spot_img
Homeສຸຂະພາບ ແລະ ສີ່ງແວດລ້ອມເປັນຫ່ວງນຳອາຫານໂຮງຮຽນ

ເປັນຫ່ວງນຳອາຫານໂຮງຮຽນ

Published on

 

ກ້າວເຂົ້າສູ່ສົກຮຽນໃຫມ່ໃນແຕ່ລະປີ ພໍ່ແມ່ຜູ້ປົກຄອງກໍມີຫລາຍອັນທີ່ເປັນຫ່ວງນຳລູກຫລານຂອງຕົນ, ເປັນ

ຫ່ວງນຳຄ່າຮຽນຈະຖືກ ຫລື ແພງ, ຫ່ວງນຳໂຮງຮຽນນັ້ນນີ້ວ່າຈະສອນດີ – ຮຽນດີຫລືບໍ່ ? ຢ້ານລູກໂຕນຫ້ອງຮຽນ

ໄປຫລິ້ນເກມ ຫລື ແທງການພະນັນບານ ທີ່ພວມພົ້ນເດັ່ນໃນປັດຈຸບັນ ແລະ ຮ້າຍແຮງໄປກວ່ານັ້ນ ແມ່ນເລື່ອງ

ອາຫານການກິນໃນໂຮງຮຽນຍິ່ງມີຄວາມເປັນຫ່ວງ ເພາະວ່າໃນຜ່ານມາ ມີຫລາຍໂຮງຮຽນເພິ່ນຈະຜູກຂາດເລື່ອງ

ການບໍລິການອາຫານໃນໂຮງຮຽນຂອງໃຜມັນ, ໂດຍຈະມອບໃຫ້ຜູ້ປະກອບການດ້ານນີ້ເຂົ້າມາສຳປະທານ ດ້ວຍ

ການແບ່ງຜົນປະໂຫຍດເຊຶ່ງກັນ ແລະ ກັນລະຫ່ວາງ ໂຮງຮຽນ ແລະ ຜູ້ເຮັດບໍລິການ ແລະ ນີ້ກໍເປັນການດີຖ້າເຮົາ

ຫາກມີການຄຸ້ມຄອງກວດກາອາຫານເຫຼົ່ານັ້ນຄື: ການວາງລາຄາສອດຄ່ອງແລ້ວບໍ ? ຄຸນນະພາບ ແລະ ຄວາມ

ສະອາດເດເປັນແນວໃດ? ແຕ່ແມ່ນໃຜຈະເປັນຜູ້ເຮັດວຽກດ້ານນີ້, ຖ້າເວົ້າໃນເລືອງລະບຽບການ ແລະ ຄວາມຮັບ

ຜິດຊອບແລ້ວ ກໍອາດເປັນຄວາມຮັບຜິດຊອບຂອງກົມອາຫານ ແລະ ຢາ (ອຢ) ຈະຕ້ອງໄດ້ຈິງຈັງໃນເລື່ອງນີ້, ເພາະ

ຜ່ານມາກໍມີການສ່ອງແສງຂອງນັກຮຽນ ແລະ ຜູ້ປົກຄອງມາແລ້ວ ໃນເລື່ອງລາຄາ ແລະ ຄວາມສະອາດ ຂອງອາ

ຫານຢູ່ຫລາຍໂຮງຮຽນ, ຜູ້ສ່ອງແສງມາເວົ້າວ່າ: ບາງຄັ້ງກຽມຕັກຖ້ວຍເຂົ້າປຽກເຂົ້າປາກ ກໍແນມເຫັນແມງວັນ

ຕາຍແຊ່ຢູ່ອື່ງລື່ງ, ບາງຄັ້ງກໍແມ່ນເສັ້ນຜົມຈົນກ້ຽວລົງໄປຮອດກົກລີ້ນກໍມີ ແລະ ອາຫານຫລາຍເຍື່ອງກໍມີແຕ່ແປ້ງ

