spot_img
Homeຂ່າວຕ່າງປະເທດປະເດັນສຳຄັນລະດັບໂລກໃນການຮັບຮອງເອົາເມືອງ ເຢຣູຊາເລັມ ເປັນເມືອງຫລວງຂອງ ອິດສະຣາແອນ

ປະເດັນສຳຄັນລະດັບໂລກໃນການຮັບຮອງເອົາເມືອງ ເຢຣູຊາເລັມ ເປັນເມືອງຫລວງຂອງ ອິດສະຣາແອນ

Published on

ສືບເນື່ອງມາຈາກການປະກາດຮັບຮອງເອົາ ນະຄອນເຢຣູຊາເລັມ ເປັນເມືອງຫລວງຂອງ ປະເທດອິດສະຣາແອນ ທ່າມກາງສຽງວິຈານ ແລະ ຕຳນິຈາກຜູ້ນຳປະເທດທົ່ວໂລກວ່າ ເປັນການກໍ່ໄຟຄວາມຂັດແຍ້ງ ແລະ ທຳລາຍສັນຕິພາບໃນແຖບຕາເວັນອອກກາງຂອງ ຜູ້ນຳປະເທດສະຫະລັດອາເມລິກາ ໂດນອລ ທຣໍ້າ.

 

        US President Donald Trump 

ໃນວັນທີ 6 ທັນວາ 2017 ທີຜ່ານມາປະທານປະເທດສະຫະລັດອາເມລິກາ ໂດນອລ ທຣໍ້າ ໄດ້ຖະແຫລງການລົງນາມປະກາດຮັບຮອງເອົາ ນະຄອນເຢຣູຊາເລັມ ເປັນເມືອງຫລວງຂອງ ປະເທດອິດສະຣາແອນ ຢ່າງຊັດເຈນ, ເນື່ອງຈາກຄຳສັ່ງເລື່ອນການບັງຄັບໃຊ້ກົດຫມາຍວ່າດ້ວຍການສ້າງຕັ້ງສະຖານທູດສະຫະລັດອາເມລິກາ ໃນປະເທດອິດສະຣາແອນ ທີ່ມີຜົນຕັ້ງແຕ່ປີ 1995 ແລະ ຕ້ອງຕໍ່ເວລາ ທຸກໆ 6 ເດືອນ ທີ່ຫມົດອາຍຸລົງໃນວັນທີ 4 ທັນວາຜ່ານມານີ້.

 

ດັ່ງທີ່ຮູ້ກັນດີວ່າ ເມືອງດັ່ງກ່າວ ແມ່ນມີບົດບາດສຳຄັນຫລາຍຕໍ່ທາງສາດສະຫນາ ມຸດສະລິມ, ຍິວ ແລະ ຄິສ ເພາະມີສະຖານທີ່ສັກສິດຫລາຍແຫ່ງ ແຕ່ມັນກໍມີຄວາມສຳຄັນທາງດ້ານການເມືອງຢ່າງສູງເຊັ່ນກັນ.

ວັນທີ 17/12/2017 ທີ່ຜ່ານມາ ສຳນັກຂ່າວຕ່າງປະເທດ ລາຍງານວ່າກຸ່ມຜູ້ຊຸມນຸມປາເລສໄຕລ໌ ປະມານ 30 ຄົນ ລວມຕົວບໍລິເວນໂບສພຣະຄິສສົມພົບ ເຊີ່ງເຊື່ອວ່າ ເປັນສະຖານທີ່ປະສູດຂອງພະເຍຊູ ໃນເມືອງເບຣເລເຮມ ພ້ອມທັງຈຸດໄຟເຜົາປ້າຍ ທີ່ມີຮູບຂອງ ໄມຄ໌ ເພນຊ໌ ຮອງປະທານປະເທດ ແລະ ໂດນອລ ທຣໍ້າ ຜູ້ນຳສະຫະລັດອາເມລິກາ ໃນການຮອງຮັບເອົາເມືອງຫລວງດັ່ງກ່າວ ເປັນເມືອງຫລວງແຫ່ງ ປະເທດອິດສະຣາແອນ. ຖືວ່າເປັນການປະທ້ວງຄັ້ງໃຫຍ່ສຸດ ນັບຕັ້ງແນ່ຜູ້ນຳສະຫະລັດ ໄດ້ປະກາດຮັບຮອງ ນະຄອນເຢຣູຊາເລັມ ແລະ ຊາວມຸດສະລິມອີກ 80.000 ຄົນ ໃນເມືອງຈາກາຕາ, ປະເທດ ອິນໂດເນເຊຍ ໄດ້ຮ່ວມຕົວກັນດ້ານນອກ ສະຖານທູດ ອາເມລິກາ ປະຈຳນະຄອນຫລວງຈາກາຕ້າ ແລະ ບໍລິເວນອອ້ອມອານຸສາວະລີແຫ່ງຊາດ ເພື່ອປະທ້ວງຕໍ່ຕ້ານການຮັບຮອງ ນະຄອນເຍລູຊາເລັມ ເປັນເມືອງຫລວງຂອງປະເທດອິດສະຣາແອນ.

