spot_img
Homeຂ່າວພາຍ​ໃນງານວາງສະແດງສີນຄ້າ ລາວ - ຈີນ (ກວາງຊີ) 2014 ຈະໄຂຂຶ້ນໃນວັນທີ 5-9 ກັນຍານີ້

ງານວາງສະແດງສີນຄ້າ ລາວ – ຈີນ (ກວາງຊີ) 2014 ຈະໄຂຂຶ້ນໃນວັນທີ 5-9 ກັນຍານີ້

Published on

 

ກົມສົ່ງເສີມ ແລະ ພັດທະນາສີນຄ້າ ກະຊວງອຸດສະຫະກຳ ແລະ ການຄ້າລາວ ຮ່ວມກັບກົມງານວາງສະແດງສາກົນ

ແຂວງກວາງຊີ ສປ ຈີນ ຈະໄຂງານວາງສະແດງສີນຄ້າ ລະຫວ່າງລາວ ແລະ ຈີນ (ເຂດປົກຄອງຕົນເອງກວາງຊີ) ປິ

2014 ເປັນຄັ້ງທຳອິດຂຶ້ນ ຢູ່ສູນການຄ້າລາວ-ໄອເຕັກ ນະຄອນຫລວງວຽງຈັນ ແຕ່ວັນທີ 5-9 ກັນຍານີ້, ເຊິ່ງຈະມີ 72

ຫົວໜ່ວຍທຸລະກິດ ນຳເອົາສີນຄ້າພັນກວ່າລາຍການ ມາວາງສະແດງ ແລະ ຈຳໜ່າຍ ໃນນັ້ນມີ 64 ຫົວໜ່ວຍແມ່ນ

ຈາກແຂວງກວາງຊີປະກອບມີ: ຜະລິດຕະພັນເອເລັກໂຕຼນິກ, ກົນຈັກໜັກ, ຜະລິດຕະພັນພະລັງງານໃໝ່, ອຸປະ

ກອນໂລຫະ -ເຄມີພັນ, ວັດສະດຸກໍ່ສ້າງ, ເຄື່ອງອຸປະໂພກ-ບໍລິໂພກ, ເຄື່ອງນຸ່ງຫົ່ມ ແລະ ຜະລິດຕະພັນອາຫານ ແລະ

ເຄື່ອງດື່ມທີ່ມີຊື່ສຽງ ແລະ ຄຸນນະພາບດີຂອງແຂວງກວາງຊີ.

 

ຊຸມປີຜ່ານມາ ການຮ່ວມມືດ້ານເສດຖະກິດ ແລະ ການຄ້າ ລະຫວ່າງ ສປ ຈີນ ແລະ ລາວ ໄດ້ມີການຂະຫຍາຍຕົວສູງ

ຂຶ້ນເລື້ອຍໆ, ອີງຕາມຕົວເລກສະຖິຕິຂອງພາສີ ສປ ຈີນ ໃນປີ 2013 ບັນລຸ 2,74 ຕື້ໂດລາສະຫະລັດ, ເພີ່ມຂຶ້ນ 58%

ເມື່ອທຽບກັບປີກ່ອນ ແລະ ປັດຈຸບັນ, ການລົງທຶນໂດຍກົງໃນຂະແໜງການ ທີ່ບໍ່ແມ່ນການເງິນຢູ່ລາວຂອງ ສປ ຈີນ

ບັນລຸ 3,11 ຕື້ໂດລາສະຫະ ລັດ, ໄດ້ກາຍເປັນເປົ້າໝາຍການລົງທຶນອັນດັບ 3 ຂອງ ສປ ຈີນ ໃນບັນດາປະເທດອາຊຽນ.