ນົວ ຫລື ຄະນໍເພື່ອຍົວະລົດຊາດຂອງຜູ້ບໍລິໂພກ, ໂດຍບໍຄຳນຶງເຖິງຄວາມປອດໄພຂອງອາຫານ ແລະ ຄຸນະພາບ

ທາງດ້ານໂພສະນາການແຕ່ຢ່າງໃດ ແລະ ຍັງບໍ່ທັນເວົ້າຮອດເລື່ອງລາຄາ ເຊຶ່ງມີຫລາຍອັນຍັງບໍ່ເຫມາະສົມ, ໂດຍ

ສ່ວນໃຫຍ່ຜູ້ບໍລິການເຫລົ່ານັ້ນ ມັກເຫັນແຕ່ກຳໄລຫລາຍກວ່າ ເພາະເຂົາເຈົ້າຄິດວ່າຢູ່ທີ່ນັ້ນຈະບໍມີຄູ່ແຂ່ງອື່ນໃດ

ເຂົ້າມາແກ້ງແຍ່ງຕົນໄດ້ອີກແລ້ວ. ເມື່ອເປັນເຊັ່ນນີ້ຈະບໍ່ໃຫ້ພໍ່ແມ່ຜູ້ປົກຄອງເດັກເປັນຫ່ວງແນວໃດ ແລະ ຕໍ່ບັນ

ຫານີ້ພາກສ່ວນກ່ຽວຂ້ອງ ຈະມີວິທີການແກ້ໄຂແນວໃດ ເພື່ອອະນະຄົດອັນສົດ ໃສຂອງລູກຫລານພວກເຮົາ.

 

ສ່ວນຢູ່ເບື້ອງນອກ ກໍຢາກນຳສະເຫນີໃຫ້ເບິ່ງຄືນເລື່ອງການກວດກາອາຫານນຳເຂົ້າ, ເຊຶ່ງປະຊາຊົນເຮົາຍັງມີ

ຄວາມສ່ຽງຫລາຍຕໍ່ຄວາມປອດໄພຂອງອາຫານ ເພາະພວກເຮົາຍັງຂາດອຸປະກອນ ແລະ ເຄື່ອງມືທີ່ທັນສະໄຫມ

ໃນການກວດກາ ແລະ ຫ້າມການນຳເຂົ້າອາຫານເຫລົ່ານັ້ນຄື ເຄື່ອງໃນສັດ, ໄກ່ປອກ, ອາຫານທະເລ ແລະ ຫມາກ

ໄມ້ຈຳນວນຫນຶ່ງທີ່ແຊ່ຟ໋ອກໂມນ ຫລື ສານກັນບູດເພື່ອຄວາມສົດຂອງອາຫານ, ແຕ່ສານເຫລົ່ານັ້ນ ລ້ວນແຕ່

ເປັນຜິດຕໍ່ຮ່າງກາຍຂອງຄົນເຮົາ. ດັ່ງການລົງກວດກາຕະຫລາດຫລາຍແຫ່ງໃນນະຄອນຫລວງວຽງຈັນ ຂອງ

ເຈົ້າຫນ້າທີ່ (ອຢ) ແລະ ກໍພົບເຫັນຫລາຍໃນການນຳໃຊ້ສານດັ່ງກ່າວເຂົ້າໃນອາຫານ ແລະ ສິ່ງນີ້ພວກເຮົາບໍຄວນ

ຖືເບົາມັນຄືຕົວສັດຕູອັນໂຫດຮ້າຍເພື່ອທຳລາຍມະນຸດຄົນເຮົາ.

