spot_img
Homeວັນນະກຳ65 ປີທີ່​ວຽງ​ຈັນ​ເປັນ​ເມືອງ​ຮ້າງ

65 ປີທີ່​ວຽງ​ຈັນ​ເປັນ​ເມືອງ​ຮ້າງ

Published on

ນະຄອນຫລວງ​ວຽງ​ຈັນ​​ໄດ້​ຈະ​ເລີ​ນຮຸ່ງ​ເຮືອງ​ສູງ​ສຸດ ຈົນ​ເປັນ​ທີ່​ລືຊາ​ຢູ່​ອາຊີ​ຕາ​ເວັນ​ອອກສຽງ​ໃຕ້​ໃນອາດີດນັ້ນ ນອກຈາກ​ຕຳລາ​ປະຫວັດສາດ​ລາວ​ບັນ​ທຶກ​ໄວ້​ແລ້ວ ກໍ​ຍັງ​ມີ​ບົດ​ບັນທຶກ​ຈາກ​ນັກ​ທ່ອງ​ທ່ຽວ ພໍ່ຄ້າ​ຊາວ​ຂາຍ​ຈາກ​ປະ​ເທດ​ອື່ນ ​ໂດຍ​ສະ​ເພາະ​ແມ່ນ​ຊາວ​ຢູ​ໂຣບທີ່​ມາລາ​ວ​ໃນ​ຊຸມ​ປີ 1640 ​ເພິ່ນ​ໄດ້​ຂຽນ​ເຖິງ ​ເຫດການ​ຕອນ​ນັ້ນ​ວ່າ: ວຽງຈັນມີຄວາມຈະ​ເລີ​ນຮຸ່ງ​ເຮືອງ​ທີ່​ສຸດ ​ແຕ່​ພໍ​ສິ້ນ​ສຸດ​ລາຊະ​ການ​ພະ​ເຈົ້າ​ສຸລິຍະ​ວົງສາ ​ໃນ​ປີ 1690 ຄວາມ​ຮຸ່ງ​ເຮືອງ​ນັ້ນ​ກໍ​ເລີ່ມຊຸດ​ໂຊມ​ລົງ ຍ້ອນ​ຂ້າ​ເສີກ​ມາ​ທຳລາຍ​ມ້າງ​​ເພ, ຈູດ​ເລົາ​ເຜົາ​ໄຫມ້ ​ແລະ ​ເກັບ​​ເກນ​ເອົາຄົນ​ລາວ​ໄປ. ມາ​ຮອດ​ປີ 1828 ນະຄອນຫລວງ​ວຽງ​ຈັນ​ກໍ​ເປັນ​ເມືອງ​ຮ້າງ​ຈົນ​ຮອດ​ປີ 1893.

​ໄລຍະ 65 (1828-1893) ປີ ທີ່​ວຽງ​ຈັນ​ເປັນ​ເມືອງ​ຮ້າງ​ນັ້ນ ຕົ້ນ​ໄມ້​ໃບ​ຫຍ້າ​ໄດ້​ເກີດ​ຫຸ້ມ​ຫໍ່​ຊາກ ສະຫລັກ​ຫັກ​ພັງ ທີ່​ໄຟ​ບໍ່​ສາມາດ​ໄຫມ້​ໄດ້​ຫມົດ​ນັ້ນ ​ຢູ່​ທ່າມກາງ​ປ່າດົງ​ພົງ​ໄພ​ອັນ​ຕຶບ​ຫນາ ວຽງ​ຈັນ​ກາຍ ​ເປັນ​ປ່າຊ້າ​ງດົງ​ເສືອ ​ເປັນ​ເຮືອນ​ຮ້າງ​ຂອງ​ນົກ​ ຫມູ ປູ​ຈີ່… ຕາມ​​ເຖົ້າ​ແກ່​ບູຮາ​ນ​ເວົ້າ​ວ່າ: “ຕອນ​ນັ້ນ​ຈະ ​ເຂົ້າ​ໄປ​ກາງ​ເວັນ​ກໍ​ເປັນຕາ​ຢ້ານ​ແລ້ວ” ບາງ​ຄົນ​ກໍ​ເວົ້າ​ວ່າ: “ລ່ອງ​ເຮືອ​ຕາມ​ລຳ​ນ້ຳຂອງ​ກາຍ​ນະຄອນ ຫລວງ​ວຽງ​ຈັນ​ຮ້າງ​ໄດ້​ຍິນ​ແຕ່​ສຽງ​ຮ້ອງ​ໄຫ້​ຮໍ່າ​ໄຮ ຈາ​ກຜີ​ພໍ່​ຜີ​ແມ່ຢ່າງ​ສະຫຍອງ​ຂວັນ ມັນ​ເປັນ​ແນວ​ນັ້ນ ​​ໄດ້​ເກືອບ​ຊາວ​ປີ ສຽງ​ນັ້ນ​ຈິ່ງ​ຈາງ​ຫາຍ​ໄປ”.

