ພັກຮ່ວມລັດຖະບານເລບານອນຮຽກຮ້ອງໃຫ້ຊາອຸດີອາລະເບຍ ຊີ້ແຈງຄວາມຈິງ ກໍລະນີນາຍົກລັດຖະມົນຕີເລບານອນຫາຍໂຕໄປ ຫຼັງເດິນທາງເຂົ້າພົບກະສັດອາຊຸຯ ແລະປະກາດລາອອກຈາກຕຳແໜ່ງກະທັນຫັນເມື່ອອາທິດແລ້ວນີ້.
ສະມາຊິກພັກຟິວເຕີມູບເມນ ແກນນຳລັດຖະບານປະສົມຂອງເລບານອນ ຖະແຫຼງຮຽກຮ້ອງລັດຖະບານຊາອຸດິ ອາລະເບຍໃຫ້ສະແດງຄວາມຊັດເຈນ ກໍລະນີ ທ່ານ ຊາອັດ ອັນ ຮາຣີຣີ ອະດີດນາຍົກລັດຖະມົນຕີຂອງເລບານອນ ຫາຍໂຕໄປຫຼັງເຂົ້າພົບສົມເດັດພະຍາຊາທິບໍດີຊັນມານແຫ່ງຊາອຸດິອາຣະເບຍ ເມື່ອວັນທີ 4 ພະຈິກ 2017 ທີ່ຜ່ານມາ ເຊິ່ງບາງແຫຼ່ງຂ່າວລາຍງານວ່າ ທ່ານ ຮາຣີຣີ ຖືກກັກໂຕໃນນະຄອນຫຼວງຣິຢາດຂອງຊາອຸດິອາຣະເບຍ ເຖິງແມ່ນຈະມີຖະແຫຼງການໃນນາມ ທ່ານ ຮາຣີຣີ ອອກມາເພື່ອຊີ້ແຈງວ່າທ່ານບໍ່ໄດ້ຖືກກັກໂຕຢູ່ຊາອຸ ແຕ່ກໍບໍ່ໄດ້ມີການລະບຸເພິ່ມເຕີມວ່າຂະນະນີ້ເຂົາພຳນັກຢູ່ບ່ອນໃດ ແລະທ່ານ ຮາຣີຣີ ຍັງຕ້ອງຮັກສາການໃນຕຳແໜ່ງນາຍົກລັດຖະມົນຕີຕໍ່ໄປກ່ອນ ເພາະຍັງບໍ່ມີຂະບວນການຈັດຫາຜູ້ທີ່ຈະມາຮັບຕຳແໜ່ງແທນ.
ທ່ານ ຮາຣີຣີ ຖະແຫຼງລາອອກຈາກຕຳແໜ່ງຢ່າງກະທັນຫັນ ຫຼັງເດິນທາງໄປເຂົ້າພົບກະທັດແຫ່ງຊາອຸດິອາຣະເບຍເມື່ອວັນທີ 4 ພະຈິກ ໂດຍສະຖານີໂທລະພາບຊາອຸຯ ໄດ້ເຜີຍແພ່ເຫດການທີ່ ທ່ານ ຮາຣີຣີ ຖະແຫຼງປະນາມລັດຖະບານອິລານວ່າເປັນຜູ້ໃຫ້ທ້າຍກຸ່ມຮິດບັນເລາະ ເຊິ່ງເປັນກຸ່ມຕິດອາວຸດທີ່ມີອິດທິພົນຢ່າງສູງໃນເລບານອນ ແຕ່ສະມາຊິກຂອງພັກຟິວເຕີມູບເມນລະບຸວ່າ ຖະແຫຼງການຂອງ ທ່ານ ຮາຣີຣີ ອາດຈະເກີດຂຶ້ນຍ້ອນຖືກຊາອຸດິອາຣະເບຍບີບບັງຄັບ.
ເຫດການທີ່ເກີດຂຶ້ນເຮັດໃຫ້ເກີດຄວາມສັບສົນວຸ່ນວາຍພາຍໃນພັກຮ່ວມລັດຖະບານຂອງເລບານອນຫຼາຍ ເພາະທີ່ຜ່ານມາລັດຖະບານ ທ່ານ ຮາຣີຣີ ເປັນໂຕກາງທີ່ສຳຄັນໃນການຕ້ານທານອຳນາດລະຫວ່າງລັດຖະບານຊາອຸດິອາຣະເບຍແລະລັດຖະບານອິລານໃນຕາເວນອອກກາງ ເນື່ອງຈາກ ທ່ານ ຮາຣີຣີ ເປັນຄົນມຸດສະລິມນິກາຍຊຸນນີຄືກັບຊາອຸດິອາຣະເບຍ ແຕ່ກຸ່ມຮິດບັນເລາະເປັນມຸດສະລິມນິຍາຍຊີອະ.
ນອກຈາກນັ້ນ ລັດຖະບານຊາອຸດິອາຣະເບຍ, ຄູເວດ, ບາເຣນ ແລະສະຫະລັດອາຣັບເອມິເຣດ ຍັງໄດ້ປະກາດເຕືອນພົນລະເມືອງຂອງຕົນໃຫ້ຫຼີກລ້ຽງການເດິນທາງໄປຍັງເລບານອນ. ສ່ວນຜູ້ທີ່ອາໄສຢູ່ໃນເລບານອນກໍໃຫ້ເດິນທາງກັບປະເທດ ເຮັດໃຫ້ນັກວິເຄາະເບິ່ງວ່າ ກຸ່ມປະເທດດັ່ງກ່າວອາດຈະມີແຜນໂຈມຕີເລບານອນ ເພາະນັບແຕ່ວັນທີ 4 ພະຈິກທີ່ຜ່ານມາ ເຈົ້າຊາຍໂມຮັມເມັດ ບິນ ຊັນມານ ເຈົ້າຊາຍຂອງຊາອຸດິອາຣະເບຍ ຊົງມີຄຳສັ່ງກວາດລ້າງການທຸຈະລິດໃນປະເທດ ມີການຈັບກຸມເຈົ້າຊາຍແລະລັດຖະມົນຕີຈຳນວນຫຼາຍ ເຮັດໃຫ້ນັກວິເຄາະເບິ່ງວ່າ ນີ້ເປັນການຈັດລະບຽບບໍ່ໃຫ້ກຸ່ມອິທິພົນເກົ່າກີດຂວາງການຮວບເອົາອຳນາດຂອງເຈົ້າຊາຍອາຊຸຯ ແລະທ່ານ ຮາຣີຣີ ອາດຈະຖືກໃຊ້ເປັນລູກມືໃນການເຮັດສົງຄາມຕົວແທນລະຫວ່າງຊາອຸດິອາຣະເບຍແລະອິລານ.