ເມື່ອວັນທີ 24 ມັງກອນ 2018 ບີບີຊີລາຍງານວ່າ ກອງກຳລັງປະສົມນຳໂດຍສະຫະລັດອາເມລິກາໃນພາລະກິດຕໍ່ຕ້ານກຸ່ມກຳລັງລັດອິດສະລາມ ຫຼື ໄອເອສຖະແຫຼງຜົນການໂຈມຕີທາງອາກາດວ່າ ໄດ້ສັງຫານນັກຮົບໄອເອສເຖິງ 150 ຄົນ ທີ່ສຳນັກງານກອງບັນຊາການໃຫຍ່ ແລະ ສູນຄວບຄຸມຂອງໄອເອສ
ແນວຮ່ວມສະຫະລັດຖະແຫຼງຜົນການຖະລົ່ມເມື່ອວັນທີ 20 ມັງກອນ ທີ່ຜ່ານມາໃນເຂດແມ່ນ້ຳຢູເຟຣຕິສພາກກາງຂອງປະເທດຊີເຣຍ ທີ່ແຂວງ ເດຍເອຊຊໍ
ຖະແຫລງການຂອງກຸ່ມກຳລັງປະສົມລະບຸອີກວ່າ ການໂຈມຕີລະຫວ່າງນັກຮົບໄອເອສຮວມຕົວເປັນກຸ່ມຂະໜາດໃຫຍ່ເພື່ອເຄື່ອນ ໄຫວ ພາລະກິດດັ່ງກ່າວໄດ້ຮັບຄວາມຊ່ວຍເຫຼືອດ້ານສັງເກດການຈາກກອງກຳລັງປະຊາທິປະໄຕຊີເຣຍ ຫຼື ເອສດີເອຟ ຕະຫຼອດຈົນຮອດກອງກຳລັງທີ່ສະໜັບສະໜູນລັດຖະບານຊີເຣຍ ເຊິ່ງສະໜັບສະໜູນໂດຍປະເທດຣັດເຊຍກັບອີຫຼ່ານ