ມາ​ຮອ​ດປີ 1893 ວຽງ​ຈັນ​ຮ້າງ​ໄດ້​ຖືກ​ແບ່ງ​ເປັນ 2 ຟາກ​ຝັ່ງ(ວຽງຈັນເດີມແທ້ກວມເອົາຝາກຝັ່ງແມ່ນໍ້າຂອງຄືຝາກຈັງຫວັດຫນອງຄາຍ) ​ແລ້ວ​ຕໍ່​ມາ​ຈິ່ງ​ມີ​ຄົນ​ຈາກ​ຫລາຍ​ເຂດ​ຫລາຍ​ບ່ອນ​ເຂົ້າ​ຢູ່​ອາ​ໄສ. ຈາກ​ປີ 1893 ມາ​ເຖິງ​ປະຈຸ​ບັນ ​ເວລາ​ຜ່ານ​ໄປ​ໄດ້ 124 ປີ ດັ່ງ​ນັ້ນ ຈິ່ງສາມາດ​ເວົ້າ​ໄດ້​ວ່າ ຜູ້​ເພິ່ນ​ມີ​ອາຍຸ​ຍືນ​ປັດຈຸບັນ (ຄົນ​ວຽງ​ຈັນ) ຍັງ​ໄດ້​ຍິນ​ໄດ້​ຟັງ​ຈາກ​ປາກ​ຜູ້​ເຫັນ​ຕົວ​ຈິງ ​ເລົ່າ​ເລື່ອງ​ເມືອງ​ຮ້າງ​ວຽງ​ຈັນ​​ໃຫ້​ຟັງ ​ແລະ ຈາກ​ປີ 1893 ຊາວ​ວຽງ​ຈັນ ​ແລະ ຊາວ​ຕ່າງ​ດ້າວ​ທີ່​ໄດ້​ເຂົ້າ ມາ​ຢູ່​ກໍ​ໄດ້​ພ້ອມ​ກັນ​ພັດທະນາ​ວຽງ​ຈັນ ​ໂດຍ​ຜ່ານ​ຜ່າ​ອຸປະສັກ​ນາໆ​ປະການ. ຍ້ອນ​ຄວາມ​ຮັກ​ເຊື້ອ​ແພງ ຊາດ​ຮັກ​ບ້ານ​ເກີດ​ເມືອງ​ນອນ ມີ​ຄວາມ​ມານະ​ອົດທົນປະຊາຊົນ​ລາວ​ກໍ​ໄດ້​ເປັນ​ເຈົ້າ​ຂອງ​ປະ​ເທດ, ປົດ ປ່ອຍ​ຕົນ​ເອງ​ຈາກ​ການ​ເປັນ​ຫົວ​ເມືອງ​ຂຶ້ນ​ຂອງ​ຕ່າງ​ຊາດ​ໃນ​ປີ 1975, ນະຄອນ​ຫລວງ​ວຽງ​ຈັນ​ກໍ​ໄດ້​ຮັບ ການ​ພັດທະນາ​ມາ​ເປັນ​ກ້າວໆ .

 

ຂຽນໂດຍ: ສ. ສົມພົງ ສຸກສາຄອນ (http://raosukunfung.com)

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...