ໃນການຊຸມນຸມຄັ້ງນີ້ແມ່ນຈຸດປະສົງ ເພື່ອປະທ້ວງຕໍ່ຕ້ານການຮັບຮອງ ນະຄອນເຢຣູຊາເລັມ ເປັນເມືອງຫລວງຂອງປະເທດອິດສະຣາແອນ. ກ່ອນທີ່ຮອງປະທານປະເທດ ສະຫະລັດອາເມລິກາ ຈະເດີນທາງໄປ ປະເທດອິດສະຣາແອນ ແລະ ຂົງເຂດຕາເວັນອອກກາງຢ່າງເປັນທາງການ ໃນວັນທີ 20 ທັນວາ ນີ້.

ດ້ານນັກການທູດປະຈຳອົງການສະຫະປະຊາຊາດ ກ່າວວ່າ ຄະນະລັດຖະມົນຕີຄວາມຫມັ້ນຄົງແຫ່ງສະຫະປະຊາຊາດ ຫລື UNSC ກຽມຄັດຄ້ານການຮັບຮອງ ນະຄອນເຍລູຊາເລັມ ເປັນເມືອງຫລວງຂອງປະເທດອິດສະຣາແອນ, ເນື່ອງຈາກການຕັດສິນໃຈໃນຄັ້ງນີ້ ແມ່ນກໍໃຫ້ເກີດຄວາມຂັດແຍ້ງຢ່າງໃຫຍ່ຫລວງລະຫວ່າງປະເທດ ຂະນະນີ້ມີຫລາຍຝ່າຍຄາດການວ່າ ສະຫະລັດອາເມລິາ ຄົງຈະໃຊ້ສິດຍັບຢັ້ງການລົງມະຕິຄັດຄ້ານໃນມື້ນີ້.

 

ຮ່າງມະຕິຄະນະລັດຖະມົນຕີູວາມຫມັ້ນຄົງແຫ່ງສະຫະປະຊາຊາດ ສະບັບດັ່ງກ່າວແມ່ນໄດ້ຮຽກຮ້ອງໃຫ້ທຸກປະເທດຫລີກລ້ຽງການຈັດຕັ້ງສະຸຖານເອກອັກຄະລັດຖະທູດ ທີ່ ນະຄອນເຍລູຊາເລັມ, ປະເທດອິດສະລາເອວ  ນອກນີ້ຍັງໄດ້ຮຽກຮ້ອງໃຫ້ສະມາຊິກອົງກອນສະຫະປະຊາຊາດ ບໍ່ໃຫ້ຍອມຮັບຕໍ່ການກະທຳໃດໆທີ່ຂັດກັບມະຕິຂອງອົງການສະຫະປະຊາຊາດ.

ຂະນະທີ່ການຊຸມນຸມຕໍ່ຕ້ານຜູ້ນຳປະເທດສະຫະລັດອາເມລິກາ ໂດນອລ ທຣໍ້າ ໃນຫລາຍປະເທດທົ່ວໂລກ ຍັງຄົງເກີດຂື້ນຢ່າງຕໍ່ເນື່ອງ.

ແຫລ່ງຂ່າວ: ສຳນັກງານຂ່າວຕ່າງປະເທດPBS

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...