 

ບົດຄວາມຈາກ: ລາວພັດທະນາ

 

ບົດຄວາມຫຼ້າສຸດ

ສສ ຫວຽດນາມ ຕັ້ງເປົ້າໃຫ້ພາສາອັງກິດ ເປັນພາສາທີສອງ ໃນປີ 2035

ຫວຽດນາມປັບແຜນການຮຽນຄັ້ງສຳຄັນໃນປະເທດ ໂດຍຕັ້ງເປົ້າໃຫ້ພາສາອັງກິດເປັນພາສາທີສອງ ພາຍໃນປີ 2035 ເຊິ່ງຈະຄ່ອຍໆເລີ່ມໃນແຕ່ລະໂຮງຮຽນທົ່ວປະເທດ. ສຳລັບໂຄງການນີ້ ແມ່ນເລີ່ມແຕ່ປີ 2025 ໄປຈົນເຖິງປີ 2035 ແລະ ມີແຜນຈະຂະຫຍາຍໄປຕື່ມຈົນຮອດປີ 2045 ໂດຍກຳລັງຄັດເລືອກວິທະຍາໄລ ແລະ...

ເປີດການນໍາໃຊ້ຢ່າງເປັນທາງການ ທ່າທຽບເຮືອເລກ 3 ທ່າເຮືອສາກົນ ລາວ-ຫວຽດ

ຄະນະຜູ້ແທນຂັ້ນສູງ ພັກ, ລັດ ແຫ່ງ ສປປ ລາວ ນໍາໂດຍ ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນປະຕິວັດລາວ ປະທານປະເທດ ແຫ່ງ...

ຫຼາຍເພຈໃນລາວຖືກແອບອ້າງ!

ເຕືອນໄພ! ທາງສື່ສັງຄົມອອນລາຍ ປັດຈຸບັນໄດ້ມີກຸ່ມຄົນບໍ່ດີ ຫຼື ມິດສາຊີບ ພະຍາຍາມສ້າງເພຈປອມຂອງສຳນັກຂ່າວຕ່າງໆຂຶ້ນຫຼາຍ. ເມື່ອ 2 ອາທິດທີ່ຜ່ານມານີ້, ຜູ້ນຳໃຊ້ສື່ສັງຄົມອອນລາຍພົບເຫັນເພຈປອມທີ່ແອບອ້າງເປັນເພຈຂອງສຳນັກຂ່າວເພື່ອຍິງໂຄສະນາຂາຍສິນຄ້າຕ່າງໆ ໂດຍໄດ້ນຳໃຊ້ໂລໂກ້, ພາບໜ້າປົກ, ຂໍ້ມູນຂ່າວລົງໃນເພຈປອມເພື່ອໃຫ້ຜູ້ອ່ານເຊື່ອຖື ຫຼັງຈາກນັ້ນແມ່ນຍິງໂຄສະນາ ແລະ...

ພະຍາກອນອາກາດ ເຊົ້າວັນທີ 28 ເມສາ 2025

ພາກເໜືອ-ພາກກາງກຽມຮັບມື ສະພາບອາກາດຮ້ອນ-ຮ້ອນເອົ້າ ອຸນຫະພູມສູງສຸດ 40 ອົົງສາ ຄວາມກົດດັນຕ່ຳຂອງອາກາດຮ້ອນຈະປົກຄຸມຢູ່ທົ່ວທຸກພາກຂອງ ປະເທດລາວ ດ້ວຍກໍາລັງອ່ອນ, ສົມທົບກັບກະແສລົມຕາເວັນຕົກ-ຕາເວັນຕົກສ່ຽງໃຕ້ພັດປົກຄຸມ, ຊຶ່ງຈະເຮັດໃຫ້ອາກາດຮ້ອນຫາຮ້ອນເອົ້າ ແລະ ຈະມີຝົນຕົກຟ້າຮ້ອງ, ຟ້າເຫລື້ອມໃນລະດັບຄ່ອຍຫາປານກາງພ້ອມມີລົມພັດແຮງຢູ່ບາງທ້ອງຖິ່ນໃນແຕ່ລະພາກຕື່ມອີກ. ພະຍາກອນອາກາດ ແຕ່ເວລາ 07...