 

ສຳລັບເຂດປົກຄອງຕົນເອງເຜົ່າຈວ້າງກວາງຊີ, ເປັນແຂວງໜຶ່ງທີ່ມີການພັດທະນາໄວຂອງຈີນ ແລະ ເປັນແຂວງ

ໜຶ່ງທີ່ມີການພົວພັນດ້ານການຄ້າກັບຫລາຍປະເທດ ແລະ ບັນດາປະເທດອາຊຽນປີ 2013 ມີມູນຄ່າການຄ້າພາຍ

ນອກບັນລຸ 32,8 ຕື້ໂດລາສະຫະລັດ, ສະເພາະການຄ້າລະຫວ່າງລາວ ແລະ ກວາງຊີ ແມ່ນ 15 ລ້ານກວ່າໂດລາສະຫະ

ລັດ ແລະ ນັບແຕ່ເດືອນມັງກອນຫາເດືອນກໍລະກົດປີນີ້, ມູນຄ່າການຄ້າເພີ່ມຂຶ້ນ 35 ລ້ານ ກວ່າໂດລາສະຫະລັດ

ແລະ ການລົງທຶນຂອງແຂວງກວາງຊີຢູ່ລາວ ມີປະມານ 135 ລ້ານໂດລາສະຫະລັດ, ສ່ວນຫລາຍແມ່ນຂະແໜງການ

ພະລັງງານ, ບໍ່ແຮ່ ແລະ ກະສິກຳ.

 

ທັງຝ່າຍລາວ ແລະ ສປ ຈີນ ໄດ້ຢືນຢັນເປັນເອກກະພາບວ່າ: ງານດັ່ງກ່າວຈະເປັນເວທີຊຸກຍູ້ສົ່ງເສີມການພົວພັນ

ຮ່ວມມືດ້ານການຄ້າ, ການລົງທຶນ ລະຫວ່າງສປຈີນ ກັບບັນດາປະເທດອາຊຽນເວົ້າລວມ, ເວົ້າສະເພາະແມ່ນ ສປປ

ລາວ ໃຫ້ນັບມື້ນັບຂະຫຍາຍຕົວຍິ່ງຂຶ້ນ, ທັງເປັນການປະຕິບັດເນື້ອໃນຈິດໃຈຜົນກອງປະຊຸມຄັ້ງທີ VI ຂອງຄະນະກຳ

ມະການຮ່ວມມືດ້ານເສດຖະກິດ ແລະ ການຄ້າລະຫວ່າງ ສປປ ລາວ ແລະ ສປ ຈີນ ໃນກາງເດືອນກໍລະກົດຜ່ານມານີ້,

ກ່ຽວກັບວຽກງານການຄ້າຜະລິດຕະພັນກະສິກຳ, ການສ້າງຕັ້ງເຂດຮ່ວມມືຂ້າມຊາດ ແລະ ຂົງເຂດສຳຄັນອື່ນໆ ເພື່ອ

ຊຸກຍູ້ການຮ່ວມມືແລກປ່ຽນເສດຖະກິດ ແລະ ການຄ້າລາວ-ຈີນ ໃຫ້ບັນລຸເປົ້າໝາຍຕ່າງຝ່າຍຕ່າງມີ ຜົນປະໂຫຍດ

ແລະ ພ້ອມກັນພັດທະນາ.

 

ແຫຼ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...

ຄາດວ່າຈະສຳເລັດໃນຕົ້ນປີ 2026 ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄືບໜ້າແລ້ວ 89.57%

ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄາດຕົ້ນປີ 2026 ຈະສໍາເລັດ ແລະ ເປີດນໍາໃຊ້ຢ່າງເປັນທາງການ. ໂຄງການ ກໍ່ສ້າງໂຮງງານບໍາບັດນໍ້າເປື້ອນນະຄອນຫຼວງວຽງຈັນ ເປັນໂຄງການໜຶ່ງທີ່ຈະຊ່ວຍໃນການປຸງປັບລະບົບສິ່ງແວດລ້ອມ,ໂດຍສະເພາະແມ່ນ ບັນຫາສິ່ງແວດລ້ອມນໍ້າ,...