທົ່າຂອງໄລຍະຫ່າງລະຫວ່າງໂລກກັບດວງຈັນ ຫຼື ປະມານ 4,160,000 ກິໂລແມັດ